Xaçmazda quşçuluq kompleksi tikilir
Tarix: 12.02.2018 | Saat: 15:53:00 | E-mail | Çapa göndər


Xaçmazda illik quş əti istehsalı 6 min ton olan quşçuluq kompleksinin tikintisinə başlanılıb. Müəssisə yem fabriki, broyler və kəsim sexlərindən ibarət olacaq.
AZƏRTAC-ın bölgə müxbiri xəbər verir ki, rayonun Çarxı kəndində inşa olunan quşçuluq kompleksində yüksəkkeyfiyyətli, ixrac potensiallı quş əti və quş əti məhsulları istehsal ediləcək. 250 nəfərin işlə təmin ediləcəyi müəssisədə quş əti ilə yanaşı, ildə 10 min ton yem də istehsal olunacaq.
“Aztoyuq” MMC-nin baş direktoru Elçin Qafarov bildirib ki, layihənin ümumi dəyəri 14 milyon manatdır. Kompleksdə hər birində 40 min baş quşun saxlanacağı 20 broyler sexi fəaliyyət göstərəcək. Burada tikiləcək kəsim sexlərinin gücü saatda 2 min 500 baş quşun kəsiminə imkan verəcək.
Kompleksin tikintisinə altı ay öncə başlanılıb. Tikinti işlərinə yerli və xarici mütəxəssislər cəlb olunub. Müəssisənin ümumi ərazisi 50 hektardır. Bu ərazinin 10 hektarında broyler və kəsim sexləri, yem fabriki inşa olunacaq. 35 hektar sahədə isə fındıq bağları salınacaq. Digər 5 hektarda yaşıllıq və istirahət zonası yaradılacaq.
“Dövlətimizin başçısı Nazirlər Kabinetinin 2017-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasındakı çıxışında ərzaq təhlükəsizliyi məsələlərinin daim diqqət mərkəzində saxlanıldığını vurğulayaraq, bu sahəyə xüsusi diqqət göstərilməsini tövsiyə edib. Biz də bu tövsiyələrə uyğun olaraq, ölkədə sahibkarlara yaradılan şəraitdən faydalanmaqla belə bir quşçuluq kompleksinin tikintisinə başlamışıq”, - deyə Elçin Qafarov bildirib.
Quşçuluq kompleksinin bu ilin yay aylarında başa çatdırılması nəzərdə tutulub.


Mahmud




 
Bölməyə aid digər xəbərlər
26.09.2018
Qəbələli fermerlər bu il 75 hektar sahədə tütün yetişdiriblər
26.09.2018
Müşfiq Cəfərov: Aprel şəhidləri gənclər üçün əsl qəhrəmanlıq məktəbinə çevrilib
25.09.2018
“ADEX-2018” Azərbaycanın müdafiə sənayesi kompleksinin gücü və qüdrətinin nümayişidir
25.09.2018
Nəsimi rayonunda yeni park istifadəyə verilib
25.09.2018
Yaponiya Zaqatala və Qax rayonlarına təcili tibbi yardım maşınları verib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10147

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info