19 yaşlı amerikalı 20-ə yaxın məktəblini öldürüb
Tarix: 15.02.2018 | Saat: 15:19:00 | E-mail | Çapa göndər


Xəbər verildiyi kimi, fevralın 14-də Florida ştatındakı Marcori Stounman Duqlas məktəbində atışma baş verib. Hakimiyyət nümayəndələri bildiriblər ki, atışma nəticəsində azı 17 nəfər həlak olub. Onlardan ikisi xəstəxanada vəfat edib. Xəstəxanaya çatdırılmış 14 nəfər yaralıdan beşinin vəziyyəti ağırdır.
Hüquq mühafizə orqanları caninin şəxsiyyətini təsdiq ediblər. Bu, əvvəllər həmin məktəbdə oxumuş 19 yaşlı Nikolas Kruzdur. Brouard dairəsinin şerifi Skott İsrailin sözlərinə görə, Kruz intizamsız şagird kimi məktəbdən xaric edilib. S.İsrail daha sonra bildirib ki, Kruz sosial şəbəkələrdə əlində bıçaq və odlu silah olduğu vəziyyətdə çəkilmiş fotoşəkillərini paylaşırmış. Şahidlərin çoxunun dediyinə görə, Kruzun məktəbdən xaric edilməsinə səbəb tez-tez silah gəzdirməsi olub. Kruzun keçmiş riyaziyyat müəlliminin sözlərinin görə, keçən il məktəb müdiriyyəti “təhlükəsizliyə təhlükə” olan bu şagirdin arxa çantası ilə məktəbə gəlməsini qadağan edib.
Yayılan məlumatlara görə, atışma dərslərin başa çatmasına az qalmış başlanıb. Yerli qəzetlər yazırlar ki, Marcori Stounman Duqlas məktəbində 3208 şagird təhsil alır. Hüquq mühafizə orqanlarının nümayəndələri bildiriblər ki, Kruzun üstündə əl qumbaraları və AR-15 markalı avtomatik tüfəng olub. Bildirilir ki, Kruz maksimum sayda insanı qətlə yetirmək üçün dərs məşğələlərinin başa çatmasına az qalmış yanğın siqnalizasiyası düyməsini basıb ki, şagirdlərin çoxu dəhlizlərə çıxsın. Hakimiyyət orqanlarının nümayəndələri bildirirlər ki, Kruz küçəyə qaçan şagirdlərə qoşularaq polisdən gizlənməyə cəhd göstərib, lakin onu dərhal yaxalayıblar. Axşam saat 11-ə qədər öldürülmüş məktəblilərdən yalnız 12-nin şəxsiyyəti müəyyən edilib. Daha 5 nəfərin şəxsiyyəti hələ müəyyən edilməyib və bu uşaqların vəziyyəti barədə onların ailələrinə hələlik məlumat verilməyib.
Prezident Tramp və Florida ştatının qubernatoru Rik Skot həlak olanların ailələrinə başsağlığı veriblər. Qubernator Skott hadisə yerindədir.
Tural




 
Bölməyə aid digər xəbərlər
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb
17.11.2018
Suriyada uşaqlardan ibarət terrorçu dəstələr yaradılıb
16.11.2018
Ərdoğan Qəzza zolağında vəziyyətlə bağlı Abbasa dəstəyini bildirib
16.11.2018
ABŞ Gülənin ekstradisiyasının yollarını axtarır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info