ADPU ilə Kipr Universiteti arasında müəllim-tələbə mübadiləsi aparılacaq
Tarix: 19.02.2018 | Saat: 19:13:00 | E-mail | Çapa göndər


Azərbaycan Dövlət Pedaqoji Universitetinin (ADPU) rektoru, professor Cəfər Cəfərov Şimali Kipr Türk Respublikasının Girne Amerikan Universitetinin təsisçisi və qurucusu, rektoru, professor Serhat Akpınar və prorektoru, professor Sualp Davutla görüşüb. Görüşdə Tədris işləri üzrə prorektor, dosent Eldar Aslanov, Tədris Departamentinin direktoru, dosent Sənan Əliyev, Beynəlxalq əlaqələr şöbəsinin mütəxəssisi Lətif Kəngərli, Proloq İnkişaf Mərkəzinin təsisçisi Orxan Həsənoğlu iştirak ediblər.
Qonaqları rəhbərlik etdiyi ADPU-da görməkdən məmnunluq duyduğunu bildirən rektor Cəfər Cəfərov onlara universitetin tarixi, müasir vəziyyəti, tədris prosesi, həyata keçirilən islahatlar, yeniliklər barədə məlumat verib. Rektor qeyd edib ki, Azərbaycan Müəllimlər İnstitutunun ADPU-ya qoşulmasından sonra universitet struktur və müəllim-tələbə heyəti baxımından ölkəmizin ən böyük universitetlərindən birinə çevrilib. Hazırda ADPU-da 8 fakültə, 35 kafedra fəaliyyət göstərir. ADPU-nun 5 filialı var. Azərbaycan Dövlət Pedaqoji Kolleci ADPU-nun nəzdində fəaliyyət göstərir. Məmməd Rahim adına 7 nömrəli tam orta məktəb ADPU-nun baza məktəbi müəyyən edilib. ADPU-da 17 mindən çox tələbə təhsil alır. Tədris 4 binada aparılır. ADPU-da həyata keçirilən islahatların, yeniliklərin, layihələrin əsas məqsədi müəllim hazırlığının keyfiyyətinin yüksəldilməsi, ölkəmizin məktəblərini yüksəkixtisaslı pedaqoji kadrlarla təmin etməkdir. ADPU beynəlxalq əlaqələrinin genişləndirilməsinə və qabaqcıl dünya təcrübəsinin öyrənilməsinə böyük önəm verir. ADPU Avropanın, Türkiyənin, Şimali Kipr Türk Respublikasının və digər ölkələrin universitetləri ilə əməkdaşlıq əlaqələrinin qurulması üçün səmərəli əməli fəaliyyət gerçəkləşdirir. ADPU-da TÜRKSOY kafedrası, Türk araşdırmaları və Dədə Qorqud elmi-tədqiqat laboratoriyaları fəaliyyət göstərir.
Girne Amerikan Universitetinin təsisçisi və qurucusu, rektoru Serhat Akpınar səmimi və qonaqpərvər münasibətə görə ADPU-nun rəhbərliyinə təşəkkür edib. Təmsil etdiyi universitet haqqında danışan professor Serhat Akpınar universitetin fakültələri, ixtisasları, tədris prosesi, beynəlxalq əlaqələri barədə ətraflı məlumat verib.
Görüşdə ADPU ilə Girne Amerikan Universiteti arasında müəllim-tələbə mübadiləsi, birgə elmi-tədqiqat işlərinin aparılması, layihə və proqramların icra edilməsi, müştərək beynəlxalq elmi konfransların, simpozium, sərgi və seminarların keçirilməsi, eləcə də dil-ədəbiyyat sahəsində və digər sahələrdə əməkdaşlıq məsələləri müzakirə edilib.

Nigar




 
Bölməyə aid digər xəbərlər
18.11.2018
Bakı Şəhər Baş Polis İdarəsinin məlumatı
18.11.2018
Əli Həsənov: Polis üçün əsas siyasi mənsubiyyət məsələsi deyil, ictimai asayişin təmin edilməsidir
17.11.2018
Başqa ölkələrdən gələn qaçqınların sosial təminatlardan yararlanması üçün yeni mexanizm yaradılacaq
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Azərbaycan Gənclərinin VIII Forumu keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10498

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info