Zəhmətabad-Bəydili-Xırmandalı-Əliabad avtomobil yolu yenidən qurulur 
Tarix: 20.02.2018 | Saat: 17:52:00 | E-mail | Çapa göndər


Biləsuvarın Zəhmətabad-Bəydili-Xırmandalı-Əliabad avtomobil yolu yenidən qurulur.
Azərbaycan Avtomobil Yolları Dövlət Agentliyinin ictimaiyyətlə əlaqələr şöbəsindən bildirilib ki, “40 yol layihəsi” çərçivəsində ötən il başa çatan 52 kənd və qəsəbələrarası avtomobil yollarının ardınca 2018-ci ili agentlik yeni yol infrastrukturu layihələri ilə başlayıb. Bu il ən azı 600 kəndin yolları da daxil olmaqla ümumilikdə 2300 kilometr avtomobil yollarının yenidən qurulması planlaşdırılıb. Onlardan biri də Biləsuvar rayonunun Zəhmətabad-Bəydili-Xırmandalı-Əliabad avtomobil yoludur.
Zəhmətabad, Bəydili, Xırmandalı və Əliabad kəndlərindən keçən avtomobil yolu Prezident İlham Əliyevin müvafiq göstəriş və sərəncamlarına əsasən regionların sosial-iqtisadi inkişafı dövlət proqramı çərçivəsində yenidən qurulur. Tikinti işləri Azərbaycan Avtomobil Yolları Dövlət Agentliyi tərəfindən aparılır. Sözügedən yolun uzunluğu 15,4 kilometr təşkil edir və III-IV texniki dərəcəyə uyğun olaraq çəkilir.
Yatağının eni müvafiq olaraq 12 və 10 metr olan yolun yararsız qruntu qazılaraq çıxarılır, əvəzinə yararlı çınqıl materialı tökülərək əks-dolğu və kipləşdirmə işləri aparılır və yeni yol yatağı hazırlanır. Ardınca optimal-qırmadaş və qum-çınqıl qarışığından ibarət yol əsası tikinti norma, standartlarına uyğun asfalt-beton örtüyü döşənəcək. 2 laydan ibarət (7 + 5 santimetr) asfalt-beton örtük 100 min kvadratmetrə yaxın sahədə salınacaq.
Uzun illər istismar olunmasına baxmayaraq əsaslı şəkildə bərpa olunmayan yolun 7 kilometrlik hissəsində dağılmalar və deformasiyalar yaranıb. Yolun qalan 8 kilometrlik hissəsi isə ümumiyyətlə torpaq və çınqıl örtüklü olub. Buna səbəbdən yol sarıdan əziyyət çəkən 4 yaşayış məntəqəsinin 20 mindən çox əhalisi bəzən 10-15 dəqiqəlik məsafəni uzun müddətə qət etmək məcburiyyətində qalıblar. Sakinlər indi yol tikintisinin sürətindən və keyfiyyətindən xeyli razıdırlar.
Tikinti zamanı kənd sakinlərinin ürəyincə olan daha bir yenilik yolun altında mövcud suötürücü boru və keçidlərin bərpası, həmçinin müxtəlif diametrli yeni dəmir-beton suötürücü boruların inşasıdır. Çünki boru və su keçidlərinin köməyi ilə yolun altından ötürülən su ilə onlar əkin sahələrini daha rahat və məhsullar xarab olmadan suvara bilir. Ümumilikdə 20-dən artıq nöqtədə 232 paqonmetr uzunluğunda yeni suötürücü boruların tikintisi nəzərdə tutulub.
Biləsuvar böyük kənd təsərrüfatı rayonlarından biridir. Burda ixrac yönlü məhsullar üstünlük təşkil edir. Belə ki, rayonda taxıl və pambıq, bostan və tərəvəz məhsullarının istehsalı ildən-ilə artır. Yenidən qurulan Zəhmətabad-Bəydili-Xırmandalı-Əliabad avtomobil yolu boyunca da bunu müşahidə etmək mümkündür. Yolun əsaslı şəkildə bərpa edilərək istifadəyə verilməsindən sonra isə sözügedən kəndlərin əhalisinin öz pay torpaqlarında yetişdirdikləri məhsulları bazarlara rahat və xarab olmadan qısa zamanda çıxarmaq imkanı yaranacaq.
Zəhmətabad-Bəydili-Xırmandalı-Əliabad avtomobil yolu vasitəsilə əhalinin nəinki rayon mərkəzinə, həmçinin Ələt-Astara-İran İslam Respublikası ilə dövlət sərhədi avtomobil yoluna rahat çıxış əldə etməklə, respublikanın bütün istiqamətlərinə yük və sərnişin daşıması asanlaşacaq.
Tural




 
Bölməyə aid digər xəbərlər
19.09.2018
Yeni yolların açılışı cənub bölgəsində turizmin inkişafına təkan verəcək
19.09.2018
“First in Azerbaijan“ investisiya təşviqi mexanizmi yaradılır
19.09.2018
Növbəti startap turu Sumqayıtda keçiriləcək
19.09.2018
Neft sənayesi işçiləri təltif edilib
19.09.2018
Qubada yol tikintisinə 10,8 milyon manat ayrılıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info