Azərbaycan ilə Avstriya arasında əməkdaşlığın perspektivləri müzakirə edilib
Tarix: 21.02.2018 | Saat: 16:11:00 | E-mail | Çapa göndər


“Azərbaycan Dəmir Yolları” Qapalı Səhmdar Cəmiyyətinin sədri, Milli Məclisin deputatı, Azərbaycan-Avstriya parlamentlərarası əlaqələr üzrə işçi qrupunun rəhbəri Cavid Qurbanov Vyanada Avstriya parlamentinin (Milli Şura) üzvü, Avstriya-Azərbaycan İkitərəfli Parlament Qrupunun sədri xanım Barbara Krennlə görüşüb.
Görüşdə ölkələrimiz arasında əməkdaşlığın perspektivləri ətrafında fikir mübadiləsi aparılıb.
Milli Şuraya keçirilmiş son seçkilərdən sonra yeni heyət tərkibi hələ formalaşmamış dostluq qrupunun Avstriya tərəfdən sədri B.Krenn bu vəzifəni üzərinə götürdüyünə görə çox məmnun olduğunu söyləyib. O, iki ölkə arasında münasibətlərin daha da inkişaf etdirilməsi üçün müsbət rol oynamaq imkanı əldə etdiyinə görə qürur hissi duyduğunu ifadə edib.
Avstriyanın Ştiriya federal əyalətindən olan deputat həmin əyalətdə yerləşən, tarixi əhəmiyyətə malik turistik bir məkan kimi tanınan Pürq-Trautenfels inzibati rayonunun 8 il ərzində meri vəzifəsində işlədiyini, bu fəaliyyəti zamanı xarici əlaqələrə xüsusi diqqət yetirdiyini və təcrübəsinə əsaslanaraq yeni işində də parlamentlərarası əlaqələrə prioritet verəcəyini vurğulayıb.
Görüşdə C.Qurbanov Azərbaycanla bağlı həqiqətlərə, dövlətçiliyimizin tarixinə nəzər salaraq, respublikamızdakı dinamik inkişafın müxtəlif aspektləri, ölkələrimiz arasında ayrı-ayrı sahələrdə, o cümlədən iri infrastruktur layihələrinin həyata keçirilməsi sahəsində əməkdaşlıq perspektivləri və imkanları barədə danışıb. O, avstriyalı həmkarının rəhbərliyi ilə parlament qrupunu Azərbaycana səfərə dəvət edib.
Sonda Cavid Qurbanov öz adından B.Krennin adına ünvanlanan, “Ekspo 2025” Ümumdünya Sərgisinə ev sahibliyi ilə bağlı Bakı şəhərinin namizədliyinin dəstəklənməsinə mümkün töhfə verilməsi barədə müraciət məktubunu həmsöhbətinə təqdim edib. O, avstriyalı deputatdan bu məsələdə mümkün kömək göstərilməsini xahiş edib.
Tural




 
Bölməyə aid digər xəbərlər
17.11.2018
On ayda neft sektoruna 5 milyard manatadək vəsait yönəldilib
17.11.2018
Azərbaycanda 32,2 milyon ton neft və 15,5 milyard kubmetr əmtəəlik qaz çıxarılıb
17.11.2018
Azərbaycan nefti bahalaşıb
16.11.2018
Qış fəslində əhalinin qazla təminatında problem olmayacaq
16.11.2018
“Sumqayıt Kimya Sənaye Parkında 18 müəssisə fəaliyyət göstərəcək”

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10493

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info