Ermənilər təlaşda: “Vəziyyət bizim üçün təhlükəli istiqamətdə dəyişir”
Tarix: 22.02.2018 | Saat: 22:42:00 | E-mail | Çapa göndər


“ArmenianReport”: “Ankara ilə Bakı arasında siyasi və iqtisadi sahə ilə yanaşı, hərbi əlaqələr də güclü şəkildə inkişaf edir”

Ermənilərdə riyakarlığın hələ ana bətnində olarkən əmələ gəldiyini onlar özləri də çoxdan etiraf ediblər. Onlar üçün ləyaqət, dostluq məfhumu yoxdur. Onlar həmişə kiminsə qanadı altında yaşayıb, bədxah niyyətlərini həyata keçirmək üçün məqam gözləyiblər. Nəzakətdən uzaq olsa da, gürcü yazarı Serqi Sacayanın "ermənilər şir yox, sadəcə daha güclü xalqlara qulluq edən çaqqallardır" deyimini xatırlamaq məcburiyyətində qalırıq. Çünki alman alimi Alfred Kortenin sözləri ilə desək «…onların yalan və intriqalarının öhdəsindən hətta yazılı sənəd belə, gələ bilməz". Mətləbə keçək. Beləliklə, son günlər Türkiyə ordusunun terrorçulara qarşı apardığı uğurlu əməliyyatlar Ermənistanda qıcıqla qarşılanır. Maraqlıdır ki, bir müddət bundan əvvəl bu mövzu hətta Ermənistan parlamentində də müzakirə mövzularından birinə çevrilmişdi. Maraqlıdır, Ermənistanın kürkünə birə salan nədir? Onlar hansı əsasla “Türkiyənin bütün bölgə üçün təhlükə yaratdığını iddia edirlər”. Əslində, bu məsələdə Ermənistanı qıcıqlandıran məsələ Moskvanın Ankara ilə qurduğu münasibətdlərdir. Ermənilərin “ArmenianReport” saytı həyasızcasına Türkiyənin terrorçulara qarşı mübarizəsində “imperiya ambisiyaları” axtarmağa çalışır. Guya humanistlik mücəssiməsi olan Ermənistan Suriyada tökülən “günahsız qanlara” görə “sarsılır” və beynəlxalq təşkilatlardan Türkiyəyə qarşı sanksiyalar tətbiq etməyə çağırış edir. Maraqlıdır ki, erməni saytı ABŞ-ı "ikili standartlar" siyasətində, Rusiyanı isə «fəaliyyətsizlikdə» «ittiham» edir. Sayt yazır: “...Mən bunu Rusiyanın hərəkətlərini haqlı hesab etmək üçün söyləyə bilmərəm. Ona ehtiyac da yoxdur. Mən yalnız Türkiyəyə qarşı "beynəlxalq təzyiq"lə bağlı heç bir addım olmadığını göstərmək istəyirəm. Belə olan halda Turkiyə də daha açıq şəkildə Azərbaycan dəstəkləməyə, Ermənistana təzyiq göstərməyə başlayır. Türkiyə prezidenti Rəcəb Tayyib Ərdoğan partiyasının qrup iclasında çıxış edərkən bildirib ki, "Xocalı soyqırımı" insanlıq tarixinin ən qəddar səhifələrindən biridir . O, deyib ki, dünyada kimsə kütləvi qırğın nümunəsi axtarırsa, onda Xocalıya baxsın”. Türkiyə ana müxalifət partiyasının rəhbəri Kamal Kılıçdaroğlunun «türklərin qəlbi həmişə Azərbaycanla döyünür" deməsi isə ermənilərdə qorxu hissini daha da artırıb: “Bunlar nə deyir? Vəziyyət bizim üçün təhlükəli bir istiqamətdə dəyişir. Ankara ilə Bakı arasında siyasi və iqtisadi sahə ilə yanaşı, hərbi əlaqələr də güclü şəkildə inkişaf edir. Bu da Ermənistanın Azərbaycan-Türkiyə tandeminin hücumu ilə üzləşə biləcəyini deməyə əsas verir. Türk əsgərləri Azərbaycan əsgəri formasında ermənilərə qarşı "hibrid müharibə" aparma taktikasından da istifadə edə bilər. Bütün bunlar, Ankara ilə Bakı arasındakı tamamilə açıq hərbi əməkdaşlıq daxil olmaqla, Ermənistan üzərində böyük təhlükə yaradır. Və dünya bunu görməməyi üstün tutur”.
Ağasəf Babayev




 
Bölməyə aid digər xəbərlər
20.08.2019
“Stokholmda Rəssamlıq qalereyası açmaq planım var”
10.08.2019
Radikallar dövlətin mənafelərini, vətəndaşların hüquqlarını qoruyan polisdən nə istəyirlər?
07.08.2019
AXC-Müsavatın hakimiyyət davası olmasaydı, torpaqlar əldən getməyəcəkdi
05.08.2019
“Azərbaycan dövlətini və xalqını xaricdə layiqincə təbliğ etməyə çalışıram”
01.08.2019
“Ermənistanda maaşları artırmaq üçün sabit maliyyə mənbələri yoxdur”

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10867

1 750 mindən çox vətəndaşın pensiyasında artım olacaq
2 Azərbaycana qarşı casusluq edən 128 nəfər aşkar edilib
3 Bakıdan avtobusla Naxçıvana gedənlərə şad xəbər
4 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info