Suriyada yeni “atəşkəs oyunu”
Tarix: 23.02.2018 | Saat: 01:05:00 | E-mail | Çapa göndər


Türkiyə Silahlı Qüvvələrinə Afrin bölgəsi istiqamətində hərəkət edən bütün qüvvələri məhv etmək barədə əmr verilib
ABŞ BMT-nin Təhlükəsizlik Şurasının Suriyada 30 günlük atəşkəsə dair qətnaməni dəstəkləyəcək. TASS agentliyinin xəbərinə görə, bunu ABŞ-ın BMT-dəki daimi nümayəndəsi Nikki Heyli bəyan edib. Təhlükəsizlik Şurası atəşkəsə dair qətnaməni qəbul etməlidir. ABŞ Şuranın digər üzvləri kimi sənədi dəstəkləməlidir”, deyə N.Heyli bildirib. Hazırda BMT Təhlükəsizlik Şurası Suriyada 30 günlük atəşkəs rejiminin tətbiqini nəzərdə tutan, Küveyt və İsveçin hazırladığı qətnamə layihəsini nəzərdən keçirir. İsveçin BMT-dəki daimi nümayəndəsi Ulof Skuqun sözlərinə görə, sənədə yaxın günlərdə baxılacaq. Qeyd edək ki, Suriyanın paytaxtı Dəməşq yaxınlığında yerləşən Şərqi Quta ətrafında münaqişənin sülh yolu ilə həll edilməsi üzrə danışıqlar prosesi pozulub. Bu barədə Rusiya Müdafiə Nazirliyinin yaydığı bəyanatda bildirilir. “Şərqi Qutada kritik humanitar və sosial-iqtisadi vəziyyət yaranıb. Tərəflərin Barışdırılması üzrə Rusiya Mərkəzinin qeyri-qanuni hərbi birliklərə müqavimətin dayandırılması və silahları yerə qoymaq çağırışı nəticəsiz qalıb. Beləliklə, Şərqi Quta ətrafında münaqişənin sülh yolu ilə həll edilməsi üzrə danışıqlar prosesi pozulub”- deyə, məlumatda deyilir. Rusiya Şərqi Qutada vəziyyətə dair BMTTəhlükəsizlik Şurasının təcili iclasının çağırılmasını təklif edib. Bu barədə Rusiyanın BMT-dəki daimi nümayəndəsi Vasiliy Nebenzya bildirib: “Biz Şərqi Qutadakı vəziyyəti müzakirə etmək üçün Təhlükəsizlik Şurasının açıq iclasının çağırılmasını təklif edirik. Düşünürük ki, BMT TŞ üzvləri vəziyyəti qiymətləndirməli və çıxış yollarını təklif etməlidirlər”. Türkiyənin Suriuanın Afrin bölgəsindəki əməliyyatları davam edir. Türkiyənin xarici işlər naziri Mövlud Çavuşoğlu dünən verdiyi açıqlamada deyib ki, Ankara Afrin bölgəsində terrorçu qüvvələrin, eləcə də “Suriya xalq qüvvələri”nin toplaşmasına imkan verməyəcək. “Sabah” qəzeti bildirir ki, nazir özünü “Suriya xalq qüvvələri” adlandıran qruplaşmanın Afrinə daxil olmağa çalışdığənə bildirib: “Türkiyə Silahlı Qüvvələri onlara ciddi müqavimət göstərib”. Çavuşoğlunun sözlərinə görə, Türkiyə üçün prioritet Suriyanın ərazi bütövlüyünün qorunub saxlanmasıdır. Xatırladaq ki, bundan əvvəl yayılan məlumatda bildirilirdi ki, Türkiyə Silahlı Qüvvələri Afrin bölgəsi istiqamətində hərəkət edən bütün qüvvələri məhv etmək barədə əmr alıb. Türkiyə SQ-nin Baş Qərargahı bu qərarı “Suriya Xalq Qüvvələri” qruplaşmasının Afrinə girmək cəhdinin qarşısının alınmasından sonra qəbul edib. Yeri gəlmişkən, Türkiyənin jandarm qüvvələri və xüsusi təyinatlı polisi Afrində terrorçulardan təmizlənmiş ərazilərə daxil olub.
Anar




 
Bölməyə aid digər xəbərlər
23.05.2019
Terrorçular “Zara“nı bombaladı
23.05.2019
Britaniya XİN Tereza Meyin istefası barədə məlumatı təkzib edib
23.05.2019
Böyük Britaniya və Hollandiyada Avropa Parlamenti seçkiləri üçün səsvermə başladı
23.05.2019
28 May – Respublika Günü Nyu Yorkda təntənəli konsertlə qeyd ediləcək
23.05.2019
Cakartada kütləvi etiraz aksiyaları davam edir

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10785

1 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
2 Üç müharibə iştirakçısı olan general-mayor
3 Oqtay Zülfüqarovun uşaq mahnıları müasir aranjemanda səslənəcək
4 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
5 …Hər sözdə vətən axtaran soydaşımız


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info