“Regional əməkdaşlığın müvəffəqiyyət örnəyi: Bakı-Tbilisi-Qars dəmir yolu“
Tarix: 23.02.2018 | Saat: 15:22:00 | E-mail | Çapa göndər


Ankara Qatar Qarı - Ankara Hoteldə "Regional Əməkdaşlığın Müvəffəqiyyət Örnəyi: Bakı-Tbilisi-Qars dəmir yolu ``adlı Beynəlxalq Ankara forumu keçirilib. Forum Avrasiya İqtisadi Əlaqələr Dərnəyi (EkoAvrasya) və Azərbaycan Respublikası Ankara səfirliyi ilə birgə təşkil edilib. İki tərəfli danışıq halında həyata keçirilmiş olan beynəlxalq forumda Türkiyə Nəqliyyat, Dənizçilik və Rabitə naziri köməkçisi Yüksel Coşkun Yürek, nazirliyin səlahiyyətli nümayəndələri, Azərbaycan, Gürcüstan və Çin Xalq Respublikası Ankara səfirləri, eyni zamanda, millət vəkilləri və alimlər də iştirak edib. İlk olaraq, Bakı-Tbilisi-Qars dəmir yolunun fəaliyyəti ilə bağlı video çarx nümayiş etdirilib. Açılış ve protokol çıxışı EkoAvrasya İdarə Heyətinin sədri Hikmet Erenin çıxışı ile başlayıb. O, öz əhəmiyyətinə görə, qlobal səciyyə daşıyan, iki qitəni polad relslərlə birləşdirən Bakı-Tbilisi-Qars dəmir yolu layihəsinin böyük sosial-iqtisadi səmərəyə zəmin yaratdığının əhəmiyyətini qeyd edib. Türkiyə Nəqliyyat, Dənizçilik və Rabitə naziri cənab Yüksel Coşkun Yürek bu layihənin həyata keçirilməsinin iqtisadi səmərəlilik, sürət və vaxt tezliyi, təhlükəsizlik və etibarlılıq baxımından böyük əhəmiyyət kəsb etdiyini bildirib. Eyni zamanda, Azərbaycan Respublikası Ankara səfiri Xəzər İbrahim Bakı-Tbilisi-Qars dəmir yolu xətti üzrə beynəlxalq layihənin həyata keçirilməsinin Avropa və Asiya ölkələrinə məxsus yüklərin bu dəmir yoluna cəlb edilməsinin hər iki istiqamətdə intermodal və konteyner daşımalarında böyük rol oynadığını, Azərbaycanın dövlət müstəqilliyi və suverenliyinin möhkəmləndirilməsinə, habelə xarici iqtisadi əlaqələrin genişləndirilməsinə xidmət etdiyini diqqətə çatdırıb. Bundan başqa, Türkiyə-Azərbaycan Parlamentlərarası Dostluq Qrupu sədri, Adana millət vəkili doktor Nəcdət Ünüvar, Çin Xalq Respublikası Ankara səfiri Yu Honqyanq, Gürcüstan Ankara səfiri İrakli Koplatadze çıxış edərək Bakı-Tbilisi-Qars dəmir yolu layihəsinin xalqlarımızın daha da yaxınlaşmasına və iqtisadi inkişafa ən böyük töhfə verdiyini, Avropa Qonşuluq siyasəti çərçivəsində əməkdaşlığın daha da inkişafına səbəb olduğunu, regionda turizmin inkişafına güclü təsir göstərdiyini, Çin sərmayələrinin bölgəyə yatırılmasında əhəmiyyətli rol oynadığını nəzərə çatdırıblar. Forumun birinci hissəsi "Türkiyə-Azərbaycan-Gürcüstan Üçlü əməkdaşlığın konkret nümunəsi: Bakı-Tbilisi-Qars dəmir yolu" adlı başlığı altında davam edib. Bununla əlaqədar Azərbaycan Milli Məclisinin millət vəkili Aydın Hüseynov Ankara Forumunun Bakı-Tbilisi-Qars dəmir yolu layihəsinə həsr olunduğunu qeyd edərək, forumda Bakı-Tbilisi-Qars dəmir yolunun perspektivlərinin çox elmi şəkildə təhlil olunduğunu , eyni zamanda bu layihənin Avropaya inteqrasiya proseslərini sürətləndirdiyini bildirib. Habelə, Qars millət vəkili doktor Səlahaddin Beyribey, Kapadokya Universiteti rektoru professor, doktor Hasan Ali Karasar, Nəqliyyat, Dənizçilik və Rabitə Nazirliyi İnfrastruktur İnvestisiyalarının ümumi sədr köməkçisi Şamil Kayalak, Beynəlxalq Nəqliyyat Assosiasiyası baş icraçı direktoru Fatih Şener çıxış edəək enerji sahəsində ``Bakı-Tbilisi-Ceyhan" və ``Bakı-Tiflis-Ərzurum`` layihələrindən sonra Türkiyə, Azərbaycan və Gürcüstan arasında reallaşdırılmış üçüncü böyük layihə, XXI əsrin əsas layihələrindən olan ``Bakı-Tbilisi-Qars`` dəmir yolu layihəsinin təkcə üç xalqı, üç ölkəni deyil, həmçinin onlarla xalq və ölkə arasında körpü rolu oynadığını, hal-hazırda regional əməkdaşlığın ən əhəmiyyətli göstəricilərindən biri olduğunu vurğulayıblar. Forumun ikinci hissəsində "Bakı-Tiflis-Qars dəmir yolu xəttinin Regional İqtisadiyyata qatqısı" adlı mövzuya keçid alınıb. Bununla bağlı, EkoAvrasya fəxri başqanı, 24-cü dönəm millət vəkili Feramüz Üstün, Gürcüstan Parlamentinin millət vəkili Mahir Dərziyəv, Ərzurum millətvəkili İbrahim Aydəmir, Nəqliyyat, Dənizçilik və Rabitə Nazirliyi Düzenleme Genel Müdürü Cəm Murad Yıldırım, TOBB İqtisadiyyat və Texnologiya Universiteti müəllimi dosent-doktor Toğrul İsmayıl, Giresun Universiteti müəllimi dosent-doktor Yalçın Sarıkaya çıxış edərək Bakı-Tbilisi-Qars dəmir yolu layihəsinin ümumilikdə, region ölkələrinin tranzit potensialını artırdığını və bunun əhəmiyyətini diqqətə çatdırıblar. Qeyd edək ki, bu töhfənin təməlində Azərbaycan, Gürcüstan və Türkiyənin sarsılmaz dostluğu və qardaşlığı dayanır.
Ülkər Piriyeva ANKARA




 
Bölməyə aid digər xəbərlər
21.09.2018
“Jamanak“: «KTMT İrəvanın bu təşkilatdan ümid gözləməməsini bəyan edir»
20.09.2018
Moldovada Dnestryanı bölgə ilə bağlı referendum keçiriləcək
20.09.2018
Sevak Akobyan: ”Hakimiyyət KİV-ə təzyiqi artıracaq”
20.09.2018
Tevos Arşakyan: ”Paşinyan boş-boş danışmaqla məşğuldur”
19.09.2018
İnternetdə şərh yazmaq üçün qeydiyyatdan keçmək lazımdır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10128

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 “Mübariz İbrahimov təkbaşına bir çox işğalçını məhv edərək şəhidlik zirvəsinə ucalıb”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info