ADPU-da “Fəryad edən Xocalı” inteqrativ dərsi keçirilib
Tarix: 23.02.2018 | Saat: 19:37:00 | E-mail | Çapa göndər


Azərbaycan Dövlət Pedaqoji Universitetində (ADPU) Xocalı soyqrımının iyirmi altıncı ildönümünə həsr edilmiş “Fəryad edən Xocalı” inteqrativ dərs keçirilib. Tədbirdə ADPU-nun rəhbərliyi, Pakistanın Azərbaydankı fövqəladə və səlahiyyətli səfiri Saeed Khan Mohmand,   İraqın  fövqəladə və səlahiyyətli səfiri Fadhil Awad Al-Shuwaili, Sudan səfirliyinin müşaviri Awadia Ahmed Yahya, İordaniya səfirliyinin I katibi Saad El Gazali,  fakültə dekanları, kafedra müdirləri, müəllim və tələbələr, qeyri-hökumət təşkilatlarının təmsilçiləri və kütləvi informasiya vasitələrinin əməkdaşları iştirak ediblər. Tədbirdən öncə iştirakçılar Xocalı soyqırırmını əks etirən rəsm əsərlərindən ibarət sərgi ilə tanış olublar. Tədbirdə əvvəlcə Xocalı soyqırımı zamanı şəhid olan soydaşlarımızın və eləcə də bütün şəhidlərimizin xatirələri bir dəqiqəlik sükutla yad edilib.
Tədbiri giriş sözü ilə açan Elm və innovasiyalar şöbəsinin müdiri, dosent Yusif Alıyev bildirib ki, Xocalı soyqırımından iyirmi altı il keçir. Xocalı faciəsi XX əsrdə ermənilər tərəfindən xalqımıza qarşı törədilmiş növbəti kütləvi qırğın olmaqla bərabər, həm də Azərbaycanın ərazi bütövlüyünə və dövlət müstəqilliyinə qarşı yönəlmiş ənənəvi terror siyasətinin tərkib hissəsidir. Bu soyqırımı həm də bəşəriyyətə və insanlığa qarşı yönəlmiş ən qəddar cinayətlərdən biridir. Xocalı soyqırımı beynəlxalq hərbi cinayət aktıdır. Namərd və xain qonşularımız olan ermənilər keçmiş Sovet Ordusunun Xankəndidə yerləşən 366-cı motoatıcı alayının köməyi ilə 1992-ci il fevralın 25-dən 26-na keçən gecə 7 min əhalisi olan Xocalıda dəhşətli və qəddar bir cinayət törətdilər. Xocalı faciəsi bəşər tarixində misli görünməmiş bir cinayət aktıdır. Xocalı soyqırımının beynəlxalq ictimaiyyətə çatdırılması ilə bağlı əməli tədbirlər yalnız ulu öndərimiz Heydər Əliyevin xalqımızın çox böyük istəyi və inadlı tələbi ilə Azərbaycanda yenidən dövlət rəhbərliyinə qayıtmasından sonra həyata keçirildi. Xocalı faciəsi zamanı həlak olmuş soydaşlarımızın ailələləri həmişə Azərbaycan Respublikasının Prezidenti cənab İlham Əliyevin diqqət mərkəzindədir.
İraqın  fövqəladə və səlahiyyətli səfiri Fadhil Awad Al-Shuwaili, Sudan səfirliyinin müşaviri Awadia Ahmed Yahya çıxış edərək Xocalı soyqırımının yalnız Azərbaycan xalqına qarşı deyil, bütövlükdə bəşəriyyətə qarşı yönəlmiş böyük hərbi cinayət olduğunu bildirərək təmsil etdikləri ölkələrin Xocalı faciəsini soyqırımı kimi tanıdıqlarını və Azərbaycanın ərazi bütövlüyünü dəstəklədiyini vurğulayıblar.
Dərsdə Tarix və coğrafiya, Filologiya, Musiqi, təsviri incəsənət, fiziki tərbiyə və çağırışaqədər hazırlıq fakültələrinin tələbə-gənclərindən ibarət “Coğrafiya”, “Tarix”, “Filologiya”, “Musiqi” qruplarının Xocalının tarixi, coğrafi ərazisi, Xocalı soyqırımı, ədəbiyyatımızda, incəsənətimizdə Xocalı mövzusu, həmçinin bir xalq, millət olaraq siyasi və strateji hədəflərimizlə bağlı təməl və tədqiqat sualları əsasında təqdimatları dinlənilib.
Tədbirdə Xocalı soyqırımının şahidi olmuş Fituhat Məmmədova çıxış edərək faciə ilə bağlı acı xatirələrini bölüşüb. Yazıçı Elxan Elatlı, “Xocalı Soyqırımını Tanıtma” İctimai Birliyinin sədri Şamil Sabiroğlu çıxış edərək Xocalı soyqırımı zamanı ermənilərin törətdikləri vəhşilikləri konkret faktlarla tədbir iştirakçılarının diqqətinə çatdırıblar.
Tədbirdə çıxış edən ADPU-nun rektoru, professor Cəfər Cəfərov tədbirin təşkilatçılarına təşəkkür edib. Rektor qeyd edib ki, bu dərs hamımız üçün gözəl bir nümunədir. Belə dərslər milli duyğularımızı, vətənpərvərlik hisslərimizi gücləndirir. Qələbə günü yaxındadır. Bu qələbə gününü yaxınlaşdıran Azərbaycan Respublikasının Prezidenti, Ali Baş Komandan cənab İlham Əliyevin əmrini gözləyən hərbçilərimiz, diplomatlarımız, ziyalılarımızdır. Bu, böyük bir ordudur. Müəllimlər də bu ordunun nümayəndələridir. Biz gənc nəsli savadlı, bilikli, bacarıqlı, vətənpərvər yetişdirməliyik. “Öncə Vətəndir!” bizim həyat amalımız, fəaliyyət devizimiz olmalıdır.
Tədbirin sonunda hazırladıqları təqdimatlara görə qruplara sertifikatlar təqdim edilib.
.
Nigar




 
Bölməyə aid digər xəbərlər
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb
20.09.2018
Ədliyyə orqanlarına qulluğa qəbul olunan gənclər and içiblər
20.09.2018
ƏƏSMN və Kiçik və Orta Biznesin İnkişafı Agentliyi arasında memorandum imzalanıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10125

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info