Xocalı soyqırımının 26-cı ildönümü İğdırda da qeyd olunub
Tarix: 24.02.2018 | Saat: 13:38:00 | E-mail | Çapa göndər


Azərbaycanın Qarsdakı baş konsulluğu, İğdır-Azərbaycan Dil, Tarix və Mədəniyyət Həmrəyliyini Yaşatma və Dəstəkləmə Dərnəyi və İğdır Azərbaycan Evi Dərnəyinin birgə təşkilatçılığı ilə “Xocalıya ədalət!” devizi altında anım mərasimi keçirilib.
İğdırın mədəniyyət sarayında təşkil olunan mərasim Azərbaycanın və Türkiyənin dövlət himnlərinin səslənməsi ilə başlayıb. Sonra Xocalı şəhidlərinin ruhuna dualar oxunub.
Baş konsul Nuru Quliyev, İğdır vilayətinin valisi Ənvər Ünlü, Azərbaycan Evi Dərnəyinin sədri Sərdar Ünsal, İğdır-Azərbaycan Dil, Tarix və Mədəniyyət Həmrəyliyini Yaşatma və Dəstəkləmə Dərnəyinin sədri Ziya Zakir Acar tədbirdə çıxış ediblər.
Çıxışlarda Xocalı soyqırımının törədilmə səbəbləri, dinc azərbaycanlı əhaliyə qarşı həyata keçirilən amansızlıq, Ermənistan-Azərbaycan, Dağlıq Qarabağ münaqişəsinin acı nəticələri, Xocalı soyqırımının dünyada tanıdılması, “Xocalıya ədalət!” beynəlxalq məlumatlandırma kampaniyasının mahiyyəti və bu kampaniya çərçivəsində görülən işlər barədə danışılıb. Əminliklə qeyd olunub ki, Azərbaycan-Türkiyə qardaşlıq münasibətlərinin möhkəmlənməsi gələcəkdə belə halların baş verməməsi üçün əsasdır.
Toplantının panel hissəsində Türkiyənin Qazi Universitetinin müəllimi Cəmaləddin Taşburan və Azərbaycandan tarixçi alim Havva Məmmədova Xocalı soyqırımının səbəb və nəticələrinə dair fikirlərini bölüşüblər. Alimlər əsaslandırıblar ki, Xocalı soyqırımı təcavüzkar Ermənistan tərəfindən məqsədli şəkildə törədilib. Bu cinayət ermənilərin XIX əsrin sonlarından başlayaraq Azərbaycan və Türkiyə xalqlarına qarşı törətdikləri məqsədyönlü cinayətlərin davamı və ən amansızıdır.




 
Bölməyə aid digər xəbərlər
05.03.2019
Londonda Xocalı faciəsi qurbanlarının xatirəsi anılıb
03.03.2019
Men ştatında Xocalı soyqırımına həsr olunmuş tədbir keçirilib
01.03.2019
Şərqşünaslıq İnstitutu əməkdaşının Xocalı soyqırımına dair məqaləsi Küveyt mediasında
01.03.2019
ABŞ Konqresində Xocalı faciəsinin 27-ci ildönümü ilə bağlı anım tədbiri keçirilib
01.03.2019
Fransanın Konyak şəhərində Xocalı faciəsi qurbanlarının xatirəsi anılıb

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10699

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
3 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 Yuliya Naçalova vəfat edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info