Hyustonda Xocalı soyqırımının 26-cı ildönümü ilə əlaqədar tədbir keçirilib
Tarix: 27.02.2018 | Saat: 16:02:00 | E-mail | Çapa göndər


Xocalı soyqırımının 26-cı il dönümü ilə əlaqədar ABŞ-ın Texas ştatının Hyuston şəhərində yerləşən Hyuston Universitetində "Hyuston-Bakı” Qardaşlaşmış Şəhərlər Assosiasiyası, “Azərbaycan Mərkəzi”, Azərbaycan-İsrail Dostluq Cəmiyyətinin təşkilatlığı və Azərbaycanın ABŞ-dakı Səfirliyinin dəstəyi ilə tədbir keçirilib.
 
Azərbaycanın ABŞ-dakı Səfirliyindən verilən məlumata görə, sözügedən tədbir “Xocalıya ədalət” kampaniyası çərçivəsində baş tutub.

Tədbirdə universitetin müəllim və tələbə heyəti, Hyustonda yaşayan Azərbaycan icmasının və yerli ictimaiyyətin nümayəndələri iştirak ediblər. Həmçinin tədbirə “Qara qar damcıları” (“Black Snowdrops”) kitabının müəllifləri Efim Abramov (İsrail) və Leyla Begim (Çexiya Respublikasi) də qatılıblar.

Tədbiri giriş sözüylə universitetin Qlobal Strateji və Tədqiqatlar üzrə rektor müavini Ceyms Ortiz açıb. O, Azərbaycan-ABŞ və Hyuston-Bakı əməkdaşlığının vacibliyini, Hyuston Universitetinin bu tədbirə ev sahibliyi etməklə məsələyə diqqətini vurğulayıb. Sonra “Hyuston-Bakı” Qardaşlaşmış Şəhərlər Assosiasiyasının prezidenti və Hyustonda yerləşən Azərbaycan Mərkəzinin icraçı direktoru İradə Axundova çıxış edərək Xocalı soyqırımın hər bir azərbaycanlı üçün unudulmaz bir səhifə olduğunu qeyd edib, bu faciə haqqında dünya ictimaiyyətinin davamlı məlumatlandırılmasının vacibliyini bildirib.

Daha sonra Azərbaycanın ABŞ-dakı Səfirliyinin müşaviri Vüqar Qurbanov Xocalı qətliamının Azərbaycan xalqı və dövlətinin iradəsini qırmaq üçün törədildiyini, Xocalı qətliamından sonra digər işğal edilmiş ərazilərimizin də eyni ssenari ilə işğal edildiyini, amma Azərbaycan xalqı və dövlətinin iradəsini qıra bilmədiyini, Azərbaycan xalqının dəstəyi ilə dövlətimizin ərazi bütövlüyümüzü bərpa edəcəyini, bu qətliamı törədənlərin ədalət qarşısında cavab verəcəklərini vurğulayıb. Bu məqsədə daha tez nail olmaq üçün səfirlik nümayəndəsi ABŞ-da yaşayan soydaşlarımızın daha da sıx birləşməyə dəvət edib.

Kitabın həmmüəllifi L.Begim həmin əsərin azərbaycanlılara qarşı aparılmış etnik təmizləmə siyasətinin qurbanlarına həsr olunduğunu bildirib, sonra qətliam qurbanlarına həsr edilmiş şer səsləndirib.
 
Azərbaycan-İsrail Dostluq Cəmiyyətinin rəhbəri Lev Spivak Azərbaycan-İsrail münasibətləri, Xocalı faciəsi ilə bağlı
apardıqları fəaliyyət barədə geniş məlumat verib. Tədbirdə həmçinin “Qara qar damcıları” kitabının bəzi hissələri oxunub.

Tədbirin sonunda Xocalı qətliamının tanıdılması barədə gələcək fəaliyyətlərə dair geniş müzakirələr də aparılıb.

Tural




 
Bölməyə aid digər xəbərlər
23.01.2019
Suriyalı qaçqın ABŞ-ın dövlət qulluqçularına pulsuz yemək paylayır
22.01.2019
Avropa ölkələri Gürcüstandakı vəziyyətdən narahatdır
22.01.2019
Axen sazişi: Almaniya və Fransa ABŞ-a qarşı yeni cəbhə yaratdı
22.01.2019
Уже в феврале будут продавать наушники-переводчик на 20 языков мира
22.01.2019
Senator Harris ABŞ prezidentliyinə namizədliyini rəsmən elan edib

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 “Mənim güc mənbəyim Bakıdadır”
3 Mehman Hüseynov Prezident İlham Əliyevə müraciət ünvanlayıb
4 Ahmet Gencehan Babiş: “Türkiyənin Azərbaycanın razı olmayacağı bir işdə olması mümkün deyil”
5 Azərbaycanın Birinci vitse-prezidenti Mehriban Əliyeva Nikola Sarkozi ilə görüşüb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info