”ArmenianReport”: ”Ölkə kasıblarının sayı Ermənistanın xarici borcu kimi gündən-günə artmaqdadır”
Tarix: 28.02.2018 | Saat: 21:58:00 | E-mail | Çapa göndər


“Bu illər ərzində Qarabağla bağlı da biz heç bir şeyə nail olmamışıq”

Xatirimdədəir, 2016-cı ilin aprelində Azərbaycan Ordusunun erməni ordusunun 20 il ərzində möhkəmləndirdiyi istehkamları yararaq strateji yüksəklikləri ələ keçirməsini “Lragir” saytı İrəvana bir nesə istiqamətdən vurulan zərbə kimi dəyərləndirmişdi. Həmin saytda yer alan məqalənin müəllifi Naira Ayrumyan öz ölkəsini müstəqillikdən uzaq, müstəmləkə dövlət kimi təqdim etmişdi: «Ermənistanın müttəfiqləri yoxdur, sadəcə Ermənistanı istiqlaliyyətdən məhrum edərək müstəmləkəyə çevirmiş Rusiya var» -yazan erməni yazar daha sonra: «Ermənistanın xarici siyasəti də metropoliyaya işləyir - öz maraqlarını irəli sürmür, öz xalqını qurban verir»-deyə bildirmişdi. Təbii ki, erməni yazar dedikləri ilə Ermənistan reallıqlarını ortaya qomuşdu. Həmin vaxtdan müəyyən dövr keçsə də, heç nə dəyişməyib. Ermənistanın «ArmenianReport» saytında yer alan bu yazını da Naira Ayrumyanın yazısının davamı kimi dəyərləndirmək olar. 2000-ci il mart hadisələrinə diqqət çəkən sayt, sonrakı 10 il ərzində də Ermənistanda müsbət istiqamətdə heç bir dəyişikliyin baş vermədiyini önə çəkir və bəlkə də, istehza ilə «biz müasir bir tarixə sahib bir ölkəyik»-deyə bildirir. Sayt daha sonra yazır: «Bizim analitiklər Ermənistanın siyasi sistemini 2010-cu ilin əvvəlində üç köhnə prezidentin üçbucağı kimi təsvir etməyi sevirlər. Belə ki, onlar bu prezidentlər arasındakı əlaqələrin kompleks bir sisteminin qurulduğunu bildirirlər. Lakin mən şəxsən belə hesab edirəm ki, bu üçbucağın pozuçusu Levon Ter-Petrosyan təqaüdə göndərildi. Sonrakı prezident Robert Koçaryan haqqında hələ də heç bir şey eşidilmir. Ancaq Ermənistanda enerjili baş nazir, siyasi sistemin prezidenti Armen Sarkisyan oldu. İlk olaraq siyasi sistemi gəncləşirdiməyə- Arpine Hovannisyan, Armen Aşotyan, Viqen Sarkisyanı siyasi səhnəyə gətirməyə başladı. Bununla yanaşı, elə həmin sistem vasitəsilə yeni konstitusiya nizamnaməsində kartları qarışdırdı, baş nazirə yeni səlahiyyətlər verərək, əksinə, prezidenti səlahiyyətsiz bir fiqura çevirdi. Sual olunur, əslində nələr olur? Bu, sistemin mahiyyətini dəyişəcəkmi?

“Bu gün hökumətimizdə ən çox yağlı ləkə isə bizim hələ də gerçək dövlət müstəqilliyinin olmamasıdır. 2008-ci ildə olduğu kimi, bu gün də Ermənistan hakimiyyəti Moskvanın göstərdiyi istiqamətə baxır”

Əsla yox! Ermənistan məhkəmələrində hələ ədalətsizlik hökm sürməkdədir. Hələ də insanlar ölkədən qaçmaqda israrlıdırlar. Ölkə kasıblarının sayı Ermənistanın xarici borcu kimi gündən- günə artmaqdadır. Bu illər ərzində Qarabağla bağlı da biz heç bir şeyə nail olmamışıq. Bu da bizim ümumi ləkəmizdir.
Bu gün Ermənistan müxalifəti də insanları hərəkətə gətirməyə qadir deyil. Bu, çox cəhətdən, onun günahıdır. Bu gün müxalifətin bütün oyunu ictimaiyyət üçündir. Bu gün Ermənistanda qonşu ölkələrdə, məsələn elə Gürcüstanda olan siyasi mədəniyyətimiz yoxdur.
Bu gün hökumətimizdə ən çox yağlı ləkə isə bizim hələ də gerçək dövlət müstəqilliyinin olmamasıdır. 2008-ci ildə olduğu kimi, bu gün də Ermənistan hakimiyyəti Moskvanın göstərdiyi istiqamətə baxır. Beynəlxalq təşkilatlarda Rusiyanın göstərişi ilə mandat qaldırır. O Rusiya ki, bu gün də bizim təhlükəsizliyimizi qorumaq əvəzinə, bizim üçün təhlükə mənbəyinə çevrilməkdədir.
Bütün bunlar hamısı bizim üçün ləkədir. Bizim vəzifəmiz bu ləkələri tariximizdən, ölkəmizdən təmizləməkdir. Bunun üçün biz bunu yerinə yetirən nəsillər yetişdirməliyik».
Təbii ki, erməni yazar bütün bunlara nail olmaq üçün ilk olaraq, qonşu ölkələrlə yaxşı münasibətlərin qurulmasının vacibliyini yazmağı unudur.
Ağasəf Babayev




 
Bölməyə aid digər xəbərlər
20.11.2018
Belarus səfəri Ermənistanda böyük rezonans doğurub
20.11.2018
Moldova prezident idarəçiliyinə qayıtmaq istəyir
20.11.2018
Gürcüstanda 150-dən çox sabiq vəzifəli şəxsə qarşı cinayət işi açıldı
19.11.2018
Avropa İttifaqı vahid kəşfiyyat mərkəzi yaradır
19.11.2018
İranda bahalaşma davam edir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10508

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Eldar Əzizov Bakı Şəhər İcra Hakimiyyətinin başçısı təyin edildi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info