Sakaryada Xocalı soyqırımı abidəsi və Qarabağ prospekti istifadəyə verilib
Tarix: 01.03.2018 | Saat: 17:25:00 | E-mail | Çapa göndər


Türkiyənin Sakarya şəhərinin Karasu rayonunda Xocalı soyqırımı abidəsi və Qarabağ prospektinin açılışı olub.
AZƏRTAC xəbər verir ki, tədbirdə çıxış edən Karasu bələdiyyəsinin sədri Mehmet İspiroğlu Azərbaycan ilə Türkiyənin ortaq mədəniyyətə, adət-ənənəyə və siyasi baxışa malik olduğunu bildirib. Ermənistan-Azərbaycan, Dağlıq Qarabağ münaqişəsindən və Xocalı soyqırımından danışan bələdiyyə sədri qeyd edib ki, ermənilər tarixboyu əsassız torpaq iddiaları və dinc insanlara qarşı soyqırımı siyasəti aparıblar.
M.İspiroğlu vurğulayıb ki, ermənilər XX əsrin əvvəllərində Türkiyənin Ərzum və Qars bölgələrində, sonra isə Azərbaycanın Xocalı şəhərində qətliam törədiblər. O, Azərbaycanın və Türkiyənin erməni terrorizminə qarşı birgə mübarizə aparmasının vacibliyini qeyd edib.
Sonra Türkiyə-Azərbaycan Dərnəkləri Federasiyasının sədri Bilal Dündar və Milli Məclisin deputatı Qənirə Paşayeva çıxış ediblər.
Natiqlər Xocalı soyqırımının bəşəriyyətin qanlı faciəsi olduğunu vurğulayıblar. Qeyd edilib ki, Ermənistan silahlı qüvvələrinin Azərbaycanın Xocalı şəhərində törətdiyi kütləvi qırğın nəticəsində 613 nəfər amansızlıqla qətlə yetirilib, 1275 nəfər girov götürülüb, 150 nəfər isə itkin düşüb. Bildirilib ki, Azərbaycan xalqı bu tarixi, nifrət və barbarlığın qurbanı olan ailələrin iztirablarını heç vaxt unutmayacaq.
Xocalı soyqırımının şahidi, Qarabağ əlili Azər Quliyev o faciəli gecənin dəhşətli anlarından bəhs edib. O bildirib ki, fevralın 25-dən 26-na keçən gecə erməni silahlı dəstələri Xocalı şəhərində uşaq, böyük demədən hər kəsi xüsusi vəhşiliklə qətlə yetiriblər. Xocalı sakinləri ata-baba yurdlarını düşmənə verməmək üçün ən son anadək şəhərdən çıxmadılar. Onlar müqəddəs şəhidlik zirvəsinə yüksəldilər. Azər Quliyevin sözlərinə görə, ermənilər qətlə yetirdiyi insanları tanınmaz hala salırdılar. Onların ayaqlarına məftillər bağlayıb tanklarla sürüyüblər.
Mahmud




 
Bölməyə aid digər xəbərlər
18.01.2019
“ASAN xidmət” müvafiq dövlət xidmətlərinin alternativsiz formada həyata keçirildiyi vahid məkana çevrilir
18.01.2019
20 yanvar günü bu küçələrdə hərəkət tam məhdudlaşdırılacaq
18.01.2019
Sədərək uğrunda gedən qeyri-bərabər döyüşdə yurd sevgisi qalib gəldi
18.01.2019
İsveçrədə 20 Yanvar faciəsinə həsr olunmuş poçt markası buraxılıb
18.01.2019
Umayra Tağıyeva: Küləyin sürəti saniyədə 18-20 metrdən artıq deyil

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10564

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Hüseyn Babayev AAF-ın vitse-prezidenti təyin edilib
5 Dərslər təxirə salındı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info