“AzerTelecom” 6-ci Karyera sərgisində iştirak edib
Tarix: 02.03.2018 | Saat: 21:22:00 | E-mail | Çapa göndər


Azərbaycanı beynəlxalq internet şəbəkəsinə bağlayan magistral (backbone) internet provayder şirkəti “AzerTelecom” ADA Universiteti tərəfindən təşkil olunmuş 6-cı Karyera sərgisində iştirak edib. ADA Universitetinin 2000-ə yaxın tələbəsi və məzununun iştirak etdiyi sərgidə “AzerTelecom” bir sıra vakant iş yerlərini təqdim edib. Sərgi zamanı tələbələr və məzunlar ölkənin telekommunikasiya sektorunda qabaqcıl və inkişaf edən şirkətlərdən olan “AzerTelecom”-da vakant iş yerləri və təcrübə keçmək imkanları barədə məlumat əldə ediblər, onları maraqlandıran suallara müvafiq cavablar alıblar. 6-cı Karyera sərgisi “AzerTelecom” şirkəti və gənc tələbə və məzunlar arasında birbaşa ünsiyyətin qurulması, gənclərin gələcək karyera imkanları haqda fikir mübadiləsinin aparılması və gənc istedadların kəşf edilməsi istiqamətində imkanlar yaradıb. 2008-ci ildən ölkənin telekommunikasiya sferasında uğurla fəaliyyət göstərən və əsas səhmdarı Azərbaycanın ilk mobil operatoru “Bakcell” şirkəti olan “AzerTelecom” insan resurslarının inkişafına hər zaman böyük önəm verərək gənc kadrların işə cəlb edilməsi və peşəkar inkişafı istiqamətində müxtəlif işlər aparır. Şirkətin insan resursları sahəsində fəaliyyətinin əsasında insan amilinin ön plana çəkilməsi, gənclər üçün karyera imkanlarının genişləndirilməsi, onların davamlı inkişafı üçün müvafiq şəraitin yaradılması kimi prinsiplər dayanır. Şirkət həmçinin karyera sərgilərində fəal iştirak edir və mövcud vakansiyalar barədə tələbə və məzunları məlumatlandırır.
“AzerTelecom” barədə:
“AzerTelecom” MMC Azərbaycanın dinamik şəkildə inkişaf edən telekommunikasiya operatorudur. Şirkət 2008-ci ildə təsis edilib və əsas səhmdarı “Bakcell” şirkətidir. “AzerTelecom” şirkəti internetin topdan satışı, ayrılmış kanal xidməti, mobil və stasionar telekommunikasiya şəbəkələrində informasiyanın daşınması, beynəlxalq tranzit, SİP telefoniya, FTTx (fiber optik xətt xidməti), Data mərkəz xidmətləri, VSAT xidmətləri, Korporativ şəbəkə, Backbone xidmətləri, GSM üzərindən ayrılmış xətt, VPN (virtual şəxsi şəbəkə), lokal VoİP, DDOS hücumundan müdafiə və digər xidmətlər təqdim edir. Daha ətraflı məlumatı şirkətin www.azertelecom.az internet saytından və Facebook (www.facebook.com/azertelecom.az) və LinkedIn (www.linkedin.com/company/azertelecom.az) sosial şəbəkələrindəki səhifələrindən əldə etmək olar.




 
Bölməyə aid digər xəbərlər
17.06.2019
Türkiyədə ən çox daşınmaz əmlak alan Azərbaycan vətəndaşlarıdır
17.06.2019
Baş Prokurorluq və DİN rəsmi məlumat yayıb
15.06.2019
Heydər Əliyevin hakimiyyətə qayıdışı Azərbaycanın davamlı inkişafının əsasını qoydu
15.06.2019
İyunun 15-i xalqımızın bəlalardan qurtuluşunun carçısıdır
14.06.2019
Azərbaycanın bugünkü reallıqları Heydər Əliyev siyasətinin təntənəsi, milli qurtuluşun uğurlarıdır

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10806

1 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
2 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
3 Ermənilərin təyyarəmizi vurmaq cəhdi uğursuzluqla nəticələnib - VİDEO
4 Bakı Atatürk Liseyində məzun günü münasibəti ilə tədbir keçirilib
5 Çilidə güclü zəlzələ olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info