Kürdəmir: heyvandarlığın inkişafı üçün geniş perspektivlər var
Tarix: 08.03.2018 | Saat: 16:20:00 | E-mail | Çapa göndər


Kürdəmir rayonunda heyvandarlıq kənd təsərrüfatının ənənəvi və həm də aparıcı sahələrindəndir. Mal-qaranın cins tərkibinin yaxşılaşdırılması, hər cins buzov üçün dövlət tərəfindən 100 manat subsudiyanın verilməsi, güzəştli kreditlər, müasir texnoloji avadanlıqlarla təminat üçün göstərilən dəstək və digər tədbirlər rayonda heyvandarlığın inkişafına, sahibkarların bu sahəyə marağının artmasına şərait yaradır.
Rayonda yaradılan müasir heyvandarlıq təsərrüfatlarından biri də “Kürdəmir Süd Kompleksi”dir. “Azərsun Holdinq”in 2013-cü ildən fəaliyyət göstərən “Kürdəmir Süd Kompleksi” MMC-də cins inəklərin sayı 124 başdan 700 başa çatdırılıb. Hər sağmal inəkdən gündə 34 litr süd əldə etmək olur. Kompleksin gündəlik istehsal gücü 180 tonadək olan süd emalı zavodunda İtaliya, İsveç, Almaniya və Türkiyə istehsallı texnoloji avadanlıqlar quraşdırılıb. Burada 70-dən çox heyvandarlıq məhsulu istehsal olunur. “Kürdəmir Süd Kompleksi”nin məhsulları nəinki bölgədə, eyni zamanda, Azərbaycanın bütün regionlarında satışa çıxarılır.
Qeyd edək ki, rayonda heyvandarlıqla məşğul olan 15-dən çox fermer təsərrüfatı fəaliyyət göstərir. Muradxan ərazi bölgəsində 1300-dən çox mal-qaranın bəsləndiyi “Vüqar”, Cəylidə “Zibeyir”, Şilyanda “Qoca” və digər fermer təsərrüfatları yerli bazara kifayət qədər məhsul çıxarırlar. Əlbəttə, heyvandarlıq məhsullarına tələbat da sahibkarların bu sahəyə marağını artırır və onun dinamik inkişafına səbəb olur. Hazırda istehsal edilən ətin 99,2 faizi, südün 92,2 faizi, yumurtanın 91,6 faizi sahibkar, ailə-kəndli və ev təsərrüfatlarının payına düşür.
Həyata keçirilən stimullaşdırıcı tədbirlər, eləcə də dövlət dəstəyi nəticəsində ötən il və cari ilin ilk iki ayında rayonda bütün göstəricilər üzrə heyvandarlıq məhsulları istehsalı artıb. Mal-qaranın cins tərkibinin yaxşılaşdırılması istiqamətində ardıcıl işlər görülür. Son illər lizinq yolu ilə alınan 365 baş cins düyə artırılaraq 650 başa çatdırılıb. Süni mayalama yolu ilə 955 baş cinsi yaxşılaşdırılan bala alınıb.
Əlbəttə, ölkəmizdə heyvandarlığın inkişafı bu gün insanların bu sahə üzrə məhsullarla təminatı, idxaldan asılılığın tamamilə aradan qaldırılması baxımından xüsusi önəm kəsb edir. Prezident İlham Əliyevin rəhbərliyi ilə həyata keçirilən islahatlar, regionların sosial-iqtisadi inkişafı Dövlət Proqramında nəzərdə tutulan tədbirlər Kürdəmirdə də heyvandarlığın inkişafı üçün geniş perspektivlər açır.




 
Bölməyə aid digər xəbərlər
21.09.2018
İlk “KOB Dostu” sahibkarların xidmətində
21.09.2018
İqtisadiyyat naziri Gəncədə vətəndaşları qəbul edib
21.09.2018
“Azərenerji”: Ölkə enerjisi sistemində təxirəsalınmaz tədbirlərin həyata keçirilməsinə başlanılıb
21.09.2018
“Əsrin müqaviləsi” Azərbaycanın dirçəlişinə, iqtisadi inkişafına geniş yol açıb
21.09.2018
“Azərbaycan Xalq Cümhuriyyətinin yaradılması tarixi hadisədir”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10128

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 “Mübariz İbrahimov təkbaşına bir çox işğalçını məhv edərək şəhidlik zirvəsinə ucalıb”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info