“ABŞ Suriyanı parçalamağa çalışır”
Tarix: 13.03.2018 | Saat: 01:36:00 | E-mail | Çapa göndər


Aleksandr Fomin: ABŞ-ın tabeçiliyində olan qüvvələr “İŞİD” terrorçuları ilə birləşiblər. Bu amerikalıların rəhbərliyi və nəzarəti altında baş verir"

ABŞ Suriyanın suverenliyi və bütövlüyünün qorunmasına dair vədlərə baxmayaraq, ölkəni parçalamağa çalışır. Bu barədə "Krasnaya Zvezda" nəşrinə müsahibəsində Rusiya müdafiə nazirinin müavini general-polkovnik Aleksandr Fomin bildirib. ABŞ prezidenti Donald Tramp İsrailin baş naziri Binyamin Netanyahu ilə görüşü zamanı Fransa, Almaniya və Böyük Britaniyanın "əhəmiyyətli dəyişikliklər" etməyəcəkləri təqdirdə ölkəsinin nüvə sazişindən çıxacağı ilə hədələyib. "Amerikalıların niyyəti bəllidir. Suriyanın suverenliyi və bütövlüyünün qorunmasına dair vədlərinə baxmayaraq, ölkəni parçalamaq. ABŞ-ın tabeçiliyində olan qüvvələr “İŞİD” terrorçuları ilə birləşiblər. Bu amerikalıların rəhbərliyi və nəzarəti altında baş verir" - deyə Aleksandr Fomin bildirib. Nazir müavini qeyd edib ki, hazırda ABŞ separatçı niyyətli milli azlıqlara hərtərəfli dəstək göstərir: "Amerikalılar kürdlər də daxil olmaqla milli azlıqların silahlı dəstələri ilə müəyyən oyun aparırlar. 40 minədək üzvü olan hansısa silahlı birləşmələrin nəzarəti altında təhlükəsizlik zonaları yaradırlar". ABŞ-ın müdafiə naziri Cim Mattis isə Suriya hökumətinə xəbərdarlıq edib. Xəbərdarlıqda Suriyada hərbi əməliyyatlar zamanı kimyəvi silahdan istifadə etməmək tələb olunur. Cim Mattis deyib ki, Tramp Administrasiyası kimyəvi silahdan istifadə edilməsi barədə öz mövqeyini aydın bildirib və deyib ki, hərbi əməliyyatların gedişində Suriya silahlı qüvvələri tərəfindən qazdan istifadə etmək “o qədər də ağıllı hərəkət olmayacaq”. Mattis Yaxın Şərqə rəsmi səfərindən əvvəl bəyanat verərək bildirib ki, onu Suriya Prezidenti Bəşər Əsədin qüvvələri tərəfindən bombardman zamanı mülki şəxslər arasında ölənlərin olması barədə hesabat narahat edir. Pentaqonun rəhbəri deyib ki, ona xlor qazından istifadə edilməsi barədə məlumat daxil olub. Maraqlıdır ki, bu açıqlamalardan sonra Rusiyanın Suriyanın Latakiya vilayətində yerləşən Xmeymim aviabazasına növbəti dəfə hücum olub. Bu barədə "Almasdar" internet portalı məlumat yayıb. Hücum zamanı bomba yüklü pilotsuz uçuş aparatından istifadə edilib. Xmeymim aviabazasındakı hava hücumundan müdafiə sistemi aparatı bazaya çatmamış məhv edib. Qeyd edək ki, bundan əvvəl Xmeymim aviabazasına 10 pilotsuz uçuş aparat vasitəsilə hücum təşkil edilib. Rusiyanın müdafiə naziri Sergey Şoyqu Andrey Kondraşovun "Putin" sənədli filmində bildirib ki, Moskva Suriyada 210 silah növünü sınaqdan çıxarıb. Şoyqu Rusiya Silahlı Qüvvələrinin Suriya geniş təcrübə qazandığını qeyd edib: "Biz 210 silah növünü suriyalılarla birgə döyüş meydanında sınaqdan çıxardıq. Mən əminəm ki, gələcəkdə bu silahlarla döyüşənlər öz həyatlarını qorumuş olacaqlar".
Anar




 
Bölməyə aid digər xəbərlər
25.09.2018
Roma Papası Latviyada səfərdədir
25.09.2018
Mərkəzi Asiyada ilk beynəlxalq turizm universiteti Astanada açılacaq
25.09.2018
PKK başçısının yaxın silahdaşı həbs olunub
24.09.2018
Moldova Konstitusiya Məhkəməsi Dodonun səlahiyyətlərini müvəqqəti dayandırlb
24.09.2018
Şoyqu açıqladı: Rusiya Suriyaya S-300 kompleksləri göndərir

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info