“AccessBank“dan təqdirəlayiq addım
Tarix: 14.03.2018 | Saat: 17:01:00 | E-mail | Çapa göndər


Martın 13-də UNEC-də Azərbaycan Xalq Cümhuriyyətinin 100-cü və ümumilli lider Heydər Əliyevin anadan olmasının 95-ci ildönümünə həsr olunmuş "İnnovasiyalı iqtisadiyyatın inkişafı və perspektivləri" mövzusunda tələbə elmi konfransı keçirilib.
 
Tədbiri giriş sözü ilə açan UNEC-in "İqtisadiyyat" fakültəsinin dekanı Asiman Quliyev bildirib ki, tədbir çərçivəsində 70-dək tələbənin elmi-tədqiqat işləri təqdim olunacaq. AccessBank bu işlərin çap olunmasını öz üzərinə götürüb. Fakültə rəhbərinin sözlərinə görə, UNEC təcrübəsində ilk dəfə olaraq tələbələrin elmi-tədqiqat işləri bir biznes strukturunun maliyyə vəsaiti hesabına çap edilir: "AccessBank-ın təşəbbüsünü yüksək qiymətləndirirəm və dəstək üçün təşəkkür edirəm. Bu addım biznesin digər nümayəndələrinə də mesaj olmalıdır. Bu, onu göstərir ki, biznes elmə yönəlib. Ümid edirəm ki, bu cür tədbirlər davamlı olacaq".
 
Daha sonra çıxış edən UNEC-in prorektoru Səadət Qəndilova tələbələri aktivliyə səsləyib: "Tələbələr elmə maksimum bağlı olmalıdır. Bu halda biz də arxayın ola bilərik ki, estafeti əmin əllərə ötürəcəyik". AccessBank-a dəstək üçün minnətdarlığını bildirən prorektor ikitərəfli əməkdaşlığın davamlı olacağına əminliyini ifadə edib.
 
AccessBank-ın Marketinq/Korporativ bankçılıq departamentinin direktoru Günay Cəlilova bildirib ki, bank layihəyə böyük məmnuniyyətlə qoşulub: "Hər bir nəsil öz keçmişi haqqında aydın təsəvvürə malik olmalıdır. Bu baxıman UNEC tərəfindən Cümhuriyyət İlinin 100 illiyi və Heydər Əliyevin 95 illiyinə həsr olunmuş bu tədbir çox önəmlidir. Bank olaraq  Korporativ Sosial Məsuliyyət siyasətimizə olduqca böyük önəm vermişik. Cəmiyyətə faydalı olmaq bizim əsas prinsiplərimizdəndir. Təhsil sahəsi bu il sosial layihələrimizin əsas prioritetlərindən biri olacaq. Çünki insan kapitalına qoyulan investisiya daha gözəl gələcəyə investisiya etmək deməkdir. Bu layihələr çərçivəsində tələbələrlə görüşlərə xüsusi diqqət yetirəcəyik. Fevral ayında artıq biz UNEC-də ilk görüşümüzü “Açıq dərs” formatında keçirdik və çox uğurlu alındı".
 
Daha sonra tədbir elmi-tədqiqat işlərinin təqdimatı ilə davam edib. Təqdimatlardan sonra bir neçə bölmədən müvafiq olaraq I, II və III yerləri tutan 25 tələbə mükafatlandırılıb. Onlara UNEC tərəfindən sertifikatlar və AccessBank tərəfindən N. Qreqori Mənkyunun "Ekonomiskin əsasları" kitabı hədiyyə olunub. Bununla yanaşı, AccessBank fiziki məhdudiyyəti olan 6 tələbəyə xüsusi hədiyyələr təqdim edib.
 
Həmçinin, konfransdakı hər bir tələbəyə iştirak sertifikatı verilib.
Tural




 
Bölməyə aid digər xəbərlər
22.02.2019
İnnovasiyalar Agentliyinin Nizamnaməsi və Strukturu təsdiqlənib
22.02.2019
Dövlət Gömrük Komitəsi növbəti mediatur təşkil edib
22.02.2019
Naxçıvanda yeni Günəş Elektrik Stansiyası istifadəyə verilib
22.02.2019
Azərbaycanın turizm imkanları Moskvada təqdim olunub
22.02.2019
“Xocalıya ədalət“: İsraildə soyqırımı qurbanlarının anım günü keçirilib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info