“AccessBank“ın dəstəyi ilə “Keçmişə açılan pəncərə“ adlı tədbir keçirilib
Tarix: 15.03.2018 | Saat: 15:06:00 | E-mail | Çapa göndər


"AccessBank"ın dəstəyi və "Pəncərə" klubunun təşkilatçılığı ilə "Keçmişə açılan pəncərə" adlı tədbir baş tutub.
 
Yel çərşənbəsinin qeyd edildiyi günə təsadüf edən tədbir milli adət-ənənələrə həsr olunub. Gecənin aparıcısı Nərgiz Cəlilova tədbiri giriş sözü ilə açaraq bildirib ki, milli adət-ənənələrin qorunması olduqca vacibdir: "Əsrlərin sınağından keçmiş bu dəyərlər gələcək nəsillərə də ötürülməlidir".
 
Daha sonra çıxış edən "Pəncərə" klubunun rəhbəri, yazıçı-publisist Günel Anarqızı qeyd edib ki, milli ab-havada təşkil olunmuş gecənin əsas məqsədi milli dəyərlərimizin yada salınması və onların qorunmasıdır: "Novruz bayramı bizim sevimli bayramımızdır. Əsrlər boyu xalqımız bu bayramı qeyd edir. Biz öz mədəniyyətimizi, incəsənətimizi, ana dilimizi, bayramlarımızı qoruyuruq, yaşadırıq".
 
"AccessBank"ın Marketinq/Korporativ bankçılıq departamentinin direktoru Günay Cəlilova isə çıxışında bildirib ki, bank bu cür sosial tədbirlərin dəstəklənməsinə önəm verir.
 
Departament rəhbərinin sözlərinə görə, milli adət-ənənələrin yaşadılması hər birimizin borcudur: "Belə bir deyim var: əgər hər bir xalqa ən yaxşı adət-ənənələri seçmək üçün imkan verilsəydi, hər bir xalq öz adət-ənənəsini seçərdi. İlk baxışdan olduqca primitiv görünən bu ifadə əslində hər bir xalq üçün öz adət-ənənələrinin necə dəyərli olmasını bir daha göstərir. Adətlər bizim keçmişimizin bir parçasıdır, biz onları yaşadırıq və gələcəyə aparırıq. "AccessBank" olaraq biz Korporativ Sosial Məsuliyyət siyasətimiz çərçivəsində milli adət-ənənələrimizin yaşadılmasına yönəlmiş tədbirə böyük məmnuniyyətlə dəstək veririk".
 
Ardınca qonaqlar milli adət-ənənələrimizdən söz açıb. Bununla yanaşı, qonaqlara "Dünya bir pəncərədir" adlı videoçarx təqdim olundu. Kamera qarşısına çıxan məşhur incəsənət xadimləri bayatılar səsləndirib.
 
Təşkilatçılar və qonaqlar tədbirdə iştirak edən və martın 14-də 80 yaşını qeyd edən xalq yazıçısı Anarın yubileyini təbrik etməyi unutmayıblar. Yazıçı Çingiz Abdullayev, xalq artistləri Fəxrəddin Manafov və Mehriban Zəki, o cümlədən digər incəsənət xadimləri və "AccessBank" kollektivi də yubilyarı təbrik ediblər.
 
Tədbirdə qonaq qismində iştirak edən xalq artistləri Mənsum İbrahimov və Aygün Kazımovanın ifaları da gecəyə əlavə rəng qatıb.
Tural




 
Bölməyə aid digər xəbərlər
26.09.2018
Neftçalanın Ərəbqardaşbəyli kəndinə təbii qaz verilib
26.09.2018
AccessBank taksi xidmətləri üzrə tender elan edir
25.09.2018
Mərkəzi Klinikanın həkimləri vətəndaşları ödənişsiz müayinə edəcəklər
25.09.2018
Məcburi köçkünlərlə növbəti görüş keçirilib
25.09.2018
Qəbələdə 8 yaşayış məntəqəsinin yolunun yenidən qurulması yekunlaşır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10146

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info