İqtisadi inkişaf istehlakçıların hüquqlarının qorunmasının önəmini artırır
Tarix: 16.03.2018 | Saat: 01:49:00 | E-mail | Çapa göndər


İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətində 15 mart - Dünya İstehlakçı Hüquqlarının Müdafiəsi Günü ilə əlaqədar “İstehlakçı-sahibkar münasibətləri: qarşılıqlı hüquq və vəzifələr” mövzusunda dəyirmi masa keçirilib. Dəyirmi masada aidiyyəti dövlət qurumlarının, yerli və beynəlxalq təşkilatların, sahibkarlıq subyektlərinin və kütləvi informasiya vasitələrinin nümayəndələri iştirak edib. Tədbirdə çıxış edən dövlət xidmətinin rəisi Zahid İsayev istehlakçı hüquqlarının müdafiəsinin ölkədə həyata keçirilən sosial-iqtisadi siyasətin prioritetlərindən olduğunu vurğulayıb, bu istiqamətdə görülən işləri diqqətə çatdırıb. Qeyd edilib ki, iqtisadi inkişaf istehlakçıların hüquqlarının qorunmasının, beynəlxalq təcrübənin öyrənilməsinin, aidiyyəti dövlət orqanları ictimai təşkilatlar, sahibkarlıq subyektləri və istehsalçılar arasında qarşılıqlı əlaqələrin genişləndirilməsinin önəmini artırır. Zahid İsayev istehsalçıların hüquqlarının etibarlı şəkildə təmin olunması və bu sahədə mövcud qanunvericilikdən irəli gələn vəzifələrin icrası istiqamətində aidiyyəti dövlət qurumları və ictimai təşkilatlarla birgə görülən işlər, istehsalçıların maarifləndirilməsi məqsədilə həyata keçirilən tədbirlər barədə məlumat verib. Xidmətin rəisi istehlak bazarında istehlakçı ilə satıcı və xidmət göstərənlər arasındakı münasibətlərin qanunauyğun şəkildə tənzimlənməsi üçün təbliğat-təşviqat işlərinin əhəmiyyətini vurğulayıb. Bu məqsədlə dövlət xidmətinin təşkilatçılığı ilə Bakıda və regionlarda müxtəlif konfrans və seminarlar təşkil edilir, istehlakçı hüquqları ilə bağlı maarifləndirici məlumatlar yayılır, müxtəlif bukletlər, yaddaş kitabçaları hazırlanaraq istehsalçılar və satıcılar arasında paylanılır. Tədbirdə çıxış edən yerli və beynəlxalq təşkilatların nümayəndələri istehsalçı hüquqlarının qorunması istiqamətində aidiyyəti qurumlar tərəfindən görülən işlərin nəticəsində istehlak bazarında mal və xidmətlərin keyfiyyətində əhəmiyyətli müsbət dəyişikliklərin müşahidə olunduğunu vurğulayıb, bu sahədə ictimai nəzarətin, istehlakçı fəallığının rolunu qeyd ediblər. Tədbirdə, həmçinin istehsalçı-sahibkar münasibətlərində qarşılıqlı etimadın möhkəmləndirilməsi ilə bağlı iştirakçıların təklifləri dinlənilib, müzakirələr aparılıb. Sonda tədbir iştirakçılarına istehsalçı hüquqlarına dair maarifləndirici materiallar paylanıb.
Anar




 
Bölməyə aid digər xəbərlər
19.09.2018
Azərbaycanın tranzit imkanları İsveçrədə təqdim olunub
18.09.2018
Bu il Dövlət İnvestisiya Proqramında azı 600 kəndin yolunun təmiri nəzərdə tutulub
18.09.2018
Prezident: Əsas ərzaq məhsulları ilə özümüzü təminetmə səviyyəsinə çox yaxınlaşmışıq
18.09.2018
“Kaşaqan” neftinin gələcəkdə Bakı-Tbilisi-Ceyhan kəməri ilə nəqli planlaşdırılır”
18.09.2018
Masallıda 3230 hektar əkin sahəsinin suvarma suyu ilə təminatı yaxşılaşdırılacaq

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10117

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info