İstanbul derbisi: “Fənərbağça”-“Qalatasaray” oyununda hesab açılmayıb
Tarix: 18.03.2018 | Saat: 02:32:00 | E-mail | Çapa göndər


Martın 17-də futbol üzrə Türkiyə Super Liqasının 26-cı turunda İstanbul derbisi oynanılıb.
AZƏRTAC xəbər verir ki, turun maraqla gözlənilən mərkəzi qarşılaşmasında “Fənərbağça” komandası əzəli rəqibi - çempionatın lideri “Qalatasaray”ı qəbul edib.
Baş hakim Bülent Yıldırımın idarə etdiyi oyunda hesab açılmasa da, matç bir sıra gərgin anlarla yadda qalıb. Gərgin idman mübarizəsi şəraitində keçən oyunda futbolçulara beş sarı vərəqə göstərilib.
Qarşılıqlı hücumlar şəraitində keçən görüşün 80-ci dəqiqəsində Şener Özbayraklının ötürməsindən sonra Fernandaonun başla zərbəsi zamanı top qapıdan keçsə də, həmin epizodda baş hakim oyundankənar vəziyyət qeydə alıb. Bundan 9 dəqiqə sonra Maykonun cərimə zərbəsindən vurduğu top qapı dirəyinə dəyib. Beləliklə, oyun heç-heçə başa çatıb və “Fənərbağça” doğma meydanda xal itirib.
Bu görüş cari mövsümdə Super Liqada ən çox tamaşaçının baxdığı qarşılaşmalardan biri olub.
Komandalar arasında cari mövsümdə çempionatda “Türk Telekom” stadionunda keçirilən oyun da 0:0 hesabı ilə başa çatmışdı.
Əzəli rəqiblər bu oyunadək ölkə çempionatında 121 dəfə qarşılaşıblar. Matçların 50-sində “Fənərbağça”, 33-də isə “Qalatasaray” qələbə qazanıb, 38 matç isə heç-heçə yekunlaşıb.
Qeyd edək ki, “Qalatasaray” komandası “Şükrü Saracoğlu” stadionunda 18 ildir qələbə qazana bilmir. “Fənərbağça” 1999-cu ilin dekabrından öz meydanında oynadığı 21 qarşılaşmada “Qalatasaray”a məğlub olmayıb.
Superliqada 26 turdan sonra “Qalatasaray” çempionatda liderliyini qoruyur. Bu komandanın aktivində 54 xal var. “Fənərbağça” 48 xalla dördüncü sırada qərarlaşıb.
Martın 18-də çempionatda 50 xalla üçüncü sıradakı “Başakşehir” komandası eyni xala malik olan və ikinci yerdəki “Beşiktaş”ı qəbul edəcək. Meydan sahibləri “Beşiktaş”ı məğlub edəcəkləri təqdirdə bir pillə irəliləyərək rəqibini qabaqlayacaqlar.




 
Bölməyə aid digər xəbərlər
19.11.2018
Akrobatika üzrə dünya kuboku yarışlarının qalibləri mükafatlandırılıblar
18.11.2018
Paracüdoçularımız dünya çempionatını on medalla başa vurublar
18.11.2018
UEFA Millətlər Liqası: İngiltərə növbəti mərhələyə yüksəlib
18.11.2018
Azərbaycan gimnastı Abdulla Əl-Məşayxi: Mübarizə çətin idi
18.11.2018
“Messi ilə Ronaldo Qızıl Top-a layiq deyillər”

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info