Bilik Fondu Qəbələnin Nic qəsəbəsində dəyirmi masa keçirib
Tarix: 20.03.2018 | Saat: 00:25:00 | E-mail | Çapa göndər


Prezident yanında Bilik Fondu Qəbələ rayonun Nic qəsəbəsindəki Alban-udi xristian icmasının icma mərkəzində qəsəbə icra nümayəndəliyinin, bələdiyyə və icma üzvlərinin iştirakı ilə Novruz bayramına həsr olunmuş dəyirmi masa keçirib. Bilik Fondunun mətbuat xidmətindən “Palitra”ya bildiriblər ki, tədbirdə fondun qəsəbədə təşkil etdiyi "Azərbaycan dilini öyrənirik" kursunun müəllimi, araşdırmaçı filoloq Şahid İslamovun "Udi və azərbaycanlıların milli adət-ənənələrində paralellər və Novruzun qarşılanması ənənələri" mövzusunda mühazirəsi dinlənilib. Sonra qəsəbədə yaşayan azərbaycanlı, udi və ləzgilərin təmsilçiləri çıxış ediblər, ölkəmizdə milli azlıqların adət-ənənələrinin qorunub saxlandığını, dövlətimizin qayğısı sayəsində daha da zənginləşdiyini faktlarla diqqətə çatdırıblar. Qəsəbədəki müqəddəs Yelisey kilsəsinin keşişi bildirb ki, Rafiq Danakari Novruz mərasimlərinin sovet dövründə qadağan edilsə də, hər ailədə gizlicə keçirilirdi. Nic qəsəbə Mədəniyyət Mərkəzinin direktoru Vitali Köçəri kilsənin fəaliyyət göstərdiyi 16 il ərzində bu məkana ilk dəfə səmənilər gətirildiyini qeyd edərək, multikultural tədbirin təşkilatçılığına vğ məzmunlu məruzəsinə görə Ş.İslamova qəsəbə sakinləri adından təşəkkürünü bildirib. Tədbirdə Bilik Fondunun "Azərbaycan dilini öyrənirik" kursunun müdavimi Sevan Makarov udi şairi Aşot Udinoğlunun "Mənim baharım" şeirini Azərbaycan dilində söyləyib və bu ifa dinləyicilərin böyük marağına səbəb olub. Bununla yanaşı, Éhməd Məmmədli özünün "Novruz gəlir" şeirini söyləyib. Milliyətcə ləzgi olan Evəz Məmmədov isə ədbirdə 12 Novruz adəti və ilaxır çərşənbələrin mahiyyəti haqqında danışıb. Qəsəbə sakini Valod Gülmalov Bilik Fondunun təşkilatçılığı ilə Qəbələdə müxtəlif məzmunlu maarifçilik tədbirləri keçirildiyini xatırladaraq, qurumun pasxa bayramı ərəfəsində daha bir məzmunlu görüşün gerçəkləşməsinə dəstək verməsini xahiş edib. Sonda iştirakçılar kilsəyə daxil olaraq, Azərbaycanın işıqlı gələcəyi naminə xoş niyyət və diləklərlə bayram şamları yandırıb, Novruz şirniyyatı süfrəsi ətrafında söhbət ediblər.




 
Bölməyə aid digər xəbərlər
13.11.2018
“Bakcell”in dəstəyi ilə keçirilmiş M.A.P. Festivalı teatr həvəskarlarına unudulmaz təəssüratlar bəxş edib
13.11.2018
Gömrük əməkdaşları üçün seminar təşkil edilib
13.11.2018
“Dini radikalizmi doğuran əsas səbəblərdən biri İslam haqqında biliklərin az olmasıdır“
13.11.2018
“Nərimanov“ elektrik deposunda qatarlara texniki baxış sahəsi yenidən qurulur
13.11.2018
1100-dək kiçik ailə təsərrüfatı yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10462

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info