Bələdiyyə sədri Avropa Şurasının sessiyasında iştirak edir
Tarix: 28.03.2018 | Saat: 21:45:00 | E-mail | Çapa göndər


Strasburqda Avropa Şurası Yerli və Regional Hakimiyyətlər Konqresinin “Yerli və regional səviyyələrdə insan hüquqlarına əsaslanan idarəçilik” mövzusunda 34-cü plenar sessiyasına start verilib. Bu barədə Azərbaycanın Yerli və Regional Hakimiyyətlər Orqanlarını təmsil edən Milli nümayəndə heyətinin üzvü, Azərbaycan Qəsəbə Bələdiyyələri Milli Assosiasiyasının sədri, M.Ə.Rəsulzadə bələdiyyəsinin sədri Hümbət Hüseynov məlumat verib. Azərbaycan nümayəndə heyətinin tərkibində Azərbaycan Respublikası Milli Məclisinin Dövlət quruculuğu üzrə qanunvericilik şöbəsinin İnzibati ərazi və bələdiyyə məsələləri üzrə qanunvericilik sektorunun müdiri Məmmədzadə Aqşin və həmin sektorun baş məsləhətçisi İsmayıl Cəfərov da təmsil olunur. Üç gün davam edəcək sessiyada kəskin diskussiyalar aparılır, məsələlər bütün Avropa ölkələrinin əhalisinin əksəriyyətinə aiddir. Dayanıqlı inkişaf, miqrasiya, mədəniyyət və təhsil, şəhərlərdə sosial mütəşəkkillik, yerli hakimiyyət orqanlarının maliyyə təminatı problemlərinə xüsusi diqqət yetirilir. Bir sıra məsələlər, o cümlədən Latviyada yerli demokratiyanın vəziyyəti, Gürcüstanda baş tutmuş yerli hakimiyyətlər orqanlarına seçkilər haqqında hesabatlar dinlənəcək. Həmçinin “Etnik dovlətlərin regional identikliyi” və “Regional referendum demokratik alət kimi” mövzusunda məsələlər üzrə debatlar təşkil olunacaq. Konqresin gedişatında Azərbaycan, Ukrayna, Belarusiya, Gürcüstan, Moldova, Ermənistan ölkələri üçün “Yaxşı idarəetmə üçün Tərəfdaşlıq” Avropa İttifaqı və Avropa Şurasının birgə proqramına həsr olunan stendin nümayişi keçirilir. Burada “Yerli idarəçilik üzrə institusional strukturların gücləndirilməsi” (2015-2017) tematik proqramının nəticələri olan “Şəffaflıq və vətəndaşların iştirakı məsələlərinə dair vəsait”, “Dəyişikliklər üzrə idarəetmə təlimatı” kimi publikasiyaları təqdim olunacaq. Həmçinin Konqresın gedişatında “Rusiya şəhərlər ittifaqı” ictimai təşkilatının 25 illiyinə həsr olunan təqdimat meydançası açılıb. Qeyd edək ki, 34-cü Plenar sessiyada Konqresin təşəbbüsü ilə gənclərin siyasətdə iştirakına dəstək olaraq Avropa Şurasının 42 üzv ölkəsindən 42 gənc nümayəndə Konqress üzvləri ilə yanaşı oturublar.

Fuad




 
Bölməyə aid digər xəbərlər
20.02.2019
“Azərmarka” Uşaqların Beynəlxalq Müdafiəsi Gününə həsr olunmuş müsabiqə elan edib
20.02.2019
Aqrar İnkişaf Könüllüləri aqrar jurnalistika ilə bağlı layihənin icrasına başlayıb
20.02.2019
Körpəyə vitamin vermək olar?
20.02.2019
“Cəmiyyətin səsi” layihəsinin I mərhələsi başa çatıb
20.02.2019
Min bir dərdin dərmanı - yaşıl çay

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10608

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info