“Azərbaycan regionda strateji mövqeyə malikdir”
Tarix: 29.03.2018 | Saat: 00:51:00 | E-mail | Çapa göndər


Robert Sekuta:
“Bakı-Tbilisi-Qars dəmir yolu, Ələt limanı “Şərq-Qərb”, “Şimal-Cənub” beynəlxalq nəqliyyat dəhlizləri strateji layihələrdir. Bu layihələr Azərbaycanın beynəlxalq imicinin yüksəlməsinə töhfə verir”

“Azərbaycan regionda strateji mövqeyə malikdir”. Bu barədə ABŞ-ın Azərbaycandakı səfiri Robert Sekuta Azərbaycanda Amerika Ticarət Palatası (AmCham Azərbaycan) üzvləri ilə diplomatik xidmətinin başa çatmasına həsr olunmuş aylıq işgüzar naharda deyib.
"AmCham Azərbaycan"ın prezidenti Nuran Kərimov və icraçı direktor Natəvan Məmmədova səfirə Azərbaycanda həyata keçirdiyi xüsusi xidmətlərinə görə minnətdarlıqlarını bildiriblər, 2015-ci ildən Bakıda fəaliyyət göstərən səfirin palatanın işinə böyük töhfə verdiyini vurğulayıblar. ABŞ səfiri Sekuta Azərbaycanda diplomatik xidmətdə olduğu bu bir neçə il ərzində Azərbaycanda reallaşan müxtəlif layihələrə ölkəsi tərəfindən yatırılan sərmayələr barədə, o cümlədən "Azəri-Çıraq-Günəşli" yataqlarının işlənməsi üzrə Hasilatın Pay Bölgüsü sazişinin uzadılması və dünyanın ən böyük neft şirkətlərindən olan ABŞ-ın "ExxonMobil" və "Chevron" korporasiyalarının müxtəlif yerli layihələrdə səhmdar kimi çıxış etməsi barədə geniş məlumat verib. Bildirib ki, bu müddət ərzində ABŞ Azərbaycanda 3 müxtəlif ticarət missiyasını həyata keçirib. Səfir Robert Sekuta ABŞ-ın Texas ştatının Bakı ilə qardaşlaşmış Hyuston şəhərində keçirilmiş neft və qaz sənayesi üzrə ən böyük sərgi və konfrans sayılan "Dənizdə Texnologiyalar Konfransı"nda Azərbaycan nümayəndə heyətinin iştirak etməsini xüsusilə vurğulayıb. Bu konfransın Xəzərin enerji resursları və enerji mərkəzi kimi imkanları, dənizdə neft yataqlarının işlənməsinə dair məlumat mübadiləsi aparılması və bu sahədə tətbiq edilən son texnologiyalar barədə məlumatlanmaq baxımından yüksək əhəmiyyətini qeyd edib. Səfir bildirib ki, Azərbaycanda qadınların sahibkarlıqla məşğul olmasını həvəsləndirmək məqsədilə ABŞ tərəfindən təşkil olunmuş təlimlər bu müddət ərzində daha geniş vüsət alıb. Son dövrlərdə Azərbaycan qadınlarının beynəlxalq arenada öz sözünü deməsini yüksək qiymətləndirən səfir R.Sekuta "Rainergy" ixtirası ilə məşhurlaşan Reyhan Camalovanın da uğurunun bunun bariz nümunəsi olduğunu deyib. Səfir ABŞ ilə Azərbaycan hökumətinin birgə səyləri nəticəsində amerikalı iş adamları ilə yerli sahibkarların əməkdaşlığını gücləndirmək məqsədilə atılan addımların şəffaf biznesin qurulması, dialoqun aparılması, ikitərəfli əlaqələrin daha da mökhəmlənməsinə bir töhfə olduğunu vurğulayıb. R.Sekuta Azərbaycanın regionda strateji mövqe tutduğunu deyib. O, Azərbaycanın neft-qaz ölkəsi olduğunu və bu istiqamətdə strategiyasını davam etdirdiyini bildirib: "Bu strategiya ilə yanaşı, Azərbaycan iqtisadiyyatın şaxələndirilməsi üçün tədbirləri davam etdirməlidir. Bakı-Tbilisi-Qars dəmir yolunun istifadəyə verilməsi, o cümlədən Ələt limanı “Şərq-Qərb”, həmçinin “Şimal-Cənub” beynəlxalq nəqliyyat dəhlizləri ticarət əlaqələrinin möhkəmlənməsinə təsir edəcək strateji layihələrdir. Bu layihələr Azərbaycanın beynəlxalq imicinin yüksəlməsinə töhfə verir". O, bu il Azərbaycan Cümhuriyyətinin 100 illiyinin qeyd ediləcəyinin əhəmiyyətini vurğulayıb və Azərbaycanın Şərqdə yaranan ilk demokratik respublika olmasını və onun müsəlman Şərqində qadınları səs vermək hüququ ilə təmin etmiş ilk ölkə olmasını tədbir iştirakçılarına xatırladıb. Ermənistan-Azərbaycan, Dağlıq Qarabağ münaqişəsinə toxunan səfir bu problemin beynəlxalq səviyyədə razılaşdırılmış prinsiplərə əsasən sülh yolu ilə həllinə çağırıb. Qeyd edək ki, diplomatik korpusun nümayəndələri də daxil olmaqla tədbirdə 100-dək qonaq iştirak edib.
Cavidan




 
Bölməyə aid digər xəbərlər
17.06.2019
Türkiyədə ən çox daşınmaz əmlak alan Azərbaycan vətəndaşlarıdır
17.06.2019
Baş Prokurorluq və DİN rəsmi məlumat yayıb
15.06.2019
Heydər Əliyevin hakimiyyətə qayıdışı Azərbaycanın davamlı inkişafının əsasını qoydu
15.06.2019
İyunun 15-i xalqımızın bəlalardan qurtuluşunun carçısıdır
14.06.2019
Azərbaycanın bugünkü reallıqları Heydər Əliyev siyasətinin təntənəsi, milli qurtuluşun uğurlarıdır

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10806

1 Naxçıvanda “Cavidşünaslıq” oncildliyinin təqdimatı olub
2 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
3 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
4 Ermənilərin təyyarəmizi vurmaq cəhdi uğursuzluqla nəticələnib - VİDEO
5 Bakı Atatürk Liseyində məzun günü münasibəti ilə tədbir keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info