ABŞ təşkilatı “exit-poll“ öncəsi sorğunun nəticələrini açıqlayıb
Tarix: 29.03.2018 | Saat: 00:58:00 | E-mail | Çapa göndər


Respondentlərin 82,9 faizi İlham Əliyevə səs verəcəklərini bildiriblər

ABŞ-ın “AJF&Associates Inc.” təşkilatı və “Vətəndaşların Əmək Hüquqlarını Müdafiə Liqası” Azərbaycanda keçiriləcək prezident seçkiləri ilə əlaqədar “exit-poll” öncəsi apardıqları sosioloji araşdırmanın nəticələrini elan ediblər.
Sorğunun nəticələrini “AJF&Associates Inc.” təşkilatının sədri Corc Birnbaum və “Vətəndaşların Əmək Hüquqlarını Müdafiə Liqası”nın sədri Sahib Məmmədov açıqlayıblar. Bildirilib ki, sosioloji sorğunun keçirilməsində əsas məqsəd prezident seçkiləri ərəfəsində əhalinin səsverməyə hazırlığı və onların ölkənin siyasi həyatında iştirak səviyyəsinin, seçkilərlə bağlı ictimai rəyin öyrənilməsi olub. Sorğuya ümumilikdə Azərbaycanın müxtəlif rayonlarından 1500 nəfər respondent cəlb edilib. Bunlardan 63,5 faizi (952 nəfər) böyük şəhərlərdən, 17,6 faizi (264 nəfər) kiçik şəhərlərdən, qalanları isə qəsəbə və kəndlərdən olub. Sorğuda iştirak edənlərin 49,9 faizi (748 nəfər) qadın, 50,1 faizi (752 nəfər) kişi olub. Sorğu ölkə əhalisinin yaş statistikası nəzərə alınaraq aparılıb və respondentlərin 30,4 faizi (456 nəfər) 18-29 yaş arası, 30 faizi (450 nəfər) 30-39 yaş arası, 19,5 faizi (292 nəfər) 40-49 yaş arası, 11,5 faizi (173 nəfər) 50-59 yaş arası, 5,6 faizi (84 nəfər) 60-69 yaş arası və yalnız 2,9 faizi (44 nəfər) 70 və daha yuxarı yaşda insanlar olub. Sorğu vərəqəsindəki suallar təsnif edilərək aşağıdakı kimi qruplaşdırıla bilər: Əhalinin prezident seçkiləri ilə bağlı məlumatlılıq səviyyəsi; Ölkənin hazırkı iqtisadi vəziyyətinə münasibət; Əhalinin siyasi fəallıq səviyyəsi. Əhalinin prezident seçkiləri ilə bağlı məlumatlılıq səviyyəsinin öyrənilməsi məqsədilə qoyulmuş “Ümumiyyətlə, Azərbaycanda Milli Məclisə seçkilər və ya prezident seçkilərində siz necə iştirak edirsiniz” sualına verilən cavabda respondentlərin böyük əksəriyyəti -74 faizi (1110 nəfər) “həmişə” seçkilərdə iştirak etdiklərini bildiriblər. On faiz (150 nəfər) respondent isə 11 aprel prezident seçkilərində “ilk dəfə” iştirak edəcəyini deyib. Rəyi soruşulanların 12,6 faizi (189 nəfər) seçkilərdə “bəzən”, yaxud “nadir hallarda” iştirak etdiklərini qeyd edib. Anket sorğusunun birinci blokuna aid olan suallar seçicilərin iqtidar, yaxud müxalifət meyilli olma imkanlarını açmağa kömək edir. Belə ki, “Əgər prezident seçkiləri bu gün keçirilsəydi və namizədlər aşağıdakı şəxslər olsaydı, kimə səs verərdiniz?” və “Əgər parlament seçkiləri bu gün keçirilsəydi hansı partiyanın namizədinə səs verərdiniz?” suallarına alınan cavablar belə olub: İlham Əliyev - 82,9 faiz (1244 nəfər) və Yeni Azərbaycan Partiyasının namizədi - 70,9 faiz (1064 nəfər). “Hazırkı hökumətin işini necə qiymətləndirirsiniz” sualına alınmış cavablar isə belə olub: əla - 28,9 faiz (433 nəfər), yaxşı -27,1 faiz (406 nəfər), orta -19,9 faiz (299 nəfər). Ümumilikdə, 75,9 faiz (1138 nəfər) respondent hazırkı hökumətin fəaliyyətini qənaətbəxş hesab edib. Sorğu zamanı digər məsələlərlə bağlı rəylər də öyrənilib: “Azərbaycanın iqtisadiyyatı güclüdür” - 62,5 faiz (937 nəfər), “Azərbaycanda söz azadlığı var” - 65 faiz (975 nəfər), “Ölkə rəhbərliyi xalqı terrordan qoruyur” - 63,6 faiz (954 nəfər), “Biz bir siyasi liderin rəhbərliyi altında birləşsək, Azərbaycan daha güclü olar” - 62,5 faiz (938 nəfər), “Azərbaycanda insan hüquqları qorunur” - 62 faiz (930 nəfər), “Azərbaycan regionda sabitlik adasıdır” -63,1 faiz (946 nəfər). Sorğuda “Prezident İlham Əliyevə münasibətlə” bağlı suala cavablar belə olub: “İqtisadiyyatı təkmilləşdirir” - 58,7 faiz (881 nəfər), “Vətəndaşların qayğısına qalır” - 61 faiz (915 nəfər), “Azərbaycanı beynəlxalq aləmdə yaxşı təmsil edir” - 75 faiz (1125 nəfər), “Ölkəmizin təhlükəsizliyini qoruyur” - 60,7 faiz (911 nəfər), miqrant böhranının Azərbaycana keçməsinin qarşısını alır - 58 faiz (870 nəfər). Qeyd edilib ki, aparılmış sosioloji sorğunun nəticələri 11 aprel prezident seçkilərinə hazırlığın həm hakimiyyət, həm də əhali səviyyəsində qənaətbəxş olduğunu göstərir. Əhali prezident seçkiləri ilə bağlı məlumatlıdır və bu, dövlət səviyyəsində aparılan təbliğatın müsbət gedişindən xəbər verir.
Cavidan




 
Bölməyə aid digər xəbərlər
25.03.2019
Azərbaycandan Həcc ziyarətinə getmək istəyənlərin sayı artır
23.03.2019
Naxçıvanlı məktəblilər “Ölkəmizi tanıyaq” tur-aksiyası çərçivəsində Bakıya gəliblər
22.03.2019
İtaliyanın “Agenzia Nova” saytı Novruz bayramının adət-ənənələrindən yazır
20.03.2019
Bayramın ikinci günündə hava əsasən yağmursuz keçəcək
20.03.2019
Kiyevdə keçirilən Novruz şənliyində Azərbaycanın milli mətbəx nümunələri təqdim olunub

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10704

1 Azərbaycan xalqı zəngin mədəniyyətə sahibdir
2 Lənkəranın ucqar kənd məktəbində Novruz şənliyi keçirilib
3 İraqda bərə qəzaya uğrayıb: 71 ölü
4 Paşinyan reytinqini küçə süpürməklə qaldırmaq istəyir?
5 Prezident və xanımı Bakıda Novruz şənliyində


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info