“Azərbaycanla dost münasibətlərinə əsaslanan əməkdaşlıq əlaqələrimiz daim genişlənir”
Tarix: 29.03.2018 | Saat: 15:39:00 | E-mail | Çapa göndər


“Azərbaycanla Misir arasında ikitərəfli münasibətlərin ildən-ilə inkişaf etdirilməsi iki ölkənin əmək və sosial müdafiə sahəsində sıx əməkdaşlıq əlaqələrinin formalaşdırılması üçün əlverişli zəmin yaradıb”. Bunu əmək və əhalinin sosial müdafiəsi naziri Səlim Müslümov Misir Ərəb Respublikasının ölkəmizdə yeni təyin olunmuş fövqəladə və səlahiyyətli səfiri Adel İbrahimlə Nazirlikdə keçirilən tanışlıq görüşündə vurğulayıb.
Səlim Müslümov uğurlu sosial-iqtisadi siyasətin respublikamızda dayanıqlı inkişafın təmin edilməsi istiqamətində mühüm tarixi nailiyyətlərin əldə edilməsinə imkan verdiyini, ölkədə həyata keçirilən siyasətin ilk növbədə vətəndaşların rifah halının yaxşılaşdırılmasına xidmət etdiyini vurğulayıb. Nazir bildirib ki, qeyri-neft sektoruna əsaslanan dayanıqlı inkişafın təmin edilməsi üçün aparılan islahatlar müsbət demoqrafik vəziyyətin mövcud olduğu ölkəmizdə daim artan əmək resurslarının səmərəli məşğulluğunun təmin edilməsinə də imkan verib. Ümumilikdə Azərbaycanda iqtisadi inkişaf proseslərində məşğulluq amili daim ön planda saxlanılır və məşğul əhalinin artım tempinin iqtisadi fəal əhalinin artım tempindən yüksək olması da bunu göstərir.
Aktiv əmək bazarı proqramlarının genişləndirilməsi, əhalinin özünüməşğulluğunun dəstəklənməsi sahəsində görülən işləri diqqətə çatdıran nazir, eyni zamanda, bu gün işçi qüvvəsinin iqtisadi inkişafa uyğun əmək bacarıqlarının artırılmasının əmək bazarında müsbət meyillərin stimullaşdırılması baxımından əhəmiyyətini qeyd edib, bu sahədə aparılan işləri diqqətə çatdırıb. Nazir Azərbaycanın əmək və sosial müdafiə sahəsində elektron texnologiyaların geniş tətbiqi nəticəsində yaradılan avtomatlaşdırılmış sistemlər barədə də səfiri məlumatlandırıb.
Səlim Müslümov digər bir sıra İslam ölkələri kimi, Misir Ərəb Respublikası ilə də əmək, məşğulluq, sosial müdafiə sahələrində əməkdaşlıq əlaqələrinin İslam Əməkdaşlıq Təşkilatı (İƏT) çərçivəsində həyata keçirildiyini bildirib. O, İƏT-in Bakıda yaradılacaq Əmək Mərkəzinin Təşkilata üzv dövlətlər, həmçinin Azərbaycan və Misir arasında da əmək, məşğulluq və sosial müdafiə sahələrində əməkdaşlığın inkişafına xidmət edəcəyini vurğulayıb. Nazir, eyni zamanda, iki ölkənin aidiyyəti qurumları arasında əmək bazarı proqramları, aktiv məşğulluq tədbirlərinin təşkili, işçi qüvvəsinin əmək bacarıqlarının artırılması, müasir və şəffaf iş sistemlərinin qurulması və s. sahələrdə ikitərəfli əməkdaşlıq üçün imkanların olduğunu da diqqətə çatdırıb.
A.İbrahim ölkəsi ilə Azərbaycan arasında dost münasibətlərinə əsaslanan əməkdaşlıq əlaqələrinin daim genişləndiyini vurğulayıb, əmək və sosial müdafiə sahəsində də bu əlaqələrin formalaşması və inkişaf etdirilməsinin qarşılıqlı fayda verəcəyini bildirib. Səfir bu sahədə öz səylərini göstərəcəyini qeyd edib.
Görüşdə iki ölkə arasında əmək və sosial müdafiə sahəsində əməkdaşlıq imkanları nəzərdən keçirilib.

Tural




 
Bölməyə aid digər xəbərlər
15.11.2018
Mətbuat Şurası ilə AMEA Mərkəzi Elmi Kitabxanası memorandum imzalayıb
15.11.2018
Bakıda Dünya Diabet Gününə həsr olunmuş tədbir keçirilib
14.11.2018
“Bakcell”in baş icraçı direktoru Londonda rəqəmsal transformasiya haqqında danışıb
14.11.2018
“Dini maarifləndirmə işinin təşkili: gerçəkliklər və perspektivlər”
14.11.2018
Slovakiyalı qonaqlar Qobustan qoruğundan xoş təəssüratla ayrılıblar

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10471

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info