“Monitorinq zamanı seçki qanunvericiliyinin ciddi pozulmasına rast gəlinməyib”
Tarix: 29.03.2018 | Saat: 16:34:00 | E-mail | Çapa göndər


"Seçki müşahidə missiyasına 80-dən çox beynəlxalq müşahidəçi yer alıb. Hamısı Avropa ölkələrindəndir, qısamüddətli müşahidəçilərdir. Onlar hər biri 4 və ya 6 seçki məntəqəsində müşahidə aparacaq ".
 
Bunu qeyri-hökumət təşkilatı olan GİSDİ-Azad və Demokratik Seçkilər uğrunda Vətəndaş Təşəbbüsünün (Bolqarıstan) missiya rəhbəri Mihail Mirçev bu gün keçirilən brifinqdə deyib.
 
O bildirib ki, GİSDİ uzunmüddətli və qısamüddətli müşahidə missiyaları təşkil edir: "Siyasət, media, seçki, hüquq və vətəndaş cəmiyyəti ekspertlərindən ibarət uzunmüddətli müşahidəçilər missiyasının müşahidə və araşdırmaları nəticəsində Aralıq Hesabat hazırlanıb. Bu hesabatın tam mətni aprelin 2-də təqdim olunacaq və GİSDİ-nin saytında yerləşdiriləcək".
 
M. Mirçevin sözlərinə görə, hesabata GİSDİ ekspertlərinin makrosiyasi şərait və sistem, Azərbaycanda seçkiqabağı vəziyyət, hüquqi çərçivə və seçki administrasiyası, seçki siyahıları və seçicilərin qeydiyyatı, namizədlərin irəli sürülməsi və qeydiyyatı, seçki kampaniyası, seçki prosesində KİV-in rolu, şikayət və müraciətlər, seçki günü seçkilərin müşahidəsi və s. istiqamətdə müşahidələr yer alıb.
 
Missiyanın hüquq analitiki Omurtaq Petkov bildirib ki, GİSDİ-nin uzunmüddətli müşahidə missiyası ekspertlərinin müşahidə və araşdırmaları nəticəsində azad və demokratik seçkilərin keçirilməsi baxımdan Azərbaycandakı makrosiyasi mühitin münbit, ölkədə seçkiqabağı mühitin stabil olduğu, elektoratın öz seçimini azad ifadə etmək və ədalətli, demokratik seçkilərin təşkili baxımından heç bir təhlükə olmadığı bəlli olub: “Azərbaycanda seçki prosesini tənzimləyən hüquqi sənədlərin təhlili onu deməyə əsas verir ki, ölkədə demokratik seçkilər keçirməyə tam yararlı, beynəlxalq standartlara uyğun hüquqi çərçivə mövcuddur. Seçki administrasiyasının işinin müşahidəsi ümumilikdə onun işinin müsbət qiymətləndirilməsinə imkan yaradır. Seçici siyahıları ilə iş daim aparılır, onlar yenilənir və dəqiqləşdirilir. Namizədlərin irəli sürülməsi və qeydiyyatı prosesini ümumilikdə müsbət qiymətləndirmək olar, halbuki qeydiyyatdan keçməmiş namizədlərdən heç də hamısı MSK-nın qərarı ilə razılaşmayıb”.
 
O. Petkov vurğulayıb ki, bu günədək aparılmış monitorinq zamanı seçki qanunvericiliyinin ciddi pozulması və ya namizədlər üçün qeyri-bərabər şəraitə dair faktlara rast gəlinməyib və ölkədə sərbəst toplaşma hüququ təmin olunur: “Yuxarıda deyilənləri ümumiləşdirərək GİSDİ bəyan edir ki, bu gün Azərbaycanda beynəlxalq standartlara uyğun demokratik və ədalətli seçkilərin keçirilməsi üçün lazımi şərait mövcuddur"
 
Qeyd edək ki, GİSDİ seçki müşahidəsi sahəsində Bolqarıstanın ən qocaman QHT-sidir. O, 1990-cı ildə təsis edilib. GİSDİ bir sıra beynəlxalq seçki müşahidə missiyalarında iştirak edib. O, 2003-cü ildən bəri Azərbaycanda seçkiləri müşahidə edir.
Tural




 
Bölməyə aid digər xəbərlər
22.02.2019
Müxalifət kütləvi aksiyaları idarə edə bilmir
22.02.2019
Diaspor üzvləri Ümumavropa Qarabağ mitinqinə çağırış edib
21.02.2019
Levan Çixeidze: Gürcüstan parlamenti Xocalı soyqırımını rəsmən tanımalıdır
21.02.2019
Müxalifət mitinqlərlə bağlı məsuliyyətdən niyə qaçır?
21.02.2019
Валентина Терешкова: не любить Азербайджан невозможно!

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info