Qlobal iqtisadiyyat: ÜDM artımı 3,2 faizə yüksələcək
Tarix: 30.03.2018 | Saat: 00:49:00 | E-mail | Çapa göndər


Tuğra Gönden:
“G eosiyasi risklərə baxmayaraq, Türkiyə Avropanın və dünyanın istehsal bazası olmaqda davam edəcək”


“Cushman & Wakefield” kommersiya konsaltinq firması tərəfindən hazırlanan “İstehsalat Riskləri İndeksi”nin araşdırmasına görə (2018) hazırda qlobal istehsalın əsas gücü Çindir. Araşdırmanın sürpriz ulduzu isə Litvadır.
“Sənaye 4.0” qlobal istehsal və emal sənayesinin dinamikasını yenidən müəyyənləşdirərkən, bir çox şirkətin gündəmə gətirdiyi ən vacib məsələ, istehsalın necə və harada həyata keçirilməsidir. “Cushman & Wakefield” firması hər il "İstehsalat Riskləri İndeksi" araşdırması ilə ölkələrin istehsal gücünü araşdırır. Cari ildə də istehsal baxımından ölkələr arasında ən əhəmiyyətli dəyişiklikləri ortaya çıxarıb. 42 fərqli ölkəni iqtisadi inkişafdan texnoloji tendensiyalara, maliyyə üstünlüklərindən işçi qüvvəsinə qədər qiymətləndirən tədqiqat, 2020-ci il istehsal sənayesi ilə bağlı əhəmiyyətli proqnozlar verir. Nəticələrə görə, qlobal iqtisadiyyat ABŞ-ın gələcək qlobal ticarət siyasəti və Avropadakı “Brexit”in nəticəsinin necə olacağı ilə bağlı Yaxın Şərq, Asiya və Latın Amerikasının bəzi bölgələrində yüksək geosiyasi risklərə baxmayaraq, yaxşıdır. Ötən il 2,9 faiz olan qlobal ÜDM artımının 2018-ci ildə 3,2 faizə yüksələcəyi gözlənilir. “Cushman & Wakefield”in hesabatına görə, 2020-ci ilədək ən böyük 60 qlobal iqtisadiyyatda istehsalın ÜDM-də payı 20 faizi keçəcək. Bu nəhəng artımda ən böyük pay Çinə aiddir. 2025-ci ilədək, Çinin istehsal sektoru ÜDM-in 30 faizini təşkil edəcək, bu isə avrozonada bu payın orta hesabla 17 faizə çatacağını göstərir. Regionda ən böyük pay isə 23 faizlə Almaniyaya aiddir. Çin, qlobal istehsal gücünü bir daha sübut etsə də, ötən illərdə qlobal sıralamada ən yüksəkdə yer alan Malayziya bu il Litvanın sürpriz yüksəlişi ilə üçüncü yerə düşüb. Buna baxmayaraq, Malayziya aşağı əmək xərcləri ilə önəmli mövqeyə malikdir. Gələcək beş ildə Asiyada əhalinin adambaşına düşən ÜDM-in 25 faiz artacağı proqnozlaşdırılır. Şərqi Avropada Litva ən cazibədar istehsal müəssisələrinin sıralamasında ikinci yeri tutur. Aşağı əmək xərcləri ilə fərqlənən Litvada bu rəqəm Polşaya nisbətən 14%, Çexiyadan isə 30% azdır. Qlobal əsasda Mərkəzi və Şərqi Avropanın (Çexiya, Slovakiya, Polşa, Macarıstan) iqtisadiyyatında əmək xərcləri Çin və Hindistandan iki dəfə yüksəkdir, lakin ABŞ-dan 60 faiz aşağıdır. Macarıstan regionda dərman istehsalında lider olaraq qalır.
İnfrastruktur sərmayələri və coğrafi mövqe üstünlüyü ilə Türkiyə, başda Avropan olmaqla dünyanın istehsal mərkəzi olmağa davam edir. Türkiyə ilə yanaşı, Rumıniya və Bolqarıstan da inkişaf etməkdə olan istehsal sayəsində mövqelərini gücləndirir. Sürətli təkamül keçirən iqtisadi, siyasi və texnoloji inkişafların ölkələrin istehsal bazarındakı mövqelərinə təsir etdiyini göstərən “Cushman & Wakefield”in tərəfdaşı Tuğra Gönden bildirib ki, getdikcə daha da rəqabətli olan qlobal istehsal sahəsində inkişafı davamlı etmək uzunmüddətli strategiya ilə mümkündür: “Avropa, Asiya, Rusiya və Afrikanın kəsişmə nöqtəsi olan Türkiyənin coğrafi mövqeyi və yüksək texnologiyaya sahib infrastruktur sərmayələri qlobal istehsal bazarı baxımından əhəmiyyətli üstünlüklər təqdim edir. Bununla yanaşı, yaşanan geosiyasi risklərə baxmayaraq, Türkiyə Avropanın və dünyanın istehsal bazası olmaqda davam edir. Türkiyənin mövqe və potensialını düzgün qiymətləndirərək yaxın gələcəkdə istehsalda parlayan bir ulduz olacağına inanıram”.
Nigar




 
Bölməyə aid digər xəbərlər
24.01.2019
TAP boru kəmərinin dəniz hissəsinin inşasının 10 faizi yekunlaşıb
24.01.2019
“SOCAR karbamid” zavodu bu ilin mart ayından tam gücü ilə işləyəcək
24.01.2019
Azərbaycanda bu il mobil operatorlar 868,5 milyon manat gəlir əldə edib
23.01.2019
“Aksam.com.tr”: “Azərbaycan 2019-cu ildə TANAP ilə təbii qaz nəqlini iki dəfə artırmağı planlaşdırır”
23.01.2019
AzerTelecom Azərbaycanın Regional Rəqəmsal Mərkəzə çevrilməsi üçün “Azerbaijan Digital Hub” proqramını icra edir

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10566

1 “Mənim güc mənbəyim Bakıdadır”
2 Mehman Hüseynov Prezident İlham Əliyevə müraciət ünvanlayıb
3 “Yenisafak.com”: “Star” NEZ “Ən yaxşı maliyyə layihəsi idarəçiliyi” mükafatına layiq görülüb”
4 Sədərək uğrunda gedən qeyri-bərabər döyüşdə yurd sevgisi qalib gəldi
5 Əli Abdalov Mehman Hüseynovla barışıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info