ƏƏSMN-in e-xidmətlərinə müraciətlərin sayı 25 milyon 250 minə çatıb
Tarix: 02.04.2018 | Saat: 19:48:00 | E-mail | Çapa göndər


Son bir ayda əhali bu e-xidmətlərdən 649,5 min dəfə istifadə edib

Əmək və Əhalinin Sosial Müdafiəsi Nazirliyinin “Elektron Hökumət” portalı üzərindən təqdim etdiyi elektron xidmətlər 2018-ci ilin mart ayında da əhalinin maraq dairəsində olaraq, geniş istifadəçi kontingenti ilə seçiliblər. Belə ki, son bir ayda həmin e-xidmətlərə 649,5 min dəfə müraciət qeydə alınıb.
Ümumilikdə isə indiyədək Nazirliyin e-xidmətlərinə müraciətlərin sayı 25 milyon 250 minə çatıb ki, bu da ötən dövrdə “Elektron Hökumət” portalından ümumi istifadənin 38,5 faizini təşkil edir.
Dövlət idarəçiliyinin müasir iş prinsipləri üzərində təşkili və bu əsasda əhaliyə xidmətlərin də şəffaf şəkildə təşkili barədə Azərbaycan Prezidenti cənab İlham Əliyevin tapşırıqlarına uyğun olaraq son illərdə aparılan islahatlar əmək və sosial müdafiə, sosial sığorta, tibbi-sosial ekspertiza və reabilitasiya sahələrinin də qısa müddətdə avtomatlaşdırılmış infratsrukturunun qurulmasına imkan verib. Qeyd olunan sahələrin fəaliyyətinin elektron sistemlər üzərində formalaşdırılması müvafiq dövlət xidmətlərinin əhaliyə elektron müstəvidə və vahid pəncərə əsaslı təşkilini, nəticədə məmur-vətəndaş kontaktlarının da minimallaşdırılması şəraitində həmin xidmət sektorlarında şəffaflığın, sosial təminat sistemində ünvanlılıq prinsipinin təmin edilməsini reallaşdırıb. Digər tərəfdən, əhalinin bu xidmətlərdən rahat və asan istifadə imkanlarına yiyələnmələrinə, həmçinin sosial cəhətdən həssas əhali qruplarının aidiyyəti xidmətlərə əlçatanlığına nail olunub.
Hazırda Əmək və Əhalinin Sosial Müdafiəsi Nazirliyinin 30-a qədər e-xidməti fəaliyyət göstərir. Cari ilin mart ayında da onlardan “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” (225 931 müraciət), “Tibbi-sosial ekspert komissiyasında sonuncu müayinəyə dair məlumatın verilməsi” (61 811 müraciət), “İş yerinə dair arayış” (49 596 müraciət), “Əmək müqaviləsi bildirişləri barədə məlumatların işçilər tərəfindən əldə edilməsi” (27 185 müraciət), “Əmək qabiliyyətinin müvəqqəti itirilməsinə görə müavinətlə bağlı haqq-hesab cədvəlinin təqdim edilməsi” (25 964 müraciət) və digər e-xidmətlər vətəndaşların ən çox faydalandığı e-xidmətlərdən olublar. Eləcə də “Məcburi dövlət sosial sığortası üzrə hesabatların təqdim edilməsi”, “Sığortaolunanlara məlumatların verilməsi”, “Ünvanlı sosial yardımla bağlı müraciətin edilməsi”, “Məcburi dövlət sosial sığorta vəsaitlərinin onlayn ödənilməsi”, “Sığortaolunanın onlayn uçota alınması”, “Pensiya kalkulyatoru” və s. kimi e-xidmətlərə müraciətlərin sayı daim artmaqdadır.

Tural




 
Bölməyə aid digər xəbərlər
15.11.2018
110 şəhid hərbi qulluqçu üzrə 135 vərəsəyə birdəfəlik ödəmənin verilməsinə dair qərar qəbul olundu
14.11.2018
“Veysəloğlu”da şirkət əməkdaşlarının tələbə adını qazanan övladları ilə görüş keçirilib
13.11.2018
Özünüməşğulluq proqramı çərçivəsində 50-dən çox ailəyə mal-materiallar təqdim olunub
13.11.2018
“DOST” mərkəzlərinin yaradılması üçün əlavə vəsait ayrılıb
13.11.2018
13 noyabr - Beynəlxalq Gözdən Əlilliyi olan şəxslər Günüdür

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10478

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info