Erdjanik Abqaryan: ”Rusiya ermənilərə qarşı saymazlıq nümayiş etdirir”
Tarix: 02.04.2018 | Saat: 21:48:00 | E-mail | Çapa göndər


Artıq ruslar tərəfindən Rus Silahlı Qüvvələrinin Hərbi Polis bölmələrinin Ermənistanda yerləşdirilməsi barədə bəyanat verilib. Təbii ki, qərarı ruslar verib. Beləliklə, odlu silahlarla silahlanmış bu birləşmələrin Yerevan və Gümrüdə yerləşdirilməsi planlaşdırılır.
Maraqlıdır ki, ermənilər rus hərbi polisinin öz ərazilərində yerləşdirilməsini qanunsuz, heç bir dövlətlərarası razılaşma ilə müəyyən edilmədiyini iddia etsələr də, reallıq budur ki, artıq rus hərbi polisi Gümrü küçələrində sərbəst gəzməyə başlayıblar. Qeyd edək ki, Rusiyanın belə bir addımı ermənilər tərəfindən o qədər də müsbət hal kimi qarşılanmayıb. Ermənistan səlahiyyətliləri Rusiya ilə 1997-ci ildə imzalanmış və 2002-ci ildə qüvvəyə minən «qarşılıqlı hüquqi yardım haqqında » sazişi əsəas gətirərək, burada Rusiya əsgəri bazası daxilində hərbi polisin yaradılması barədə heç bir müddəa olmadığını göstərirlər.
Ermənistanda fəaliyyət göstərən QHT-lər də Rusiya Silahlı Qüvvələrinin hərbi polisinin Ermənistan Respublikasının ərazisində hərəkət etmək səlahiyyətinə malik olmaması barədə bəyanatlar verirlər.
Onlar da 2000-ci ildə qüvvəyə minən sazişi əsas kimi göstərirlər. Belə ki, həmin sazişdə də Rusiya Federasiyasının Silahlı Qüvvələrinin hərbi polisinin Ermənistanda patrul xidməti kimi fəaliyyət göstərməsi öz əksini tapmayıb. Ermənistan tərəfi İrəvan və Gümrüdə fəaliyyət göstərəcək hərbi patrul xidməti əməkdaşlarının odlu silahla silahlanmasını da, 1997-ci ildə iki dövlət arasında imzalanmış sazişə uyğun olmadığı üçün qanunsuz hesab edirlər.
Sabiq erməni deputat Erdjanik Abqaryan bu məsələ ilə bağlı «1in.am» saytına danışarkən, Ermənistandakı Rusiya bazası nəzdində hərbi polisin yaradılması təşəbbüsünün hərbi bölgələrdən birinin qərargahı tərəfindən irəli sürüldüyünü bildirib. Onun sözlərinə görə, guya, nə Rusiya hökuməti, nə də Rusiyanın Müdafiə Nazirliyi bu barədə məlumatsızdır. Sabiq deputat «Ermənistan-Rusiya dövlətlərarası münasibətlərinin artıq bundan sonra mövcud olmadığını» dilə gətirməklə, əmrin qarşı tərəfin səlahiyyətlilərindən gəldiyini etiraf etmiş olur: «Bu, Rusiyanın ermənilərə qarşı nümayiş etdirdiyi saymazlığın təzahürüdür. Bu şəraitdə, növbəti alçaldıcı addımın qanuniliyi barədə danışmaq, onu yumşaltmaq absurddur».
Rusiyanın qısa vaxtda hərbi polislə bağlı belə bir addım atmasına Abqaryan erməni xisləti ilə əsaslandırmağa çalışmaqdan da çəkinmir. Bununla bağlı ətraflı söhbətdən uzaqlaşmaq istədiyini bildirən sabiq deputat Rusiyanın bu adımının 2 il əvvəlki aprel hadisələrinin elementlərini ehtiva etdiyini bildirir. Onun fikrincə, bu gün Ermənistanda gündəmdə qalıcı problemdən biri də, ermənilərin miqrasiyasıdır:” Məlumdur ki, ermənilərin əksəriyyəti Rusiyaya üz tuturlar. Bizim son müşahidələrimizə görə, ruslar da bu istiqamətdə çox maraqlıdırlar. Belə ki, bu gün onların əsas devizlərindən biri «Rusiyaya ermənilərsiz Ermənistan lazımdır» devizidir. Bu gün paralel olaraq artıq rusların Ermənistana miqrasiyasının şahidi olmağa başlamışıq».
Ağasəf Babayev




 
Bölməyə aid digər xəbərlər
18.01.2019
“Ermənistanda xalq əvvəlkindən də pis yaşamağa başlayıb”
18.01.2019
“Təhlükəsiz bölgə Suriyanın şimalında sabitlik üçün vacibdir”
18.01.2019
Erməni zabitlər qəzaya uğrayıb: biri ölüb, digəri isə ağır vəziyyətdədir
18.01.2019
“Rusiya Latviya ərazisindəki NATO bazasını bir neçə dəqiqəyə məhv edər”
18.01.2019
Ermənistan-İran münasibətlərində gərginlik yarana bilər

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10564

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Hüseyn Babayev AAF-ın vitse-prezidenti təyin edilib
5 Dərslər təxirə salındı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info