Ermənistanda baş nazir postu uğrunda mübarizə
Tarix: 03.04.2018 | Saat: 23:37:00 | E-mail | Çapa göndər


Ermənistanın baş naziri Karen Karapetyan ölkədəki iqtisadi göstəriciləri önə çəkməklə Serj Sərkisyana qarşı mübarizə aparır. Əslində, iqtisadi göstəricilər ermənilərin ağır həyat səviyyəsində heç bir dəyişiklik olmadığını göstərir.
Erməni cəmiyyəti bu rəqəmlərə inanmır. Erməni mediası yazır ki, “ölkədəki inkişaf”la bağlı cəmiyyətə təbliğ edilən rəqəmlərə Serj Sərkisyan ya narazılığını bildirməli, ya da Karen Karapetyanın baş nazir kimi daha yaxşı nəticə göstərdiyini etiraf etməlidir. Bu isə Sərkisyana sərf etmir. Çünki bu halda indiki baş nazirin niyə vəzifəsindən azad edilməsi kimi çox çətin bir sualla qarşılaşacaq. “Birinci informasiya” yazır ki, Serj Sərkisyan çıxış yolunu iqtisadi göstəricilərdən də üstün olan problemdə - ölkənin təhlükəsizliyində tapmağa çalışıb. Erməni saytları yazır ki, baş nazir postu uğrunda Sərkisyanla Karapetyan arasında gizli savaş gedir. Erməni saytlarının mülahizəsinə görə, Sərkisyanın “arqumentləri” baş nazir ola bilməsi üçün kifayət edə bilər. Vəziyyətin qəribə olduğunu yazan erməni saytları Sərkisyanın hazırkı vəziyyətini məşhur filmdə olduğu "bizi maneə edən, bizə kömək edəcək" kimi dəyərləndirirlər. Karen Karapetyanın rəhbərlik etdiyi hökuməti dövlət gəlirləri komitəsinə bənzədən Ermənistan Respublikaçılar Partiyasından olan sabiq deputat Akop Akopyan da Serj Sərkisyanı seçkilərdən sonra baş nazir kimi gördüyünü bildirib. Qarşıdakı illərdə Ermənistanın siyasi və iqtisadi həyatında radikal dəyişikliklərin olacağına şübhə etdiyini bildirən keçmiş deputat Vigen Xaçaturyan isə Serj Sərkisyanın baş nazir olmasını çoxlarına sərf etdiyini bildirib: “Respublika və “Daşnaksütyun” partiyalarına Sərkisyanın bu vəzifəyə gətirilməsi lazımdır. Çünki bu halda dəyişikliklərin az olması ilə bərabər, oyun qaydaları da əvvəlki kimi qalacaq. Ona görə ki, bu insanları ölkə əhalisinin vəziyyətindən daha çox, öz vəziyyətləri maraqlandırır. Bu iki partiya ilə bərabər Çarukyan bloku da ölkədəki dəyişikliklərdə maraqlı deyil”.
Ağasəf Babayev




 
Bölməyə aid digər xəbərlər
19.03.2019
Ermənistan Azərbaycanla azaraq sərhədi keçmiş vətəndaşların mübadiləsinə hazırdır
18.03.2019
Naxçıvanda Çanaqqala zəfərinin ildönümü qeyd olunub
18.03.2019
Ermənistan Rusiya ilə razılıq əldə edə bilmədi
14.03.2019
Ermənistan müdafiə nazirinin müavini və iki vitse-qubernator vəzifələrindən azad edilib
14.03.2019
Ermənistanda vergilər artırıldı

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10699

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
3 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 Yuliya Naçalova vəfat edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info