Kürdəmirdə Aprel döyüşlərinin ikinci ildönümü qeyd olunub
Tarix: 04.04.2018 | Saat: 15:57:00 | E-mail | Çapa göndər


Azərbaycan Ordusunun qəhrəmanlıq əzminin parlaq nümayişi olan 2016-cı ilin Aprel döyüşlərinin ikinci ildönümü Kürdəmirdə silsilə tədbirlərlə qeyd olunub.
AZƏRTAC-ın bölgə müxbiri xəbər verir ki, ictimaiyyətin çoxsaylı nümayəndələrinin qatıldıqları tədbir Aprel döyüşlərində qəhrəmancasına həlak olan baş leytenant Əbubəkr İsmayılovun xatirə lövhəsinin qarşısına gül dəstələrinin qoyulması ilə başlanıb. Sonra iştirakçılar şəhər 1 saylı tam orta məktəbin akt zalına gəliblər. Burada şagirdlərin ifasında ədəbi-bədii kompozisiya nümayiş olunub.
Rayon icra hakimiyyəti başçısının müavini Vəsilə Əsgərli çıxış edərək, Aprel döyüşlərində qazanılan qələbənin Azərbaycan xalqının mübarizliyinin, ordumuzun gücünün, qüdrətinin təntənəsi olduğunu söyləyib. Bildirib ki, bu qələbə igid əsgərlərimizin işğal olunan torpaqlarımızın azad edilməsinə tam hazır olduğunu bir daha sübut edir. V.Əsgərli ölkəmizdə, o cümlədən Kürdəmirdə şəhidlərin xatirəsinin əziz tutulduğunu və gənc nəslin vətənpərvərlik ruhunda tərbiyəsində hər bir şəhidin qəhrəmanlığının nümunə olduğunu diqqətə çatdırıb.
Tədbirdə çıxış edən gənclər Aprel döyüşlərində qazanılan qələbə ilə, bu döyüşlərdə şəhid olan əsgərlərimizin qəhrəmanlıqları ilə fəxr etdiklərini və Vətən torpaqlarının işğaldan azad olunması naminə vuruşmaq üçün Ali Baş Komandanın əmrinə hər an hazır olduqlarını söyləyiblər.
Sonra tədbir Sığırlı kəndində davam etdirilib. Aprel döyüşlərində həlak olan gizir Tural Qurbanovun kənddəki məzarı ziyarət olunub. İştirakçılar şəhidin böyüyüb boya-başa çatdığı evə gəliblər. Sığırlı kənd tam orta məktəbi şagirdlərinin ifasında ədəbi-bədii kompozisiya nümayiş olunub.
Rayon icra hakimiyyəti başçısının müavini Ağali Kərimli çıxış edərək, 2016-cı ilin Aprel döyüşlərinin baş verdiyi hər bir günün hamımız üçün böyük bir sınaq olduğunu vurğulayıb. Bildirib ki, həmin günlər Milli Ordumuzun əsgərləri doğma Vətən torpaqlarının hər qarışının bizlər üçün nə qədər əziz olduğunu öz canları və qanları hesabına bir daha sübut ediblər.
A.Kərimli, eləcə də digər çıxış edənlər qeyd ediblər ki, 2016-cı ilin Aprel döyüşlərində Milli Ordumuzun igid hərbçiləri şəhidlik zirvəsinə yüksələrək, öz canları və qanları hesabına hər birimizə çoxdan gözlədiyimiz qələbənin yolunu göstəriblər. Çox çəkməz ki, üçrəngli bayrağımız doğma Qarabağımızda dalğalanacaq.
Mahmud




 
Bölməyə aid digər xəbərlər
22.02.2019
Naxçıvanda ət istehsalı 3,1 faiz, süd istehsalı isə 1,6 faiz artıb
22.02.2019
Son beş ildə Tərtərdə 80 yeni subartezian quyusu qazılıb
21.02.2019
Dövlətin mühüm sosial layihəsi: hər il 5 milyondan çox insan pulsuz tibbi müayinədən keçir
21.02.2019
“Azərişıq” Xəzər rayonuna 10 komplekt transformator məntəqəsi göndərib
21.02.2019
Azərbaycan Qida Təhlükəsizliyi İnstitutu regionlarda təlimlərə başlayıb

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10611

1 Milli qəhrəmanlara və şəxsiyyətlərə hücum savaşın tərkib hissəsidir
2 “Əsas oxucu kütləsi sayılan gənclər bu gün internet mediaya daha çox üstünlük verirlər”
3 ABŞ-da atışma: xəsarət alanlar var
4 Əsərləri dünyanın bütün elektron kitabxanalarında yer alan azərbaycanlı yazar
5 Londonda Karl Marksın məzarına növbəti dəfə vandal hücumu olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info