“Özbəkistandakı soydaşlarımız 11 aprel seçkilərində aktiv iştirak edəcəklər”
Tarix: 05.04.2018 | Saat: 01:04:00 | E-mail | Çapa göndər


Mais İbadov:
“Sevindirici haldır ki, ölkədə baş verən ictimai-siyasi proseslərə idmançılar da biganə qalmırlar”

Özbəkistanda və Azərbaycanda tanınmış güləşçi, diaspor sahəsində də aktiv fəaliyyət göstərən Mais İbadov güləş üzrə yığma komandanın təlim-məşq toplantısında iştirak etmək üçün Vətənə gəlib. Mais İbadov 11 aprel prezident seçkiləri ilə bağlı fikirlərini “Palitra”ya bildirdi: “Azərbaycanın sürətli, dinamik inkişafı bütün digər sahələrdə olduğu kimi, idman sahəsində də özünü göstərib.
Dövlətin xüsusi diqqət və qayğısı sayəsində ölkəmiz beynəlxalq aləmdə həm də idman ölkəsi imicini qazanıb. Güləş idman növünə diqqət və qayğının nəticəsində Azərbaycan güləşçiləri mötəbər beynəlxalq yarışlarda Dünya və Avropa çempionatlarında, Olimpiya Oyunlarında daima ən yüksək pillələrdə qərarlaşır, bayrağımızı yüksəldir, himnimizi səsləndirirlər. Sevindirici haldır ki, ölkədə baş verən ictimai-siyasi proseslərə idmançılar da biganə qalmırlar. Bu günlərdə Azərbaycan Güləş Federasiyasında yığma komandaların məşqçi və idmançılarının iştirakı ilə seçkiöncəsi toplantı keçirilib. AGF-nin 1-ci vitse-prezidenti Firdovsi Umudovun rəhbərliyi ilə keçirilən görüş zamanı güləşçilərimiz aprelin 11-də keçiriləcək prezident seçkilərində fəal iştirak edəcəklərini bildiriblər”.

“Avropada Azərbaycan dövlət rəhbərliyinə qarşı qarayaxma aparanların bu əməllərini pisləyirik”
Mais İbadovun sözlərinə görə, bu gün ölkəmizdə xalqla iqtidar arasında sarsılmaz və əbədi birlik mövcuddur: “Məhz bu birliyin sayəsində Azərbaycana qarşı qarayaxma kampaniyası aparan bütün qüvvələr daima məğlubiyyətə düçar olublar. Bundan sonra da onlar öz çirkin niyyətlərinə çata bilməyəcəklər. Çünki onlar hər zaman yalan və iftira dolu çıxışlar edirlər. Elə son olaraq millət vəkili Adil Əliyevin Almaniyanın Köln şəhərində keçirdiyi tədbirdə də biz bunu açıq-aydın gördük. Söyüş kampaniyasının üzvləri bu tədbirlə bağlı əsassız xəbərlər yaydılar. Hansı ki, bunların heç biri doğru deyildi. Onların məqsədi təxribat yaratmaq idi, amma istəklərinə çata bilmədilər. Vətəndən uzaqda olsaq da, biz də Avropada Azərbaycan dövlət rəhbərliyinə qarşı qarayaxma aparanların bu əməllərini pisləyirik”.
Mais İbadov Azərbaycandakı seçkiöncəsi vəziyyəti yüksək qiymətləndirdi: “Azərbaycanda çox gözəl seçki ab-havası var. Seçkiqabağı vəziyyət sabitdir. Namizədlər seçki kampaniyasını sakit məcrada qanun çərçivəsində aparırlar. Seçkiləri tam işıqlandırmaq üçün xarici media nümayəndələri qeydiyyata alınır. Yerli və beynəlxalq müşahidəçilər üçün şərait yaradılır. Artıq müxtəlif beynəlxalq təşkilatların müşahidə missiyaları seçki prosesini izləyirlər. Seçkilərdə namizədlərə bərabər imkanların təmin olunması, təbliğat-təşviqat kampaniyasının həyata keçirilməsi üçün əlverişli mühitin formalaşdırılması da prosesin demokratikliyini və ədalətli olacağını göstərir”.

“11 apreldə səsvermədə iştirak edib inandığımız namizədə səs verəcəyik”
Mais İbadov Özbəkistandakı soydaşlarımızın da 11 aprel seçkilərində aktiv iştirak edəcəklərini bildirdi: “Azərbaycanda azad, demokratik və şəffaf seçkilərin keçirilməsi üçün hər cür şərait mövcuddur. Bununla yanaşı, Azərbaycanın diplomatik nümayəndəlikləri və konsulluqlarında da prezident seçkilərinin təşkili məqsədilə gücləndirilmiş rejimdə zəruri tədbirlər görülməkdədir. Bu seçkilərlə bağlı Özbəkistandakı səfirliyimizdə də hazırlıq işləri davam edir.
Azərbaycanın Özbəkistandakı fövqəladə və səlahiyyətli səfiri Hüseyn Quliyev səfirlikdə yaradılan məntəqə seçki komissiyasının sədridir. Özbəkistanda yaşayan və işləyən Azərbaycan vətəndaşlarının sərbəst şəkildə səs vermələri üçün səfirlikdə hər bir şərait yaradılıb. Biz də 11 apreldə səsvermədə iştirak edib inandığımız namizədə səs verəcəyik”.
Xatırladaq ki, Mais İbadov güləş üzrə Azərbaycan və SSRİ çempionu olub. Beynəlxalq klassifikasiyalı idman ustasıdır. 1994-cü ildən Özbəkistanda yaşayır. Professional səviyyəli yarışlarda Özbəkistan Respublikasının şərəfini qoruyub. 2001-2004-cü illərdə Özbəkistanın Polis Akademiyasında təhsil alıb. 3 qat dünya çempionudur. Hazırda veteranlardan ibarət yığma komandada iştirak edir. Həmçinin Özbəkistanda Azərbaycanla bağlı keçirilən tədbirlərə də qatılır.
Fuad Hüseynzadə




 
Bölməyə aid digər xəbərlər
18.03.2019
Əfv sərəncamlarının verilməsi humanizm, əxlaqi və cəmiyyətdaxili harmoniyanın qorunması baxımından böyük önəm daşıyır
18.03.2019
Əfv sərəncamı respublikamızın humanizm prinsipləri əsasında inkişaf yolu seçdiyini bir daha nümayiş etdirdi
18.03.2019
Millət vəkili: Əfv sərəncamı ümumi ictimai həmrəylik baxımından da əlamətdar hadisəyə çevrildi
17.03.2019
Azərbaycanın xarici işlər naziri Latın Amerikası ölkələrinə səfərə yola düşüb
16.03.2019
Prezident İlham Əliyev Səudiyyə Ərəbistanının energetika, sənaye və təbii sərvətlər nazirini qəbul edib

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info