Dövlətçilik ənənələrimizə kölgə salmaq istəyənlərin çirkin əməllərinin qarşısı alınmalıdır
Tarix: 06.04.2018 | Saat: 18:53:00 | E-mail | Çapa göndər


Xaricdə məskunlaşmış bir neçə azərbaycanlının ölkəmizin imicinə xələl gətirmək cəhdlərinin qarşısı alınmalıdır.Belə bir bəyanatla “Modern İnkişaf və Ailə” İctimai Birliyinin təşkilatçılığı ilə Bakıda keçirilən tədbirdə iştirak edən QHT üzvləri və ictimaiyyət nümayəndələri çıxış ediblər.
Azərbaycanın dövlət himninin səsləndirilməsi ilə başlayan tədbirdə Aprel döyüşlərində şəhid olanların xatirəsi bir dəqiqəlik sükutla yad olunub.
İctimai Birliyin sədri Zərifə Quliyeva ölkəmizdə gedən sürətli inkişaf proseslərindən danışıb. Bildirib ki, siyasi, sosial, iqtisadi, mədəni sahələrdə, bir sözlə, bütün sahələrdə əldə edilən nailiyyətlər ölkəmizin qüdrətini daha da artırır. Milli inkişaf modelinin uğurla tətbiqi, ardıcıl islahatların həyata keçirilməsi, qanunvericilik bazasının zənginləşdirilməsi, vətəndaş cəmiyyətinin inkişafı yolunda atılan addımlar Azərbaycanın dinamik inkişafını təmin edən amillərdir. Lakin təəssüf ki, xaricdə məskunlaşmış bir neçə azərbaycanlı son vaxtlar təxribatçı əməlləri ilə ölkəmizin beynəlxalq imicinə xələl gətirməyə cəhd edirlər. Azərbaycanın inkişaf etdiyi, gücünün artdığı, ölkəmizin dünyada etibarlı tərəfdaş kimi qəbul edildiyi bir zamanda belə üzdəniraq soydaşlarımızın səsləndirdikləri etikadan kənar, böhtan xarakterli sözlər onların əsl xislətini göstərir.
“Qarabağ Müharibəsi Veteranları, Əlilləri və Şəhid Ailələri” İctimai Birliyinin Nəsimi rayon şöbəsinin sədri Azər Quliyev, “20 Yanvar” Cəmiyyətinin Nəsimi rayon təşkilatının sədri Tofiq Allahverdiyev Avropanın bəzi ölkələrinə sığınan bir neçə azərbaycanlının son zamanlar etik prinsipləri pozaraq ölkəmiz, dövlətimizin başçısı, dövlət rəmzləri haqqında təhqiredici ifadələr səsləndirmələrinin hər bir vətənpərvər azərbaycanlının kəskin narazılığına səbəb olduğunu söyləyiblər.
Əməkdar İncəsənət Xadimi Fəxriyyə Xələfova ölkəmizdə yaradılan sabit, təhlükəsiz mühitdən söz açıb. O, Azərbaycanda hökm sürən ictimai-siyasi sabitliyin əsaslarını həyata keçirilən uğurlu islahatların və tətbiq edilən yeniliklərin təşkil etdiyini diqqətə çatdırıb. Qeyd edib ki, ölkəmizdə hökm sürən sabitlik inkişaf üçün başlıca şərtdir və bu da dövlət siyasətinin prioritetlərindən biridir.
Bakı Dövlət Universitetinin “Qafqaz xalqlarının tarixi” kafedrasının müdiri, professor İradə Hüseynova qeyd edib ki, Azərbaycan beynəlxalq münasibətlər sisteminin nüfuz və güc dairəsində sürətlə irəliləməkdədir. Lakin təəssüf ki, xarici ölkələrdə müxtəlif təsirlər altında olan bir neçə məkrli soydaşımız son zamanlar ölkəmizə qarşı çirkin kampaniya aparmağa başlayıblar. Bu da Azərbaycan xalqının ciddi narazılığına gətirib çıxarıb.
Gənc sahibkar Günel Məmmədhəsənova ölkəmizdə yaradılan azad iqtisadi mühitdən danışıb. Vurğulayıb ki, ötən illər ərzində əldə olunan makroiqtisadi göstəricilər və Azərbaycanın iqtisadi baxımdan dünya liderinə çevrilməsi düşünülmüş iqtisadi strategiyanın həyata keçirilməsinin məntiqi nəticəsidir.
YAP Yasamal rayon təşkilatı Qadınlar Şurasının sədri Tamilla Şahbazova diqqətə çatdırıb ki, ölkəmizdə aparılan müstəqil dövlət quruculuğu prosesində iqtisadi islahatların və inkişafın Azərbaycan modeli yaranıb. Bu model əsasında uğurla həyata keçirilən və yeni çalarlarla zənginləşdirilən sosial-iqtisadi siyasətin nəticələri Azərbaycanın beynəlxalq imicinin və müstəqilliyinin daha da möhkəmləndirilməsinə gətirib çıxarıb. Bütün bu uğurlara qara yaxmaq, ölkəmiz əleyhinə təxribatçı əməllərlə məşğul olmaq antimilli fəaliyyətin tərkib hissəsidir və bu fəaliyyət Azərbaycan cəmiyyəti tərəfindən kəskin şəkildə pislənilir.
Fəlsəfə elmləri doktoru Rəna Mirzəzadə qeyd edib ki, xarici havadarlarının təsiri altına düşüb dövlətçilik ənənələrimizə kölgə salmaq istəyən bəzi soydaşlarımızın çirkin əməllərinin qarşısı alınmalıdır. Onların məqsədi ölkəmizdə kütləvi narazılıq ovqatı formalaşdırmaq, mövcud sabitliyi pozmaqdır.
Azərbaycan xalqı onların bu məkrli niyyətlərinin həyata keçməsinə imkan verməyəcək. Çünki ortada Azərbaycanın milli maraqları, dövlətimizin mənafeyi, xalqımızın mənəviyyatı məsələsi dayanır. Dövlətçiliyimizin əsaslarına təhlükə yaradan hər nə varsa, ona qarşı çıxmaq Vətənini sevən bütün insanların borcudur.
Tural




 
Bölməyə aid digər xəbərlər
24.09.2018
Dövlət Sərhəd Xidməti Akademiyasında kursantların andiçmə mərasimi keçirilib
22.09.2018
Reytinq: Bakı dünyanın ən təhlükəsiz 41 şəhəri sırasında yer alıb
22.09.2018
Xüsusi Olimpiya Hərəkatı gənc liderlərin 20-ci Qolobal Forumu keçiriləcək
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10136

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info