“Azərbaycan ilə əlaqələrimizi genişləndirmək bizim üçün önəm daşıyır”
Tarix: 09.04.2018 | Saat: 15:25:00 | E-mail | Çapa göndər


Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının prezidenti Məmməd Musayev Cənubi Afrika Respublikasının (CAR) Türkiyə və Azərbaycandakı fövqəladə və səlahiyyətli səfiri Pule İsaak Malefaneni ilə görüşüb.
Azərbaycan Sahibkarlar Konfederasiyasının fəaliyyəti haqqında qonağa geniş məlumat verən Məmməd Musayev bildirib ki, rəhbərlik etdiyi təşkilat ölkədəki 800000-dən artıq sahibkarın maraqlarını müdafiə edir. Qeyd olunub ki, təşkilatın əsas məqsədi öz üzvlərinin mövcud potensialından istifadə edərək dövlət-özəl sektor əməkdaşlığı mexanizmləri vasitəsi ilə respublikamızda daha əlverişli biznes mühitin yaradılması prosesində və dayanıqlı inkişafın təmin olunmasında iştirak etməkdir. Neft və qaz istehsalının Azərbaycan iqtisadiyyatının önəmli hissəsini təşkil etdiyini deyən ASK-nın prezidenti ölkədə qeyri-neft sektorunun inkişafının sürətləndirilməsi məqsədilə dövlət başçısı İlham Əliyevin rəhbərliyi altında həyata keçirilən sistemli iqtisadi islahatlar haqqında səfirə ətraflı məlumat verib. Azərbaycanda kənd təsərrüfatının müxtəlif sahələrinə, o cümlədən, üzümçülük, pambıqçılıq, şərabçılıq, tütünçülük və digər sahələrin inkişafına verilən önəmi səfirin diqqətinə çatdırıb.
“Cənubi Afrika Respublikası Afrika qitəsində ən inkişaf etmiş ölkələrdən biridir. Ölkənizdə şərabçılıq, turizm və başqa sahələr inkişaf etdirilir. Biz CAR-da sahibkarları təmsil edən analoji təşkilatla əməkdaşlıq etməyə, birgə biznes-forumlar təşkil etməyə və ölkənizin iş adamlarını Azərbaycanda keçirilən sərgilərə, forumlara qatılmağa dəvət edə bilərik”, -dəyə Məmməd Musayev bildirib.
İqamətgahı Ankarada yerləşən CAR-ın Azərbaycandakı səfiri Pule İsaak Malefani bildirib ki, ölkəmizə səfəri çərçivəsində maraqlarından biri sahibkarları təmsil edən ASK kimi təşkilatlarla əməkdaşlıq qurmaq yollarını müzakirə etməkdir.
“Tutduğu coğrafi mövqeyinə görə Azərbaycan ilə əlaqələrimizi genişləndirmək bizim üçün önəm daşıyır. Hazırda CAR və Azərbaycan arasında olan ticarət dövriyyəsi iki ölkə arasında mövcud olan potensiala cavab vermir. Ölkələrimiz arasında diplomatik münasibətlərin mövcudluğunu nəzərə alaraq, ticarət əlaqələrimizin də inkişaf etdirilməsini məqsədəuyğun hesab edirik. Birgə layihələr, səfərlər, tədbirlər vasitəsilə iki ölkənin işgüzar dairələrini məlumatlandıra bilərik. Biz səfirlik olaraq CAR-da sahibkarları təmsil edən oxşar təşkilatla əlaqələr qurmaq üçün sizin istənilən təşəbbüsünüzü dəstəkləməyə hazırıq. Bundan başqa, bu il Nelson Mandelanın 100 illik yubileyi münasibətilə silsilə xatirə tədbirlərimiz nəzərdə tutulur. Mən artıq Bakı Dövlət Universitetində tələbər qarşısında Nelson Mandelanın həyatı ilə bağlı məruzə ilə çıxış etmişəm. Üzvlərinizi bir araya gətirmək imkanı yaranarsa biz həm Cənubi Afrikada olan biznes imkanları, həm də Nelson Mandelanın keçdiyi həyat yolu haqqında biznes icmasına böyük məmnuniyyətlə məlumat verə bilərik,”- səfir bildirib.
Cənubi Afrikada aparteid rejim əleyhinə hərəkata rəhbərlik etmiş və buna görə çox çətin sınaqlardan keçmiş Nelson Madelanın həyatı haqqında məlumatlı olduğunu deyən Məmməd Musayev onun dünya miqyasında məşhur bir insan olduğunu bildirib:
“Mən onun həyatı haqqında çox oxumuşam. O, doğrudan da insanlığa nümunə olan dahi bir şəxsiyyət olub. Onunla bağlı diqqətimi çəkən məqamlardan biri də o olmuşdur ki, Mandela prezident olduqdan sonra onu mühakimə etmiş prokuroru iqamətgahında nahara dəvət etmişdi. Mandelanın sərgilədiyi humanizm və barışıq bəşəriyyət üçün bir örnəkdir. Onun şəxsiyyətinə hörmət edən biri kimi biz böyük məmnuniyyətlə təklif etdiyiniz tədbirin keçirilməsinə dəstək göstərməyə hazırıq”, - deyə Məmməd Musayev bildirib.
Tural




 
Bölməyə aid digər xəbərlər
22.03.2019
Toxuculuq sənayesində məhsul istehsalı 50 faizə yaxın artıb
20.03.2019
Əhalinin banklardakı pulları 8 milyard manatı keçib
20.03.2019
“Dövlət büdcəsinin tərtibi və icrası Qaydaları“nda dəyişiklik edilib
19.03.2019
Azərbaycan 5 min tona yaxın şəkər ixrac edib
19.03.2019
“Kartla ödə, kartla qazan” adlı stimullaşdırıcı lotereyanın ilk tirajı oynanılıb

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Lənkəranın ucqar kənd məktəbində Novruz şənliyi keçirilib
3 Yuliya Naçalova vəfat edib
4 İraqda bərə qəzaya uğrayıb: 71 ölü
5 Məhkum edilmiş bir sıra şəxslər əfv olundu


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info