“Bankomatlara kənar müdaxilə yolverilməzdir”
Tarix: 10.04.2018 | Saat: 19:25:00 | E-mail | Çapa göndər


Hazırda banklar kimi, bankomatların da təhlükəsizliyi məsələsi vacib amildir. Təhlükəsizlik üzrə ekspert Elmar Nurəliyev bankomatlarda təhlükəsizliyin təmin edilməsi və belə hallarda mühafizəçilərin yerinə yetirməli olduğu vəzifələrlə bağlı fikirlərini bildirib. O, bankomata müvafiq bankın nümayəndəsi olmadan kənar müdaxilənin yolverilməz olduğunu bildirib. Ekspert, həmçinin bankomatı soymağa gələn oğruların hər şeyi gözə ala biləcəyini və belə hallarda təhlükələrdən qorunmaq üçün mühafizəçilərin müvafiq qaydalara riayət etməli olduqlarını diqqətə çatdırıb: "Biri var bankomata fiziki müdaxilə etmədən, müəyyən əməliyyatlar aparmaqla oradakı pulu mənimsəmək. Yəni, kibercinayətkarlıq. Belə olduğu təqdirdə, demək bankın təhlükəsizliyində müəyyən nöqsanlar var. Bir də var fiziki olaraq, yəni kəsici-deşici alətlərdən, qaynaq aparatından, laqondadan istifadə edərək bankomat aparatını kəsib, oranı soymaq”. 
Elmar Nurəliyevin sözlərinə görə, bankomatlar qoyularkən onların kənar müdaxilələrdən qorunmasını da nəzərə almaq lazımdır: “Yəni fikir vermisinizsə, bankomatlar əsasən insanların çox olduğu yerlərdə, gecə vaxtlarında da ərazinin işıqlı yerlərində, otellər, ticarət mərkəzləri, mehmanxanalar və s. yerlərdə qoyulur. Bankomatların ərazi ürzə polis bölmələrinə yaxın yerlərdə qoyulması da məqsədəuyğun olardı. Çünki bankomatlarda siqnalizasiya sistemi var ki, hər hansı kənar müdaxilə olarsa, avtomatik olaraq həyacan siqnalı işə düşür və məlumat birbaşa mərkəzə ötürülür. Ona görə də bankomatları soymaq istəyənlərin əsas məqsədi işini görüb, tez ərazidən uzaqlaşmaq olur.
Ticarət mərkəzləri və digər iaşə obyeklərində də bankamatlar var. Oranın mühafizəçisi, yaxud inzibati işçiləri bilməlidirlər ki, bankomatlara kənar müdaxilə yolverilməzdir. Əgər hər hansı dövlət idarəsindən və ya özəl şirkətdən gəlib bankamata baxış keçirmək istəyirlərsə, yaxud texniki xidmət, servis işləri görüləcəksə, mütləq onların yanında bankomatın məxsus olduğu bankın nümayəndəsi də olmalıdır. Əgər kənar müdaxiləni görürsə və orada bankın nümayəndəsi yoxdursa, aidiyyəti üzrə məlumat verməlidir.

Nəzarətçi, yaxud digər işçilər bankomata kənar müdaxilə edəni görərlərsə, bir az həssas yanaşmalıdırlar. Çünki hadisəni törətmək istəyən şəxs hər şeyi gözə alıb. Üzərində göz yaşardıcı qaz balonu, eketroşok aparatı və s. ola bilər və sizə xəsarət yetirər. Dərhal ərazi üzrə hüquq-mühafizə orqanına məlumat vermək və rahat qaçması üçün şəraiti əngəlləmək lazımdır".

Fuad Hüseynzadə




 
Bölməyə aid digər xəbərlər
16.11.2018
Sanqaçal qəsəbə sakinləri ilə növbəti səyyar görüş keçirilib
16.11.2018
Sahil Babayev Şəmkirdə 5 rayonun sakinləri ilə görüşüb
16.11.2018
Birinci qrup ilkin əlillik təyin olunanların sayında azalma 75,8 faizə çatıb
16.11.2018
“Bakı Metropoliteni” işçi axtarır
15.11.2018
110 şəhid hərbi qulluqçu üzrə 135 vərəsəyə birdəfəlik ödəmənin verilməsinə dair qərar qəbul olundu

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10488

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info