Son beş ilin ən yüksək göstəricisi-315 Qarabağ əlili və şəhid ailəsi mənzillə təmin olunub
Tarix: 13.04.2018 | Saat: 16:01:00 | E-mail | Çapa göndər


Qarabağ müharibəsi əlilləri və şəhid ailələri üçün inşa etdirilən 96 mənzili yaşayış binası

Əmək və əhalinin sosial müdafiəsi naziri Səlim Müslümovun və əlil ictimai birliklərinin rəhbərlərinin iştirakı ilə nazirliyin sifarişi əsasında Qarabağ müharibəsi əlilləri və şəhid ailələri üçün Bakının Nizami rayonunda, B.Çobanzadə küçəsində inşa olunan 96 mənzilli yaşayış binasında aparılan tikinti işlərinə baxış olub.
Prezidentin tapşırıqlarına uyğun olaraq Əmək və Əhalinin Sosial Müdafiəsi Nazirliyi tərəfindən ölkəmizin ərazi bütövlüyü, müstəqilliyi və konstitusiya quruluşunun müdafiəsi zamanı əlil olmuş vətəndaşlar və şəhid ailələri üçün yeni mənzillərin inşa etdirilməsi istiqamətində işlər ildən-ilə gücləndirilir. Ötən il bu təbəqələrə aid vətəndaşlardan ibarət 315 nəfər mənzil və ya fərdi yaşayış evi ilə təmin olunub ki, bu da son beş ilin ən yüksək göstəricisidir. Ümumilikdə bu vaxta qədər Nazirliyin sifarişi əsasında 6,1 mindən çox müasir tələblərə uyğun yeni mənzil inşa etdirilərək əlil və şəhid ailələrinin istifadəsinə verilib.
Hazırda respublikamızın bölgələrində fərdi yaşayış evlərinin tikintisi işləri davam etdirilməklə yanaşı, İmişli və Şamaxı rayonlarında çoxmənzilli yaşayış binalarının, habelə Bakının Nizami rayonunda da Qarabağ müharibəsi əlilləri və şəhid ailələri üçün 96 mənzilli yaşayış binasının tikintisinin yekunlaşdırılması işləri də sürətləndirilib.
Eyni zamanda Azərbaycan Respublikası Prezidentinin 13 mart 2018-ci il tarixli Sərəncamına əsasən, Qarabağ müharibəsi əlilləri və şəhid ailələri üçün mənzillərin alınması məqsədi ilə “Azərbaycan Respublikasının 2018-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün müvafiq yarımbəndində göstərilmiş məbləğin 10 milyon manatı Əmək və Əhalinin Sosial Müdafiəsi Nazirliyinə ayrılıb. Bu isə qeyd edilən istiqamətdə də tədbirləri davam etdirməyə imkan verib.
S.Müslümov və əlil ictimai birliklərinin rəhbərləri binada görülən işlərlə yerindəcə tanış olublar. Yaşayış binasında əlilliyi olan şəxslərin rahat yaşayışı, onların maneəsiz hərəkət imkanlarına malik olmaları, asudə vaxtlarının təşkili üçün uyğun şərait yaradılır.
“Qarabağ Müharibəsi Əlilləri, Veteranları və Şəhid Ailələri” İctimai Birliyinin sədri Mehdi Mehdiyev Qarabağ müharibəsi əlilləri və şəhid ailələri üçün tikilən bu binanın tikintisinin yekunlaşdılması üçün aparılan işlərin sürətləndirlməsindən, burada əlilliyi olan şəxslər üçün müasir tələblərə uyğun yaşayış şəraitinin yaradılması üçün aparılan işlərdən məmnunluğunu bildirib.
“Qarabağ Qaziləri” İctimai Birliyinin sədri Etimad Əsədov binada tikinti işlərinin gedişindən və keyfiyyətlə aparılmasından, ümumən əlil və şəhid ailələrinin mənzillə təminatı tədbirlərinin gücləndirilməsindən razılığını ifadə edib.
Yaşayış binasının tikintisinin yekunlaşdılmaası işlərinin sürətləndirilməsi, eləcə də binadakı dəhliz və mənzillərdə sakinlərin rahatlığı üçün hər cür şərait yaradılması barədə müvafiq tapşırıqlar verilib. Binanın yaxın vaxtlarda Qarabağ müharibəsi əlilləri və şəhid ailələrinin istifadəsinə verilməsi planlaşdırılır.
Tural Tağıyev




 
Bölməyə aid digər xəbərlər
20.09.2018
Qafqaz Müsəlmanları İdarəsində qanvermə aksiyası keçirilib
20.09.2018
İqtisadiyyat naziri Gəncədə vətəndaşları qəbul edəcək
20.09.2018
Arıçılıqla məşğul olan şəxslərə subsidiya veriləcək
19.09.2018
Lənkəranda keçirilən humanitar aksiyada 130 nəfər könüllü qan verib
19.09.2018
Uşaqlar üçün yardım Mərkəzi tərəfindən 113 nəfərə müxtəlif növ yardım göstərilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info