Ermənistanı yenidən etiraz dalğası bürüyüb
Tarix: 13.04.2018 | Saat: 18:26:00 | E-mail | Çapa göndər


Bütün sahələrdə dərin böhranın hökm sürdüyü Ermənistanda ictimai-siyasi vəziyyət gərgin olaraq qalır. “Sarkisyanı rədd edək” cəbhəsi Yerevanda müddətsiz etiraz aksiyası keçirib. Əsas prospektləri bağlayan vətəndaş fəalları Serj Sarkisyanın baş nazir olmasına qarşı çıxıblar.
AZƏRTAC xəbər verir ki, aksiya iştirakçıları Respublika Partiyasının yerləşdiyi ərazidə Tiqran Mets küçəsini bağlayaraq hökumət əleyhinə kəskin şüarlar səsləndiriblər. Etirazçıları ərazidən uzaqlaşdırmağa çalışan polisin cəhdlərinə baxmayaraq, vətəndaş fəalları aksiyanı davam etdiriblər. Etirazçılar bildiriblər ki, 11 gün əvvəl “Çıxış” fraksiyası hökumət əleyhinə “Mənim addımım” yürüşünə başlayıb. Aksiyaya yüzlərlə tərəfdar və vətəndaş təşəbbüsünün iştirakçıları qoşulublar. Onlar 195 kilometr uzunluğunda, 300 min addımlıq yolu qət edərək respublika meydanınadək gedəcəklər. Bu gün saat 18:30-da gecə-gündüz mitinqi başlayacaq. Mitinqin hədəfi parlamentin bütün çıxışlarını bağlamaq üçün yetərincə adam toplamaq və deputatların Serj Sarkisyanın baş nazir olması üçün səs verməsinin qarşısını almaqdır. Əgər Serj Sarkisyanın seçilməsi üçün parlamentin iclası iki dəfə pozularsa, o zaman parlament buraxılacaq və məclisə yeni seçkilər təyin olunacaq. Aksiya iştirakçıları ölkə vətəndaşlarını mühacirətə, durğunluğa qarşı addım atmaq üçün mərkəzi meydanda keçiriləcək mitinqə qoşulmağa çağırıblar. Artıq Yerevan Dövlət Universitetinin tələbələri bu gün keçiriləcək mitinqdə fəal olacaqlarını bəyan ediblər. Bununla bağlı çağırış vərəqələri yayan gənclər polisin təzyiqi ilə üzləşiblər.
“Yelk” partiyasından olan deputatlar isə özünəməxsus etiraz aksiyası keçiriblər. Çıxış üçün parlamentin tribunasına qalxan Ararat Mirzoyan ölkə əhalisini Serj Sarkisyanın baş nazir postuna irəli sürülməsi ilə əlaqədar partiyaları tərəfindən keçiriləcək etiraz aksiyasında iştiraka çağırıb. Sonra o, cibindən tüstü şaşkasını çıxaraq yandırıb. “Yelk” partiyasının digər deputatı Lena Nazaryan da ona qoşulub. Parlamentin binasını tüstü bürüyüb. Deputatlar etirazlarını “bizə Ermənistanı təcrid və məhv edən hökumət lazım deyil” şüari ilə bildiriblər.

Mahmud




 
Bölməyə aid digər xəbərlər
22.11.2018
Rusiya hərbi kəşfiyyatının rəhbəri vəfat edib
21.11.2018
“Ermənistan nümayəndəsinin KTMT-nin baş katibi seçilməməsi Paşinyana ciddi zərbə olacaq”
21.11.2018
Çavuşoğlu S-400-lə bağlı məsələyə son qoydu: “Anlaşmanın ləğv edilməsi mümkün deyil”
21.11.2018
RecExpo 2018-də Monteneqronu kəşf et: 2019-da açılacaq ruhlandırıcı dənizkənarı kurort Portonovi
20.11.2018
Belarus səfəri Ermənistanda böyük rezonans doğurub

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 Şair Sərraf Şiruyənin yaradıcılığı haqqında...
5 Abel Məhərrəmov BDU-nun rektoru vəzifəsindən azad edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info