“Ermənistandakı əlillərin 15 min nəfəri aldıqları müavinətdən məhrum olacaqlar”
Tarix: 13.04.2018 | Saat: 20:42:00 | E-mail | Çapa göndər


Ermənistan hakimiyyəti əlillərin pulunu kəsməyə məcbur olub


Xatırlayırsınızsa, bir müddət bundan əvvəl prezidentlik müddətini başa vurmaqda olan Serj Sərkisyan Ermənistanın uzunmüddətli strateji məqsədləri və onlara nail olmağın yolları barədə danışmışdı. Sərkisyan, bu istiqamətdə əldə olunacaq «uğurlar» barədə danışarkən, ölkədə hər bir vətəndaş üçün maddi artımın böyük əhəmiyyət kəsb edəcəyini də önə çəkmişdi. Lakin bu gün Ermənistanda yaşananları Sərkisyanın xalqa necə yalan satdığının bariz nümunəsi kimi dəyərləndirmək də olar.
Beləliklə, düşmən ölkədən verilən son məlumatlara görə, Ermənistanda əlillik meyarlarının sərtləşdirilməsi planlaşdırılır. Bu barədə ermənilərin «Past» nəşri məlumat yayıb. Nəşrin yazdığına görə, bu gün Ermənistanda 100 mindən çox insan sosial sığortaya görə pensiya alır ki, bunların da 70 min nəfəri ömürlükdür, qalanları isə illik tibbi müayinələr əsasında həyata keçirilir. Ermənistanın Əmək və Sosial İşlər Nazirliyindəki mənbələrdən sızan məlkmatlara görə, qurum hökumətə əlilliyə görə pensiyaların verildiyi meyarların dəyişdirilməsini nəzərdə tutan sənəd təqdim etməyi planlaşdırır. Nəşrin iddiasına görə, ölkədəki əlillərə şamil ediləcək bu sənəd «müqayisə olunmayacaq dərəcədə sərt» bir sənəd olacaq.
Qəzet nazirlikdəki mənbələrinə istinadən yazır ki, bu layihə qəbul ediləcəyi təqdirdə, ölkədəki əlillərin təxminən 15 min nəfəri əlilliyə görə aldıqları müavinətdən məhrum olacaqlar: «Belə görünür ki, bu sənədin qəbulundan sonra ölkədəki minlərlə xəstə əlillik dərəcəsinə görə, müavinət ala bilməyəcək. Təbii ki, bunun ölkədə ciddi narazılıqlara səbəb olacağı da istisnasız deyil. Bunun Ermənistanda sosial iğtişaşların başlanğıcı ola biləcəyi də ehtimal oluna bilər»-deyə yzan nəşr, bütün bunların ölkənin büdcə vəsaitlərinin qənaətlə istifadə olunmasına hesablandığını bildirir.
Maraqlıdır, Ermənistan rəhbərliy ölkədə cüzi müavinətə qane olaraq ağır şəraitdə yaşamağa məhkum olunanların haqqını əlindən almaqla ölkə büdcəsində hansı tərəqqiyə nail olmaq istəyir? Axı, ölkə büdcəsi xalqın halal haqqını əlindən almaqla formalaşmır. Xatırlayıram ki, bir müddət bundan əvvəl, elə hakimiyyəti təmsil edən erməni iqtisadçılarından biri son illərdə Ermənistanda fəaliyyət göstərən inkişaf modelinin tamamilə tükəndiyini və artıq ölkəni izləyə bilməyəcəyini etiraf etmişdi. Bu gün Ermənistanın Sovetlər Birliyinin tərkibində olduğu zaman öyündüyü dağ-mədən sənayesi sahəsi də bərbad gündədir. Bunu Ermənistandakı İnsan İnkişafı üzrə Beynəlxalq Mərkəzin eksperti, iqtisadçı Aşot Xurşudyan da etiraf etmək məcburiyyətində qalıb: «İşə yaramayan iqtisadiyyat sektoru mədən sənayesi hesabına mövcud olsa belə, fəaliyyətini davam etdirə bilər . Lakin unutmaq lazım deyil ki, işsizlik nisbəti 17 faiz iddia edilən iqtisadiyyat, artıq qeyri-sağlam iqtisadiyyatdır. Bu gün Ermənistanda nazirliklər var ki, götürdüyü 2 milyarddan artıq dolları məmnuniyyətlə xərcləyiblər. Lakin görünən budur ki, bunun heç bir nəticəsi görünmür. Bu gün iqtisadiyyatı gözə görünməyən Ermənistan pomidor istehsalındakı “uğuruna” görə qürur duyur. Belə görünür ki, əvvəllər bizi banan ölkəsi kimi tanıyanlar, bundan sonra tomat ölkəsi kimi tanıyacaqlar».
Ağasəf Babayev




 
Bölməyə aid digər xəbərlər
14.11.2018
Ermənistandakı bəzi siyasi qüvvələr parlament seçkilərində iştirakdan imtina edirlər
14.11.2018
Putin: “Rusiya müsəlman ölkələri ilə dostluq əlaqələrinin inkişafına böyük əhəmiyyət verir”
13.11.2018
Nazarbayev Asiyada Təhlükəsizlik və Əməkdaşlıq Təşkilatının yaradılmasını təklif edib
13.11.2018
NATO Avropa ordusuna qarşı çıxdı
13.11.2018
Ermənistanın dövlət strukturlarında çalışanlar ixtisar ediləcək

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10471

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info