Gələn ilin sonunadək bütün məktəblər genişzolaqlı internetə qoşulacaq
Tarix: 04.06.2013 | Saat: 00:35:00 | E-mail | Çapa göndər


Dünya İqtisadi Forumunun beynəlxalq İT hesabatına əsasən, Azərbaycan internet istifadəçilərinin sıxlığına görə MDB-də və regionda liderliyini qoruyub saxlayıb. İnternetin əlçatanlığına, istifadə mümkünlüyünə görə isə Azərbaycan dünya ölkələri arasında 20-ci yerdə qərarlaşıb. Bunu rabitə və informasiya texnologiyaları naziri Əli Abbasov bildirib.
Onun sözlərinə görə, hazırda Azərbaycanda yüksək sürətli - 1 Mbit/saniyə internetin qiyməti orta əməkhaqqının təxminən 2-3%-ni təşkil edir: “Bu da inkişaf etmiş və inkişaf etməkdə olan ölkələr arasındakı mövqedir”. Nazir bildirib ki, qarşıdakı 8-10 ildə ölkədə İKT sektorunun inkişafı əsasən üç istiqamətdə - infrastrukturun genişlənməsi, real İKT sektorunun inkişafı və İKT-nin digər sahələrə təsiri yönündə davam edəcək. İnfrastruktur sahəsində gələcək 10 ildə genişzolaqlı internetin daha da yayılması planlaşdırılır. Azərbaycan Genişzolaqlı İnternetin İnkişaf Strategiyasına görə qarşıdakı üç ildə «evlərə optika» modeli üzrə ölkənin bütün yaşayış məntəqələrinə yüksəksürətli genişzolaqlı internet xidmətlərini verən optik şəbəkənin qurulmasına Dövlət Neft Fondundan təxminən 500 mln. ABŞ dollarına yaxın vəsait ayrılacaq. Bu layihə nəticəsində 3 ildən sonra Azərbaycan kəndlərində internetin sürəti təxminən 30 Mbit/saniyəyə, şəhər yerlərində isə 100 Mbit/saniyəyə çatacaq: «Ümumiyyətlə, 2017-ci ilin sonuna əhalinin 85%-nin sürətli internetə çıxış imkanı olacaq. Bu isə inkişaf etmiş ölkələrin hədəfləri ilə uyğundur». Ə.Abbasov orta məktəblərin internetə qoşulma qrafikini də açıqlayıb. Onun sözlərinə görə, Azərbaycanın bütün məktəblərinin genişzolaqlı internetə birləşdirilməsi prosesi başlayıb: «İndiyədək məktəblərin 40%-i internetə qoşulub. Gələn ilin sonunadək isə bütün məktəblərin genişzolaqlı internetə 100% qoşulması planımızdadır».
Cavidan




 
Bölməyə aid digər xəbərlər
21.09.2019
Güclü küləklə əlaqədar hər kəsi ehtiyatlı olmağa çağırırıq
20.09.2019
“Məntiq-2019” intellektual bilik yarışı üzrə Masallı birinciliyi keçirilib
20.09.2019
Masallıda tədbir: “Heydər Əliyev və neft strategiyası“
19.09.2019
İqtisadiyyat nazirinin müavinləri vətəndaşları qəbul edib
19.09.2019
Sədərək rayonunda payız-qış mövsümünə hazırlıq işləri mütəşəkkil aparılır

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10889

1 Müəllimlərin təkmilləşdirilməsi üçün təlimlər keçiriləcək
2 В Великобритании перешли на систему образования СССР
3 Vilayət Eyvazov sərəncamda olan rəisə vəzifə verdi
4 “Bəzi belarus tələbə qızlar artıq Azərbaycana gəlin köçməyə hazırlaşırlar”
5 “Siyasi partiyaların bir araya gəlməsi müsbət qiymətləndiriləsi hadisədir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info