Rusiya İran ərazisinə raketdaşıyıcı-bombardmançı təyyarələr yerləşdirdi
Tarix: 14.04.2018 | Saat: 00:23:00 | E-mail | Çapa göndər


Suriyanın bəzi hərbi təyyarələri isə mümkün bombardmandan qorunmaq üçün Rusiyanın Tartusdakı bazasına gətirilib

Kreml Əsədi qorumaq üçün “canlı qalxan” yaradıb

"Moskvanın əlində Suriyanın Duma şəhərindəki kimyəvi hücumun "tamaşa" olduğunu təsdiqləyən təkzibedilməz sübutlar var." "RİA Novosti"nin verdiyi xəbərə görə, bunu Rusiyanın xarici işlər naziri Sergey Lavrov deyib. Nazir Kimyəvi Silahların Qadağan Olunması Təşkilatının ekspertlər missiyasının Suriyaya yollandığını xatırladaraq bildirib ki, missiya Dumaya gedəcək:
"Bizim ekspertlər orada yoxlama aparıb və kimyəvi silahın hər hansı bir növünün istifadəsi ilə bağlı bir sübut aşkar etməyiblər". Rusiyanın xarici işlər naziri deyib ki, ultimatum və təhdidlər Suriyada dialoqa kömək etmir: "Rusiya ümid edir ki, heç kim Suriyada Liviya ya İraqdakı ssenarinin təkrarlanmasına cəsarət etməz. Bu macəradan qaçmaq vacibdir. Ən kiçik bir yanlış Avropaya və bir çox ölkələrə yeni miqrant axınına səbəb olacaq ki, bu, nə bizə, nə də bizim Avropadakı qonşularımıza lazımdır". S. Lavrov qeyd edib ki, ABŞ-la əməkdaşlıq üçün bütün kanallar açıqdır. Suriyada ABŞ-a qarşı ciddi hazırlıq içində olan Rusiyanın hər ehtimala qarşı İran ərazisində də strateji silahlar yerləşdirməsi ilə bağlı məlumatlar var. Qeyd edilir ki, Moskva Suriya ərazisində olan bütün müasir silahlarının hazır vəziyyətə gətirib. “Nezavisimaya qazeta” yazır ki, Rusiya İrana müraciət edərək bu ölkə ərazisində raketdaşıyıcı-bombardmançı Tu-22M3 və Tu-95 supersəsli təyyarələr yerləşdirmək istədiyini bildirib. Həmin təyyarələrdə müxtəlif modifikasiyalı raketlər yerləşdirilib və onların vasitəsilə quruda və suda olan hədəfləri məhv etmək mümkündür. Suriyanın bəzi hərbi təyyarələri isə mümkün bombardmandan qorunmaq üçün Rusiyanın Tartusdakı bazasına gətirilib. Artıq bununla bağlı fotolar yayılıb. Bəzi məlumatlara görə, bu dəfə ABŞ-ın əsas məqsədlərindən biri Suriya prezidenti Əsədin fiziki məhvidir. Ona görə də Tehran və Moskva tərəfindən raket zərbələri ilə yanaşı, Əsədi də qorumaq üçün də tədbirlər görülür. Əsədin İrana aparılması ilə bağlı məlumatlar dolaşırdı. Amma sonradan bu xəbər təkzib olundu və Əsəd Dəməşqdə İran dini liderinin nümayəndəsi Vilayəti ilə birlikdə media qarşısına çıxdı. Moskvanın taktiki gedişindən biri də Dumanın deputatı Dmitri Sablinin başçılıq etdiyi böyük nümayəndə heyətini Suriyaya göndərməkdir. Nümayəndə heyətinə hərbi müşavirlərlə yanaşı, həkimlər də daxildir. Mümkün bombalanma zamanı rəsmi Rusiya nümayəndə heyətinin öldürülməsi riski böyük olduğu üçün Ağ Evin buna gedəcəyi inandırıcı deyil. Rusiya bununla Əsədi qorumaq üçün “canlı qalxan” yaradır.
Rusiyanın ABŞ-a cavab tədbirləri bununla kifayətlənmir. Belə ki, Rusiya Dövlət Dumasında ABŞ sanksiyalarına cavab olaraq qanun layihəsi təqdim olunub. Sənədi spiker Vyaçeslav Volodin və 4 parlament fraksiyasının liderləri hazırlayıb. Volodin açıqlamasında bildirib ki, qanun layihəsi ABŞ və onun vəzifəli şəxsləri tərəfindən Rusiya Federasiyası, onun vətəndaşları, hüquqi şəxslərinə qarşı sanksiya, qeyri-konstruktiv fəaliyyətlər, düşməncəsinə ifadələrə cavab olaraq işlənib hazırlanıb. Qanun layihəsi hələlik qanunverici orqanın elektron bazasında qeydiyyatdan keçməyib. İlkin müzakirələrin aprelin 16-da keçiriləcəyi gözlənilir. Qeyd edək ki, aprelin 6-da ABŞ Maliyyə Nazirliyi rusiyalı top-menecerlərin, biznesmenlərin və məmurların olduğu yeni sanksiya siyahısını açıqlayıb.
Anar




 
Bölməyə aid digər xəbərlər
19.03.2019
Birləşmiş Ərəb Əmirlikləri dünyada ən təhlükəsiz ölkədir
18.03.2019
Senator Kirsten Cillibrand 2020-ci ildə ABŞ prezidenti vəzifəsinə namizədliyini irəli sürəcək
18.03.2019
Malidә hәrbi bazaya hücum edilib
18.03.2019
ABŞ-a mәxsus PUA yerә çırpılıb
18.03.2019
Çində İkinci Dünya müharibəsindən qalan artilleriya mərmisi tapılıb

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info