“The Washington Times”: Azərbaycandakı seçkilər sabitliyin təsdiqidir
Tarix: 17.04.2018 | Saat: 04:51:00 | E-mail | Çapa göndər


“The Washington Times” qəzeti “Caspian Group Holdings”in direktoru Rob Sobhaninin “Azərbaycandakı seçkilər sabitliyin təsdiqidir” sərlövhəli məqaləsini dərc edib. Məqalədə Azərbaycandakı iqtisadi və siyasi sabitlik, təhlükəsizlik və energetika sahələrində ölkəmizin ABŞ-la tərəfdaşlığı və Azərbaycanda keçirilmiş prezident seçkiləri haqqında söz açılır.
Sobhani qeyd edir ki, ilk dəfə 1990-cı ilin noyabrında Corctaun Universitetinin professoru kimi Azərbaycana səfər edib və son 27 ildə ölkədə çoxlu dəyişikliklər baş verib. Müəllif yazır ki, rəqəmlər ölkədəki tərəqqidən xəbər verir. Məsələn, Azərbaycanın müstəqillik əldə etdiyi vaxtdan ölkədə uzunömürlülük həddi 64-dən 71 yaşa yüksəlib. Ekspert qeyd edir ki, ilk dəfə Azərbaycanda olduğu vaxt ölkədə ÜDM cəmi 8,7 milyard dollar idi. 2014-cü ildə bu göstərici maksimal səviyyəyə - 75,2 milyard dollara çatıb.
Son iyirmi beş il ərzində Azərbaycanda tərəqqini şərh edən Sobhani yazır ki, Dünya Bankının hesabatına görə, ölkədə yoxsulluğun səviyyəsi 49,6 faizdən 6 faizə düşüb. Müəllif vurğulayır ki, yoxsulluğun azalması fonunda daha çox azərbaycanlı öz alıcılıq qabiliyyətini artırır və bu, onlara cəmiyyətin orta təbəqəsinə keçməyə imkan verir. Prezident İlham Əliyev öz siyasəti ilə göstərdi ki, onun məqsədi ölkəsində orta təbəqəni genişləndirməkdir.
Azərbaycanda siyasi və iqtisadi sabitlik olmadan vətəndaşların həyat şəraitinin yaxşılaşdırılmasının mümkün olmadığını diqqətə çatdıran müəllif yazır: “Həqiqətən, ünsiyyətdə olduğum hər bir azərbaycanlı sabitliyə üstünlük verir. Bu, Prezident İlham Əliyevin aprelin 11-də keçirilmiş şəffaf seçkilərdə 80 faizdən çox səslə qalib gəlməsini şərtləndirən amillərdən biridir”.
Sobhani təəssüflə qeyd edir ki, bir sıra KİV-lər ABŞ-Azərbaycan münasibətlərinin qlobal təhlükəsizliyin təmin edilməsində həlledici əhəmiyyəti olan iki aspektinə - terrorizmlə qlobal mübarizə və enerji təhlükəsizliyinə toxunmurlar. ABŞ hökumətinə görə, 2016-cı ildə Azərbaycan Birləşmiş Ştatlarla antiterror əməliyyatları üzrə güclü əməkdaşlığını davam etdirib və Qafqaz regionundan insanların, maliyyə vəsaitlərinin və materialların keçirilməsinə can atan terror təşkilatlarına qarşı fəal mübarizə aparıb. Enerji təhlükəsizliyi sahəsində Azərbaycan Qərbin etibarlı tərəfdaşıdır. Faktiki olaraq, Vaşinqton və Bakının tək bir məqsədi Xəzər regionundan Qərb istehlakçılarına tədarük etmək üçün neft və qazın ardıcıl kəşfiyyatı, emalı və nəqlidir. Müəllif Azərbaycandakı iqtisadi inkişafın, siyasi sabitliyin və dini tolerantlığın təminində ölkə Prezidentinin xidmətlərini xüsusi vurğulayır.




 
Bölməyə aid digər xəbərlər
17.11.2018
KTMT-nin Ermənistan problemi: Azərbaycan-Belarus əməkdaşlığına rəsmi İrəvanın qısqanclığı
17.11.2018
Parisin qeyri-adekvat siyasəti Fransanın ATƏT Minsk qrupunda iştirakını şübhə altına alır
16.11.2018
Humanist addıma kölgə salmaq istəyənlər uğursuzluğa məhkumdur
16.11.2018
İlqar Orucov: Bu gün Azərbaycanı dünyada uğurla təbliğ edən yüksək hazırlıqlı gənclər ordusu formalaşıb
16.11.2018
Koordinasiya Şurası Türkiyə Səfirliyi ilə əməkdaşlığı genişləndirir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10488

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info