Yaponiya saytları: “Azərbaycan son illər sürətli inkişafı ilə diqqəti cəlb edir”
Tarix: 18.04.2018 | Saat: 00:13:00 | E-mail | Çapa göndər


“Azərbaycan, qazandığı iqtisadi uğurlarla yapon iş adamlarının da böyük diqqət yetirdiyi ölkələrdən birinə çevrilir”

Yaponiyanın “news.biglobe.no.jp” və “Prtimes.jp” saytlarında cari ilin oktyabrında Bakıda keçiriləcək “Japan Expo-2018” sərgisi barədə məqalələr yayılıb. “Şərqi Avropa, Yaxın Şərq və Şərqi Asiya üçün logistik baza. Ən böyük “Japan Expo” sərgisi Azərbaycanda!” adlı məqalələrdə oktyabrın 25-dən 28-dək Bakıda təşkil ediləcək sərgi barədə ətraflı məlumat verilir. Qeyd edilir ki, son illər sürətli inkişafı ilə diqqəti cəlb edən Azərbaycan istiqaməti hazırda dünyanın bir çox ölkələrinin iş adamlarını ölkəmizə cəlb edir. Bildirilir ki, Xəzərin Azərbaycan sektorundakı neft və qaz yataqlarının mənimsənilməsi nəticəsində ölkəmiz qazandığı iqtisadi uğurlarla yapon iş adamlarının da böyük diqqət yetirdiyi ölkələrdən birinə çevrilir. Yaponiya ilə Azərbaycan arasında iqtisadi əlaqələrin inkişafı istiqamətində mühüm addımlar atılır. Son illər Komatsu və Osaka şəhərlərindən Bakıya birbaşa karqo uçuşlarının açılması uğurlu addımlardan biri kimi qeyd edilir. Bildirilir ki, ötən il Bakıda təşkil edilən “Japan Expo-2017” yapon məhsulları sərgisi şəhər sakinləri, iş adamları və dövlət qurumları tərəfindən böyük maraqla qarşılanıb. Məqalələrdə “Japan Expo-2018” yapon məhsulları sərgisinin yapon iş adamları tərəfindən böyük həvəslə qarşılandığı da qeyd edilir. Təşkilatçıların verdiyi məlumata görə 300-ə yaxın şirkətin nümayəndələrinin iştirak edəcəyi sərgidə yapon iş adamları Azərbaycanın dövlət qurumları, yerli şirkətləri və iş adamları ilə birbaşa ünsiyyətdə ola biləcəklər. Buna görə də Azərbaycana səfərin, Bakıda baş tutacaq növbəti sərginin yapon iş adamları üçün əlverişli addım olacağı xüsusi vurğulanır. Azərbaycan tərəfinin sərgiyə böyük maraqla yanaşdığı, ölkə mətbuatının bu sərgiyə mühüm informasiya dəstəyi verdiyi xüsusi qeyd edilir. Bildirilir ki, Azərbaycanın ən böyük dövlət informasiya agentliyi olan AZƏRTAC, eyni zamanda televiziya kanalları sərginin populyarlaşmasına hərtərəfli dəstək verirlər. Sərginin Yaponiya tərəfdən builki təşkilatçısı “Connect Corporation” şirkətinin Azərbaycanın “Silkway Group” ilə yaratdığı birgə müəssisə tərəfindən yapon məhsullarının Bakıya təhlükəsiz çatdırılacağı da vurğulanır. Azərbaycanda biznesin inkişafı, xüsusən də əcnəbi iş adamlarının fəaliyyəti üçün çox əlverişli şəraitin yaradıldığı, ölkə qanunvericiliyinin bu istiqamətdə təkmilləşdirildiyi qeyd edilir.




 
Bölməyə aid digər xəbərlər
22.04.2019
Londonda həbs edilən etirazçıların sayı 963-ə çatıb
22.04.2019
Şri-Lankada silsilə partlayışlarda ölənlərin sayı 290-a çatıb
22.04.2019
İranın ali lideri İİKK-ya yeni komandan təyin edib
22.04.2019
Vladimir Zelenski kadr islahatlarını anons edib
22.04.2019
Türkiyə prezidenti Şri-Lanka hücumunu qınadı

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10755

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Ramiz Mehdiyevin sərəncamı ilə tədbirlər planı təsdiqləndi
4 Azərbaycanlı həkim-yazıçı Rusiya Yazıçılar İttifaqına üzv olub
5 “Azərbaycan dilinin Orfoqrafiya Normaları” təsdiq edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info