Lənkəranda barama istehsal ediləcək
Tarix: 18.04.2018 | Saat: 00:44:00 | E-mail | Çapa göndər


Lənkəran şəhərindəki Heydər Əliyev Mərkəzində keçirilən şəhər icra hakimiyyətinin geniş şura iclasında ilin birinci rübündə rayonun sosial-iqtisadi inkişafı sahəsində görülmüş işlər və qarşıda duran vəzifələr müzakirə edilib. Hesabat yığıncağında çıxış edən Lənkəran Şəhər İcra Hakimiyyətinin başçısı Taleh Qaraşov cari ilin birinci rübündə rayonun sosial-iqtisadi inkişafının sürətlə davam etdiyini vurğulayıb. Bildirib ki, birinci rübdə rayonda ümumi məhsul buraxılışı 67,7 milyon manat, o cümlədən sənayedə 8,7 milyon, kənd təsərrüfatında 12,4 milyon manat təşkil edib. Bu, ötən ilin müvafiq dövrünə nisbətən sənayedə 3,2 faiz, kənd təsərrüfatında 1,7 faiz çoxdur. Qeyd olunub ki, bu müddətdə rayonda tikinti, abadlıq və quruculuq işləri daha da sürətlənib, 9 çoxmənzilli yaşayış binasının qəzalı vəziyyətdə olan dam örtükləri, küçə və xiyabanlarda, magistral yolların kənarında hasar və bardürlər təmir olunub. Əşlə kəndində yeni avtomobil körpüsü tikilib, şəhərin Miri Cavadzadə küçəsində qəzalı vəziyyətdə olan körpü daxili imkanlar hesabına təmir olunub. Siyavar kəndində 96 şagird yerlik yeni modul tipli məktəb istifadəyə verilib. Hazırda şəhərin 9 küçəsində asfaltlanma işləri aparılır, Olimpiya İdman Kompleksinin və “Lənkəran İstisu və Sağlamlıq Mərkəzi”nin tikintisi sürətlə davam etdirilir. Azərbaycan Respublikası Prezidentinin müvafiq Sərəncamına əsasən yaxın günlərdə rayonda yeni xalça fabrikinin, 4 ucqar dağ kəndində yeni modul tipli məktəbin quraşdırılmasına və Gəgiran kəndində 264 şagird yerlik yeni məktəbin tikintisinə başlanılacaq. Rüb ərzində rayonda 790-nı daimi olmaqla, 925 yeni iş yeri açılıb. Cari ildə ilk dəfə olaraq rayonda barama bəsləniləcəyini deyən İcra Hakimiyyətinin başçısı bununla əlaqədar son hazırlıq işlərinin görüldüyünü və bu məqsədlə Çin texnologiyası üzrə müasir kümxananın tikildiyini diqqətə çatdırıb. Sonra şəhər İcra Hakimiyyəti başçısının birinci müavini Möhübbət Babayevin bu ilin birinci rübündə Lənkəran rayonunun sosial-iqtisadi inkişafının yekunlarına dair hesabat məruzəsi dinlənilib. Hesabat məruzəsindən sonra çıxış edənlər bu ilin üç ayında rayonda sosial-iqtisadi inkişaf sahəsində görülmüş işlərdən danışıb, mövcud problemlərlə bağlı təkliflərini bildiriblər. Sonda qarşıya qoyulan vəzifələrin icrası ilə bağlı aidiyyəti qurumların rəhbərlərinə müvafiq tövsiyə və tapşırıqlar verilib. Şura iclasında müzakirə edilən məsələ ilə bağlı müvafiq qərar qəbul olunub.




 
Bölməyə aid digər xəbərlər
19.11.2018
“İrəli”nin keçirdiyi intellektual yarışların Aran və Gəncə-Qazax üzrə qalibləri müəyyənləşib
19.11.2018
Paytaxtın 2 rayonunda iməclik keçirilib
18.11.2018
Ölkəmizin on şəhər və rayonunun məktəbliləri Lənkərana gəliblər
17.11.2018
Naxçıvan Qarnizonu qoşunlarında keçirilən növbəti snayper hazırlığı kursu uğurla başa çatıb
16.11.2018
Rəsulzadə bələdiyyəsində “Strateji Yol Xəritəsi” müzakirə olunub

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 “Gedir dayanmadan zamanın köçü”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info