Azərbaycan Milli Kitabxanası ilə Qətər Kitabxanası əməkdaşlıq edəcək
Tarix: 18.04.2018 | Saat: 15:23:00 | E-mail | Çapa göndər


Qətərin paytaxtı Dohada M.F.Axundzadə adına Azərbaycan Milli Kitabxanası ilə bu ölkənin milli kitabxanası arasında qarşılıqlı əməkdaşlığa dair memorandum imzalanıb. Memorandumu Azərbaycan tərəfindən Milli Kitabxananın direktoru Kərim Tahirov, Qətər dövləti tərəfindən isə Qətər Milli Kitabxanasının direktoru xanım Sohair Vastavıy imzalayıblar.
Bu barədə Milli Kitabxanadan məlumat verilib.
İmzalanma mərasimində Mədəniyyət və Turizm Nazirinin birinci müavini Vaqif Əliyev, Azərbaycanın Qətərdəki səfiri Rəşad İsmayılov, habelə Qətər Fondunun və Milli Kitabxanasının əməkdaşları da iştirak ediblər. Bu, Azərbaycan Milli Kitabxanasının dünya ölkələrinin milli kitabxanaları ilə imzaladığı sayca 35-ci memorandumdur. Beş il müddətinə imzalanan bu sənəddə qarşılıqlı kitab, informasiya və elektron resursların, qiymətli kitabların və əlyazmaların surətlərinin, yaxud rəqəmsal variantlarının mübadiləsini, əməkdaşların təcrübə mübadiləsini, habelə innovativ yeniliklərin tətbiqi üzrə treninqlərin, elmi konfransların keçirilməsini və ənənəvi keçirilən kitab sərgilərində iştirakı nəzərdə tutur. Memorandumda, həmçinin ərəb dilində çap olunmuş Azərbaycan müəlliflərinin yeni kitablarının təqdimat mərasimlərinin keçirilməsi də öz əksini tapıb.
Mərasimin sonunda Kərim Tahirov Azərbaycan Milli Kitabxanası haqqında fotoalbomu, Qarabağın tarixinə dair kitabı, Heydər Əliyev Fondunun nəşri olan “Qarabağ xanəndələri” muğam diskləri toplusunu, Azərbaycanın qədim musiqi alətləri haqqında kitabı Qətər Milli Kitabxanasına hədiyyə edib.
Sonra yaxın gələcək üçün əməkdaşlığın perspektivləri müzakirə olunub.
Tural




 
Bölməyə aid digər xəbərlər
21.11.2018
“Bakcell” “ASAN Məktub”dan təşəkkürnamə alıb
21.11.2018
Türkcə “Vikipediya”da Azərbaycanla bağlı məqalələrin yaradılması prosesi sürətlənir
21.11.2018
Sərhəd idarəçiliyi üzrə potensialın gücləndirilməsi istiqamətində görülən tədbirlər müzakirə edilib
21.11.2018
Bakıda Azərbaycan-Qazaxıstan Gənclərinin Forumu işə başlayıb
21.11.2018
YAP-ın yaranmasının 26 illiyi ilə əlaqədar Pirallahıda tədbir keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 Eldar Əzizov Bakı Şəhər İcra Hakimiyyətinin başçısı təyin edildi
5 Abel Məhərrəmov BDU-nun rektoru vəzifəsindən azad edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info