Qazaxıstandakı azərbaycanlı general-mayor təltif olunub
Tarix: 18.04.2018 | Saat: 20:19:00 | E-mail | Çapa göndər


Şahin Nəsibov: “Azərbaycanımızın iqtisadi yüksəlişi əksər ölkələrə nümunə olacaq”
Beynəlxalq Türksoyla “İpəkyolu” jurnalı və İpəkyolu Strateji Araşdırmalar Mərkəzinin təşkilatçılığı ilə “İlin Qızıl Adamları Mükafatlandırma Mərasimi” bu il İstanbulda keçirilib. Mükafatlandırma mərasiminə Türkiyədən başqa ABŞ, Rusiya, Azərbaycan, Qazaxıstan, Qırğızıstan, Türkmənistan, Rumıniya, Hollandiya, İspaniya və digər ölkələrdən önəmli qonaqlar iştirak ediblər. Mərasimə eyni zamanda bir çox nazir və millət vəkilləri ilə yanaşı bələdiyyə başçıları, akademiklər, iş adamları, QHT təmsilçiləri, fikir, sənət, siyasət, idman, media dünyasının önəmli təmsilçiləri qatılıblar.
Biznes, siyasət, elm, media, idarəetmə, mədəniyyət və sənət aləmindən tanınmış şəxslərin qatılacağı mərasimdə mükafatlar sahiblərinə təqdim olunub.

Bu il 14-cüsü təşkil olunan “İlin Qızıl Adamları Mükafatlandırma Mərasimi”ndə ölkədə və xaricdə yaşayan bir neçə azərbaycanlı da təltif olunub.
Laueratlar arasında Qazaxıstan Beynəlxalq İnsan Hüquqları Komitəsinin sədr müavini Şahin Nəsibov da olub. Şahin Nəsibova “Dostluq və Sülh Mükafatı” təqdim olunub.
Xatırladaq ki, general-mayor Şahin Nəsibovun valideynləri əslən Borçalıdandır. 40 il Qazaxıstanda yaşayıblar. Təqaüdə çıxandan sonra Azərbaycana qayıdıblar. 4 övladları var. Ailənin üçüncü övladı olan Şahin Nəsibov 1965-ci ildə Qazaxıstanda andan olub. Tibb Universitetinin bitirib. Daha sonra Moskva Dövlət Universitetinə daxil olub. Orada həm də hərbi dərslər keçib. Şahin Nəsibovun ali təhsilində yüksək göstəriciləri olub. Ona görə də onu hərbi məktəbə çalışmağa dəvət ediblər.
İxtisasca həkim olan Şahin Nəsibov, eyni zamanda biznes sahəsində çalışır. Bununla yanaşı, Qazaxıstan Beynəlxalq İnsan Hüquqları Komitəsinin sədr müavini olaraq ictimai fəaliyyət də göstərir. Hazırda general-mayor rütbəsinə qədər yüksələn Şahin Nəsibov Qazaxıstan dövlətinin saysız yüksək medalları ilə təltif olunub. Ailəlidir. Bir oğlu və bir qızı, üç nəvəsi var.
Şahin Nəsibov deyir ki, harada yaşamağından asılı olmayaraq ürəyi vətənimiz Azərbaycanla döyünür: “Biz hər zaman evdə, ailədə Azərbaycan dilində danışırıq. Bu, mənim valideynlərimin ən böyük istəyi idi. Biz də buna görə hər zaman dilimizi, adət-ənənəmizi qorumuşuq”.
Həmvətənimiz hər zaman Prezident İlham Əliyevin tövsiyələrini yerinə yetirdiyini bildirib: “Prezident İlham Əliyev də xaricdəki soydaşlarımıza tövsiyə edib ki, mütərəqqi yenilikləri Azərbaycana gətirək. Biz də buna uğun olaraq fəaliyyət göstəririk. Düşünürəm ki, Azərbaycanımızın iqtisadi yüksəlişi əksər ölkələrə nümunə olacaq. Mən Azərbaycanın gələcəyini parlaq görürəm. Hər zaman vətənimin adının yüksəklərdə olmasını arzulayıram. Fürsətdən istifadə edib Azərbaycan xalqını dövlət başçısı İlham Əliyevin yenidən Prezident seçilməsi münasibətilə təbrik edirəm. İlham Əliyev yalnız Azərbaycanın deyil, bütün dünya azərbaycanlılarının Prezidentidir”.

Fuad Hüseynzadə




 
Bölməyə aid digər xəbərlər
20.09.2018
Ədliyyə orqanlarına qulluğa qəbul olunan gənclər and içiblər
20.09.2018
ƏƏSMN və Kiçik və Orta Biznesin İnkişafı Agentliyi arasında memorandum imzalanıb
20.09.2018
Qanvermə aksiyalarının təşkili dini ənənələrə humanist bir töhfədir
20.09.2018
Gömrük xidməti ölkəmizin iqtisadi maraqlarının qorunmasında xüsusi yer tutur
20.09.2018
ADPU-nun Azərbaycan tarixi kafedrasının əməkdaşı Beynəlxalq Forumda iştirak edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info