Edimon Ginting: “ƏƏSMN tərəfindən verilən rəy və təkliflər xüsusi önəm daşıyır”
Tarix: 20.04.2018 | Saat: 14:58:00 | E-mail | Çapa göndər


Əmək və Əhalinin Sosial Müdafiəsi Nazirliyində Asiya İnkişaf Bankının Ölkə üzrə Diaqnostik Tədqiqatının ilkin nəticələri müzakirə olunub

Əmək və Əhalinin Sosial Müdafiəsi Nazirliyində ölkəmizdə səfərdə olan Asiya İnkişaf Bankının (AİB) missiyası ilə görüş olub. Görüş AİB-in respublikamızda inklüziv və dayanıqlı inkişafla bağlı Ölkə üzrə Diaqnostik Tədqiqatının ilkin nəticələrinin müzakirəsi məqsədi daşıyıb.
Əmək və əhalinin sosial müdafiəsi nazirinin müavini İdris İsayev Azərbaycan Prezidenti cənab İlham Əliyevin sosial-iqtisadi siyasətinin ölkədə dinamik iqtisadi inkişafa şərait yaratmaqla, eyni zamanda, inkişaf proseslərinin inklüziv əsaslar üzərində həyata keçirilməsini təmin etdiyini vurğulayıb. Nazir müavini diqqətə çatdırıb ki, Dünya İqtisadi Forumunun “İnklüziv İnkişaf İndeksi 2018”də Azərbaycanın inkişaf etməkdə olan ölkələr sırasında ilk üçlükdə, MDB məkanında isə birinci yerdə qərarlaşması bu sahədə respubikamızın uğurlarına beynəlxalq səviyyədə də yüksək qiymət verildiyini göstərir. Bu gün respublikamızın perspektiv inkişaf hədəfləri də məhz inklüziv inkişafa əsaslanır və “Milli iqtisadiyyat və iqtisadiyyatın əsas sektorları üzrə Strateji Yol Xəritələri”ndə də bu amil aydın şəkildə əksini tapıb.
Ölkəmizdə əmək bazarı, məşğulluq sahəsində də inklüzivliyin, bərabər imkanların təmin edildiyini bildirən İ.İsayev əmək ehtiyatlarından səmərəli istifadə olunmasının, məşğulluq səviyyəsinin artırılmasının, layiqli iş yerlərinin yaradılması yolu ilə inklüziv inkişafa nail olunmasının Azərbaycanın ümumi inkişafının əsas prioritetlərindən olduğunu qeyd edib. O bildirib ki, qeyri-neft sektorunun, o cümlədən regionların, kənd təsərrüfatının inkişafının, sahibkarlığın genişlənməsinin stimullaşdırılması üçün kompleks tədbirlər yeni iş yerlərinin açılmasının daimi xarakter alması, əmək resurslarının səmərəli məşğulluq imkanlarının artırılması ilə müşahidə olunur. Əmək qabiliyyətli yaşda olan əhalinin ümumi əhalinin 63 faizini təşkil etdiyi, hər il orta hesabla 80-100 min gəncin əmək bazarına daxil olduğu ölkədə işsizliyin aşağı səviyyədə saxlanılması və əmək bazarında sabitliyin davam etməsi də aparılan fəal məşğulluq siyasətinin nəticəsidir.
Aktiv əmək bazarı tədbirlərinin genişləndirilməsi, dəstəyə ehtiyacı olan əhali qruplarının əmək bazarına inteqrasiyasının gücləndirilməsi sahəsində aparılan işləri diqqətə çatdıran nazir müavini son illərdə sosial müdafiə siyasətinin də aktiv tədbirlərə önəm verilməklə daha da təkmilləşdirildiyini vurğulayıb.
İ.İsayev AİB-lə ölkəmiz arasında fəal əməkdaşlığın mövcud olduğunu, bu əməkdaşlığın Təşkilatın 2014-2018-ci illər üzrə “Ölkə tərəfdaşlıq strategiyası” çərçivəsində davam etdirildiyini bildirib. Nazir müavini Strateji Yol Xəritələrində nəzərdə tutulan inklüziv və dayanıqlı inkişaf üzrə hədəflərə doğru aparılan siyasətin dəstəklənməsi məqsədilə AİB-in müvafiq mövzuda araşdırmalarının, Ölkə üzrə Diaqnostik Tədqiqat həyata keçirməsinin əhəmiyyətini diqqətə çatdırıb.
Missiyanın rəhbəri, AİB-in İqtisadi təhlil və əməliyyatlara dəstək şöbəsinin direktoru Edimon Ginting Azərbaycanda inklüziv inkişafın təmin olunması sahəsində aparılan siyasətdə hər kəs üçün səmərəli məşğulluq imkanlarının yaradılması, inklüziv əmək bazarının inkişaf etdirilməsi prinsiplərinin də üstünlük təşkil etməsinin təqdirəlayiq olduğunu qeyd edib. O, Ölkə üzrə Diaqnostik Tədqiqatda məşğulluq siyasəti və əmək bazarına dair araşdırmaların da yer aldığını bildirib, bu sahədə Əmək və Əhalinin Sosial Müdafiəsi Nazirliyi ilə aparılan müzakirələrin, nazirlik tərəfindən verilən rəy və təkliflərin xüsusi önəm daşıdığını vurğulayıb.
Görüş Ölkə üzrə Diaqnostik Tədqiqatın ilkin nəticələrinə, inklüziv inkişaf şəraitində məşğulluq və sosial müdafiə siyasətinə dair müzakirələrlə davam edib.
Tural




 
Bölməyə aid digər xəbərlər
15.11.2018
110 şəhid hərbi qulluqçu üzrə 135 vərəsəyə birdəfəlik ödəmənin verilməsinə dair qərar qəbul olundu
14.11.2018
“Veysəloğlu”da şirkət əməkdaşlarının tələbə adını qazanan övladları ilə görüş keçirilib
13.11.2018
Özünüməşğulluq proqramı çərçivəsində 50-dən çox ailəyə mal-materiallar təqdim olunub
13.11.2018
“DOST” mərkəzlərinin yaradılması üçün əlavə vəsait ayrılıb
13.11.2018
13 noyabr - Beynəlxalq Gözdən Əlilliyi olan şəxslər Günüdür

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10480

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info