Aqrar Universitet müxtəlif təyinatlı kənd təsərrüfatı texnikaları ilə təmin ediləcək
Tarix: 20.04.2018 | Saat: 15:59:00 | E-mail | Çapa göndər


Kənd Təsərrüfatı Nazirliyinin maliyyə dəstəyi ilə Azərbaycan Dövlət Aqrar Universitetinə ümumi dəyəri təxminən 1 milyon manatdan artıq müxtəlif təyinatlı kənd təsərrüfatı texnikaları gətiriləcək. Bunun üçün universitetin həmin sahə üzrə mütəxəssisləri “Aqrolizinq” ASC-nin Gəncə şəhərindəki və ətraf rayonlardakı təchizat bazalarında olub, yeni texnikalara baxış keçiriblər. Universitetə gətiriləcək texnikalar içərisində dəyəri 300 min dollar olan ABŞ-ın “John Deere” şirkətinin traktoru da var.
AZƏRTAC-ın bölgə müxbiri xəbər verir ki, bu barədə universitetin rektoru, AMEA-nın müxbir üzvü İbrahim Cəfərov professor-müəllim və tələbə heyəti qarşısında son illərdə ali-təhsil müəssisəsində görülmüş işlər və qarşıda duran vəzifələr haqqında danışarkən deyib.
Bildirilib ki, hazırda respublikamız üçün yeganə yüksəkixtisaslı aqrar kadrlar hazırlayan universitet son illərdə Prezident İlham Əliyevin diqqət və qayğısı sayəsində böyük inkişaf yolu keçib. Zəngin elm-tədris tarixinə və ənənələrinə malik universitetin nəinki əvvəlki şöhrəti bərpa edilib, hətta infrastrukturunun genişləndirilməsi, maddi-texniki bazasının müasirləşdirilməsi, kadr potensialının və tədrisdə keyfiyyətin yüksəldilməsi onu dünyanın ən qabaqcıl aqrar universitetləri ilə rəqabət apara biləcək səviyyəyə yüksəldib. Bu illər ərzində universitetdə Biotexnologiya və biokimya, Biologiyanın tədrisi və metodikası, Mikrobiologiya, Makro və mikroelementlərin təyini, Aqrokimya, Aqrometerologiya, Ekologiya, Əkinçilik, Seleksiya, Yemçilik, Pambıqçılıq və lifin texnologiyası, Bitki mühafizəsi, Bitki anatomiyası və morfologiyası, Bitki nümunələrinin təhlili, Nümunələrin analizə hazırlanması, Torpağın aqroekoloji qiymətləndirilməsi, Torpağın kimyəvi monitorinqi, Torpaqşünaslıq, Üzümçülük, Meyvə, tərəvəz və subtropik bitki genetik ehtiyatları, Tərəvəzçilik, Taxıl və paxlalı bitkilər elmi tədqiqat və sahəvi laboratoriyaları yenidən qurularaq ən müasir cihazlarla təchiz edilib. Həmçinin Yaponiyanın orta və kiçikhəcmli müəssisələrin təminatı üçün qeyri-layihə üzrə qrant yardımı çərçivəsində Toxumçuluq laboratoriyası, “Gilan Holdinq”in dəstəyi ilə Eksperimental Tədris Qrupu, universitetin görkəmli akademik və professorlarının adına auditoriyalar, eləcə də Bitki klinikası və Baytarlıq klinikası qurulub. Universitetin nəzdində istixana kompleksi, heyvandarlıq, atçılıq, quşçuluq, bildirçin, balıqçılıq, arıçılıq təsərrüfatları yaradılıb, dendroloji bağ salınıb, maşın–traktor parkı isə ən müasir kənd təsərrüfatı texnikaları ilə təmin olunub.
Respublikamızın bütün ali təhsil müəssisələri içərisində ilk Tələbə yataqxanası layihəsinin Aqrar Universitetdə həyata keçirildiyini deyən İbrahim Cəfərov bildirib ki, ümumi olaraq 1026 yerlik iki yataqxana kompleksi inşa edilib və hər iki tələbə evi Prezident İlham Əliyevin 2016-cı və 2017-ci illərdə Gəncə şəhərinə səfəri çərçivəsində istifadəyə verilib.
Rektor vurğulayıb ki, hazırda ölkəmizdəki aqroparklarda işləyən ən müasir kənd təsərrüfatı texnikalarının eynisinin universitetə gətirilməsi müvafiq ixtisaslar üzrə təhsil alan tələbələrin praktik bacarıqlarını yüksəldəcək. Həmçinin yeni texnikalar ətraf rayonlar üçün mexanizatorların yenidən hazırlanması və kursların təşkili məqsədilə istifadə ediləcək.
Mahmud




 
Bölməyə aid digər xəbərlər
12.11.2018
Yol polisi Bakıda yük daşıma fəaliyyəti ilə məşğul olan nəqliyyat vasitələri sahiblərinə müraciət edib
12.11.2018
Dövlət Gömrük Komitəsinin Akademiyasında Konstitusiya Günü qeyd olunub
12.11.2018
Bakıdan Misirin Şarm əl-Şeyx şəhərinə birbaşa çarter reysi açılıb
12.11.2018
Daşkənddə Dövlət Bayrağı Günü qeyd olunub
08.11.2018
Yük maşınlarının Bakıya daxil olması üçün marşrutlar müəyyən edilib

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10458

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info