Kaliforniyada Beynəlxalq Mədəniyyət Mərkəzinin açılışı olacaq
Tarix: 26.04.2018 | Saat: 17:11:00 | E-mail | Çapa göndər


Mayın 6-da Kaliforniya Ştatında Beynəlxalq Mədəniyyət Mərkəzinin açılışı baş tutacaq. Mərkəzin Azərbaycanlı rəhbəri Sevinc Səfərova açılışa “Azərbaycan gecəsi” ilə start verəcək. Bu gecə Ulu Öndərimiz Heydər Əliyevin 10 may doğum günü xatirəsinə həsr olunacaq.
Mərkəzin prezidenti Azərbaycanlı yazar, prodüser Sevinc Səfərova Los-Ancelosda yaşayan Azərbaycanlıların İlham Əliyevin yenidən prezident seçilməsi ilə bağlı sevinc hissi yaşadıqlarını və onun uzaqgörən siyasətinin dəstəklənməsi münasibəti ilə gecədə çıxışlar təşkil olunacağını bildirdi: “İlham Əliyevin yenidən prezident seçildiyi üçün onu yazılı olaraq təbrik etmişəm və bu gecədə qonaqlarımızla birlikdə ona öz təbriklərimizi ünvanlayacağıq. Azərbaycan gecəsində Amerikanın nüfuzlu televiziyaları iştirak edəcək. Bununla yanaşı tədbirdə siyasi, eyni zamanda tanınmış iş adamları iştirakı da nəzərdə tutulub. Hollivuddun media nümayəndəliyinin də iştirak etdiyi gecədə Amerikanın nüfuzlu kanallarında iştirak edəcək və onlar da Azərbaycan mədəniyyəti, mətbəxi ilə yaxından tanış olacaqlar”.

Mərkəzin prezidenti Sevinc Səfərova Azərbaycan gecəsini keçirməkdə əsas məqsədinin Qarabağı unutdurmamaq və onun tarixini mədəniyyəti barədə nəinki Amerika xalqına, eyni zamanda dünyaya bəyan etmək istəyinin dayandığını qeyd etdi. Bundan başqa Azərbaycan mədəniyyətinin okeanın o tayında tanıdılması da əsas məqsədlərdən biri olaraq nəzərdə tutulub.

Azərbaycan gecəsinin keçirilməsində əsas dəstəkçisi Şəmi Mafi və sponsoru isə tanınmış Kəngərlilərin davamçısı həkim Cyrs Kengerli yer alır. O, CK Global trening Holdinginin rəhbəridir.

Sevinc Səfərova dəstəyə görə Kəngərli ailəsinə dərin təşəkkürünü bildirir: “Cyrs Kəngərli Azərbaycan kökənlidir. Böyük nəslin davamçılarındandırlar. Nəsilləri də Qarabağlıdır. Bir tərəfi isə Naxçıvana və İrəvana gedib çıxır. Bu işdə bizim əsas dəstəkçilərimizdəndirlər və onlar Azərbaycan mədəniyyətinin Amerikada təbliğ olunmasına çox maraqlıdırlar. Onlarla işlədiyim üçün özümü şanslı hesab edirəm”.
Gecənin sponsorlarından olan xanım Şəmi Mafi açıqlamasında bu layihəni etməkdə əsas məqsədlərinin Azərbaycanın da Amerikada tanınmasını zəmin yaratmaq olduğunu vurğulayır: “Çox istərdik ki, Azərbaycan sənətçiləri Amerikada tanınsın. Nəinki sənətçiləri Azərbaycanla Amerika arasındakı turizm əlaqələri genişlənsin. Biz “Azərbaycan gecəsi”-nin keçilməsinin tərəfdarıyıq. Bu gecədən sonra Azərbaycanda iqtisadi inkişafına da qatqısı olacağını düşünürük. Gecədə iştirak edən nüfuzlu iş adamları ola bilsin ki, gələcəkdə Azərbaycanda müəyyən bir biznes qurub, sərmayə yatırdılar. Azərbaycan mətbəxi Amerikada tanınması üçün çalışırıq. Bizim gələcəkdə hədəflərimi sənət olaraq iki ölkəni birləşdirmək və Azərbaycanın mədəniyyətini dünyaya tanıtmaqdır. Mərkəzin açılışında ilk tədbirimizin məhz Azərbaycan gecəsi olması da heç də təsadüfi deyil”.
Mədəniyyət evinin açılışında Azərbaycandan və Amerikanın sevilən sənətçiləri iştirak edəcəklər. Dəvətli qonaqlardan Maestro Shahbal Shabpareh, Azəri musiqiçisi usta Rəhman Əsədullahi iştirak edəcək. Eyni zamanda gənc, gözəl səsə malik Cana Mafi, skripkada Elvina Qurbanova və vokalda Nail Qurbanov çıxış edəcəklər.
Tədbirdə Azərbaycan milli mətbəxi də təbliğ olunacaq. Milli yeməklərimiz şirniyyatlarımız qonaqlara təqdim olunacaq.
Gecədə Azərbaycan konsulluğunun iştirakı gözlənilir. Gecənin təşkilatı dəstəyi İran Yəhudi federasiyanın rəhbəri həkim Kamran Brukhimdir.

Qeyd edək ki, 6 mayda Kaliforniyanın Beynəlxalq Mədəniyyət Mərkəzinin açılışında yazar Sevinc Səfərovanın “Sin” adlı kitab təqdimatı da gerçəkləşəcək.

Fuad




 
Bölməyə aid digər xəbərlər
25.09.2018
Müdafiə Sənayesi Nazirliyi ilə “ASELSAN” şirkəti arasında memorandum imzalanıb
25.09.2018
“Şahdağ” rusiyalı turistlər üçün ən yaxşı dağ-xizək kurortlarının ilk üçlüyünə daxil edilib
25.09.2018
“Bakcell“dən maraqlı aksiya və onlayn müsabiqə: DaimOnline
25.09.2018
AQTA-nın vətəndaşlara müraciəti
25.09.2018
Mübariz Qurbanlı Mingəçevirdə vətəndaşların müraciətlərini dinləyib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info