Ötən il Qazaxıstandan Azərbaycana gələn turistlərin sayı 45 faiz artıb
Tarix: 28.04.2018 | Saat: 21:48:00 | E-mail | Çapa göndər


Azərbaycanın Aktau şəhərindəki Baş konsulluğunun təşkilatçılığı ilə ölkəmizin turizm potensialına həsr olunmuş “Azərbaycanı özün üçün kəşf et” mövzusunda tədbir keçirilib.
Konsulluqdan APA-ya verilən məlumata görə, tədbir çərçivəsində Azərbaycanın turizm bölgələrini özündə əks etdirən xəritələr, jurnallar, broşürlər və digər təbliğat materialları sərgisi təşkil olunub.
Tədbirdə Manqistau vilayətin Turizm idarəsinin rəhbərliyi, vilayətdə fəaliyyət göstərən 30-dan artıq turizm şirkətinin nümayəndələri, jurnalistlər, həmçinin Azərbaycandan gəlmiş turizm şirkətlərinin nümayəndələri iştirak edib. Tədbirin əvvəlində Azərbaycanın turizm potensialına dair video çarx nümayış etdirilib.
Daha sonra tədbiri Azərbaycanın Aktau şəhərindəki Baş konsulluğunun rəhbəri Elxan Zeynalov açaraq ölkəmizin iqtisadi inkişafından, son illərdə əldə etdiyi nailiyyətlərdə, xüsusi ilə turizm sektorunda qazandığı uğurlardan danışıb. O, Azərbaycan Prezidenti İlham Əliyevin turizm sahəsinə verdiyi diqqət və qayğı nəticəsində ölkəmizin turizm sahəsində böyük inkişafa nail olduğu, Azərbaycana gələn xarici turistlərin sayının ildən ilə artdığını bildirərək ölkəmizdə turistlər üçün yüksək səviyyəli xidmətin yaradıldığını bildirib. E.Zeynalov Qazaxıstan ilə Azərbaycan arasında turizm sahəsində əməkdaşlıq imkanlarının geniş olduğunu qeyd edib. Onun sözlərinə görə, 2016-cı illə müqayisədə 2017-ci ildə Qazaxıstandan Azərbaycana gələn turistlərin sayında 45% artım müşahidə olunub. E.Zeynalov əlavə edib ki, Azərbaycana gələn Qazaxıstanlı turistlər əsasən sağlamlıq, şopinq və istirahət turlarını seçir: "Baş konsulluq tərəfindən təşkil olunmuş tədbirin əsas məqsədi dost, qardaş Qazaxıstan ilə Azərbaycan arasında turizm sahəsində əməkdaşlığın daha da genişləndirilməsi, bu işdə hər iki ölkənin turizm şirkətləri arasında əlaqələrin yaradılması və genişləndirilməsi məqsədini daşıyır".
Daha sonra, Manqistau vilayət hakimiyyətinin Turizm şöbəsinin rəisi Jariyeva Qulsim Omarovna bildirib ki, iki ölkə arasında turizm sahəsində əməkdaşlıq üçün əlverişli şərait var. O, Manqistau vilayət fəaliyyət göstərən turizm şirkətləri ilə Azərbaycanın turizm şirkətləri arasında əlaqələrin qurulmasının və genişləndirilməsinin vacibliyini vurğulayıb. O, həmçinin Manqistau vilayətində turizm imkanları haqqında da məlumat verib.
Azərbaycanın turizm şirkətinin nümayəndələri Cavid Cavadov və Fazil Atayev çıxış edərək, ölkəmizin turizm imkanları və məkanları, gənclər üçün turlar, aktiv istirahət turları, müalicəvi turlar və s. haqqında təqdimatlar keçirib.




 
Bölməyə aid digər xəbərlər
19.02.2019
İş vaxtı ərzində işçi digər peşə üzrə əmək funksiyasını da icra edərsə, onun əmək haqqına əlavə ödənilməlidir
19.02.2019
Beyləqanın Əhmədli və Gödəklər kəndlərində modul tipli məktəb binaları istifadəyə verilib
19.02.2019
Əmək və əhalinin sosial müdafiəsi nazirinin yeni müavini təyin olunub
19.02.2019
Qarabağ müharibəsi əlilləri və veteranları, şəhid ailələri, tərxis olunmuş hərbçilərin bir qrupu ilə görüş olub
18.02.2019
“Bizim həyət”: abadlaşdırılan növbəti həyət sakinlərin istifadəsinə verilib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10605

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 Qabaqcıl texnologiyalar dövründə ənənəvi və internet medianın inkişafı
5 ABŞ-da atışma: xəsarət alanlar var


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info