Azərbaycan cüdoçuları Avropa çempionatında 2 medal qazanıblar
Tarix: 29.04.2018 | Saat: 02:59:00 | E-mail | Çapa göndər


İsrailin paytaxtı Təl-Əvivdə cüdo üzrə Avropa çempionatı bu gün başa çatıb. Apasport.az saytının məlumatına görə, yarışın sonuncu günündə Azərbaycan millisinin 5 üzvü mübarizəyə qoşulub.

Avropa çempionatı

Kişilər

90 kq

İlk görüşdən azad olan Məmmədəli Mehdiyev (90 kq) 1/16 finalda Noel Van T Endlə (Hollandiya) qüvvəsini sınayıb. Qarşılaşma həmyerlimiz üçün məğlubiyyətlə yekunlaşıb.

100 kq
Yığmamızın lideri Elxan Məmmədovun da ilk görüşü 1/16 finala təsadüf edib. Slovakiyalı Matey Hayasla üz-üzə gələn idmançımız ipponla qalib gəlib. O, ikinci görüşündə Niyaz Bilalovla (Rusiya) güləşib və mərhələ adlaya bilməyib.
Zelim Kotsoyevin də 1/8 finala gedən yolda rəqibi slovakiyalı olub. Təmsilçimiz Milan Randlı ipponla mübarizədən kənarlaşdırıb. Kotsoyev növbəti görüşündə Kirill Denisovla (Rusiya) mübarizə aparıb və bu döyüşü də xeyrinə bitirib. İdmançımız 1/4 finalda israilli Peter Paltçiklə qüvvəsini sınayıb. Təəssüf ki, o, bu dəfə qələbə qazana bilməyib.
Zelim məğlubiyyətə baxmayaraq, çıxışını davam etdirib. O, təsəlliverici döyüşdə portuqaliyalı Jorj Fonseka ilə qarşılaşıb və qələbə qazanıb. "Bürünc" uğrunda Kotsoyevin rəqibi belaruslu Daniel Mukete olub. Bu rəqibindən də üstün olan idmançımız turniri üçüncü pillədə başa vurub.



+100 kq

Millimizin ən ağır çəkili cüdoçusu Uşanqi Kokauri 1/16 finalda rusiyalı Tamerlan Basayevlə güləşib. O, startdaca məğlub olaraq, yarışla vidalaşıb.



Qadınlar

+78 kq
Komandamızın Avropa çempionatındakı son qadın cüdoçusu İrina Kindzerska 1/8 finalda rusiyalı Ksenya Çibişovanı sınağa çəkib. Döyüş təmsilçimizin qələbəsi ilə başa çatıb. O, ipponla qalib gəlib. Kindzerska 1/4 finalda Yelizaveta Kalanina (Ukrayna) ilə gücünü yoxlayıb və məğlubiyyətə üzülüb.
O, bürünc medal uğrunda təsəlliverici görüşdə İvana Maraniçlə qarşılaşmalı olsa da, zədə səbəbindən tatamiya çıxmayıb və yarışla vidalaşıb.
Qeyd edək ki, Avropa çempionatına 16 cüdoçu ilə yollanan millimiz bir “gümüş” və bir “bürünc” medal qazanıb. Ötən gün 73 kq çəkidə yarışan Hidayət Heydərov ikinci olmuşdu.




 
Bölməyə aid digər xəbərlər
20.09.2018
UEFA Çempionlar Liqasında ilk tura yekun vurulub
19.09.2018
UEFA Çempionlar Liqası: Roberto Firmino “Liverpul“ klubuna qələbə qazandırıb
18.09.2018
UEFA Çempionlar Liqası: “İnter” və “Barselona“ qələbə qazanıblar
18.09.2018
Bakıda Beynəlxalq Cüdo Federasiyası İcraiyyə Komitəsinin iclası keçirilib
18.09.2018
UEFA Çempionlar Liqası: Məhəmməd Salah Neymara qarşı

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info